Krümpel

Vun Wikipedia
Wapen/Flagg Koort

Wapen vun Krümpel

Krümpel
Laag vun Krümpel in Düütschland
Basisdaten
Bundsland: Neddersassen
Landkreis: Cuxhoben
Gemeen: Geestland
Flach: 13,64 km²
Inwahners:
Postleettall: 27607
Vörwahl: 04707
Geograafsche Laag:
Koordinaten:53° 43′ N, 8° 42′ O
53° 43′ N, 8° 42′ O
KrümpelHolsselnNiewohlImßen (Oortschop)Langen (Landkreis Cuxhoben)Sievern (Land Wusten)DebstLintig (Oortschop)Elm (Oortschop)Kührst (Oortschop)Köhlen (Landkreis Cuxhoben)Ringst (Oortschop)HemendörpBeers (Oortschop)DrangstFlögeln
Laag von Krümpel in de Gemeen Geestland (Koort lett sik anklicken)

Karte

Krümpel (hoochdüütsch Krempel) is en Oort mit üm un bi 550 Inwahners in de Gemeen Geestland in’n Landkreis Cuxhoben, Neddersassen.

Geografie[ännern | Bornkood ännern]

Krümpel liggt in de Heid, an de Oostkant von de Hoge Lieth na dat Moor hen. In’n Süüdoosten in’n Moor liggt de Dahlemer See.

De Naveröörd sünd Wanhöden in’n Noorden, Westerwannen in’n Noordoosten, Ahlenfalkenbarg in’n Oosten, Niewohl in’n Süden, Holsseln in’n Süüdwesten, Kraansborg in’n Westen un Millm in’n Noordwesten.

Historie[ännern | Bornkood ännern]

Ut de Vörgeschicht hett dat in Krümpel ölven Graffhümpels geven (bi’n Sünnbarg), von de veer noch nableven sünd. Dor hebbt se ok 17 Urnen funnen.

Krümpel is en Heiddörp un fröher weren de Imkeree un de Schäperee för den Oort wichtig.

In de Oorkunnen kummt dat toeerst 1280 as Crimpelinge vör.

Krümpel leeg fröher in dat Amt Niewohl. In de Franzosentied hett de Oort to de Kommuun Niewohl in’n Kanton Dorum tohöört. Von 1852 bet 1859 hett de Oort bi dat Amt Beers bihöört, bet 1885 to dat Amt Leh un denn bet 1932 bi’n Kreis Leh. Von 1932 bet 1977 leeg Krümpel in’n Landkreis Wersermünn un is 1977 an’n Landkreis Cuxhoben kamen.

1971 is Krümpel Deel von de Samtgemeen Niewohl worrn, de denn aver an’n 1. März 1974 in de Gemeen Langen opgahn is. De Gemeen Langen is to’n 1. Januar 2015 oplööst worrn. Dat Rebeed höört nu to de Gemeen Geestland.

Inwahnertall[ännern | Bornkood ännern]

Johr Inwahners
1824-00-001824[1] 15 Füürsteden
1848-00-001848[2] 151 Lüüd, 26 Hüüs
1910-12-011. Dezember 1910[3] 228
1925-00-001925[4] 265
1933-00-001933[4] 308
1939-00-001939[4] 320

Religion[ännern | Bornkood ännern]

Krümpel is evangeelsch-luthersch präägt un höört to dat Kaspel Niewohl. De Kapell an’n Karkhoff is 1974 boot worrn.

Wapen[ännern | Bornkood ännern]

Dat Wapen wiest op sülvern Grund baven en rode Sünn un ünnen op en swarten Schildfoot en sülvern Urn. De Sünn steiht för den 26 m hogen Sünnbarg bi dat Dörp un de Urn för de Funnen ut de Vörgeschicht, de se bi dat Dörp maakt hebbt.

Oortsbörgermeesters[ännern | Bornkood ännern]

Börgermeesters:

  • -1974: Hermann Peters (CDU)

Oortsbörgermeesters:

  • opstunns: Herbert Peters

De Oortsraad hett fiev Liddmaten.

Weertschop un Infrastruktur[ännern | Bornkood ännern]

Dat eerste Telefoon keem 1906 na Krümpel un elektrischen Stroom hett de Oort 1921 kregen. An dat Waternett is dat Dörp 1960 anslaten worrn.

Von 1970 bet 1995 hett dat op’n Sünnbarg in Krümpel en HAWK-Raketenstellung von de Flugabwehrraketengruppe 37 geven.

2010 hett de IFE Eriksen AG op’n Sünnbarg op söss Hektar en Solarpark mit 10.500 Module boot, de 2,3 MWp Energie produzeert.[5] De Anlaag hett 6 Milljonen Euro köst. Op de Hoge Lieth steiht ok en Windpark mit 16 Windrääd.

Verkehr[ännern | Bornkood ännern]

Krümpel liggt an de Landsstraat 118, de in’n Noordoosten na Wannen löppt un in’n Süden na Niewohl. Ans gifft dat noch lüttjere Straten na Kraansborg un Wanhöden. So bi twee Kilometer na Westen to löppt de Autobahn 27 (Afsnidd CuxhobenBremerhoben) an Krümpel langs. De nächste Opfohrt is de Opfohrt 4 Niewohl un is so söss Kilometer weg.

De nächste Bahnhoff is de Bahnhoff Dorum an de Bahnlien Bremen-Cuxhoben.

Scholen[ännern | Bornkood ännern]

Dat ole Schoolhuus von Krümpel is 1910 boot worrn. De School hett denn in de Johren 1960 dichtmaakt. Vondaag hett Krümpel noch en Kinnergoorn.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 342: http://books.google.de/books?id=tG0AAAAAcAAJ&pg=PA342
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
  3. http://www.gemeindeverzeichnis.de/gem1900/gem1900.htm?hannover/lehe.htm
  4. a b c http://www.verwaltungsgeschichte.de/wesermuende.html
  5. Michael Ziegler: IFE Eriksen AG und Sparkassen weihen 2,3 MW-Solarpark im Landkreis Cuxhaven ein, photovoltaik-guide.de an’n 30. Juni 2011

Literatur[ännern | Bornkood ännern]

  • 700 Jahre Krempel. 1980

Weblenken[ännern | Bornkood ännern]

Krümpel. Mehr Biller, Videos oder Audiodateien to’t Thema gifft dat bi Wikimedia Commons.