Heernkoop

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Lee
Inwahners:
Postleettall:	21765
Vörwahl:	04758
Geograafsche Laag:	53° 46′ N, 8° 48′ O

Heernkoop (hoochdüütsch Heringskoop) is en lütten Oort in de Gemeen Lee (Samtgemeen Land Hadeln) in’n Landkreis Cuxhoben, Neddersassen.

Geografie

De Oort liggt in dat Siedland von Hadeln. Dat Water ut dat Rebeed warrt över en Nett ut Gravens afföhrt, dat an de Welster un an’n Olenbroker Kanaal anbunnen is.

De Naveröörd sünd de Lee in’n Noorden, Kampen in’n Süüdoosten, Oosterwannen un Westerwannen in’n Süden un Füürsteed un Seehusen in’n Westen.

Historie

Heernkoop höört to de -koop-Öörd.

Verwaltungsgeschicht

De Oort hett vör 1852 to dat Kaspelsgericht Lee in dat Land Hadeln tohöört un von 1852 af an to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

De Oort höört von öllers bi de Gemeen Lee mit bi.

Inwahnertall

Johr	Inwahners
1848-00-001848	113 Lüüd, 21 Hüüs
1871-12-011. Dezember 1871	88 Lüüd, 21 Hüüs
1885-12-011. Dezember 1885	90 Lüüd, 21 Hüüs

Religion

Heernkoop is evangeelsch-luthersch präägt un höört to dat Kaspel von de Nicolai-Kark in de Lee.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

För Heernkoop is de freewillige Füürwehr Lee mit tostännig.

Verkehr

De Straat dör Heernkoop löppt in’n Noordwesten an de Kreisstraat 10 ran un in’n Süüdoosten in de Lee an de Landsstraat 118. De L 118 geiht von dor in’n Noordoosten na Neenkarken un Oterndörp un in’n Süüdwesten över Wannen na Krümpel, Niewohl un Debst.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 14 Kilometer in’n Noordwesten von Heernkoop an de B 73.

De nächste Bahnhoff is so bi teihn Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.