Hemendörp

Vun Wikipedia
Wapen/Flagg Koort

Wapen vun Hemendörp

Hemendörp
Laag vun Hemendörp in Düütschland
Basisdaten
Bundsland: Neddersassen
Landkreis: Cuxhoben
Gemeen: Geestland
Inwahners:
Postleettall: 27607
Vörwahl: 04704
Geograafsche Laag:
Koordinaten:53° 38′ N, 8° 42′ O
53° 38′ N, 8° 42′ O
KrümpelHolsselnNiewohlImßen (Oortschop)Langen (Landkreis Cuxhoben)Sievern (Land Wusten)DebstLintig (Oortschop)Elm (Oortschop)Kührst (Oortschop)Köhlen (Landkreis Cuxhoben)Ringst (Oortschop)HemendörpBeers (Oortschop)DrangstFlögeln
Laag von Hemendörp in de Gemeen Geestland (Koort lett sik anklicken)

Karte

Luftbild von Hemendörp un een von de Hemendörper Baggerseen von Noordwesten keken (2015)

Hemendörp (hoochdüütsch Hymendorf) is en Dörp in de Gemeen Geestland, Landkreis Cuxhoben, mit üm un bi 500 Inwahners.

Geografie[ännern | Bornkood ännern]

Hemendörp warrt sien Water över den Hemendörper Aftog na Oosten hen över den Fickmöhlener Randkanaal loos.

Historie[ännern | Bornkood ännern]

Hemendörp is 1829 mit 20 Steden to 60 Morgen grünnt worrn,[1] as se dat Hemenmoor dröögleggt hebbt. Dat Dörp is as Stratendörp anleggt. Dat Dörp besteiht blot ut de Hemendörper Straat un op beid Sieden vun de Straat liggt Hööv mit Hoven, de all so bi een Kilometer lang sünd. Dat Dörp weer teerst en sülvstännige Gemeen in dat Amt Beers un vun 1859 af an in dat Amt Leh (later Kreis Leh). Vun 1932 bet 1977 weer dat Dörp Deel vun’n Kreis Wersermünn, na 1977 vun’n Landkreis Cuxhoben. 1971 is de Gemeen Deel vun de Samtgemeen Niewohl worrn. 1974 hett de Gemeen denn aver ehr Sülvstännigkeit verloren un is Deel worrn vun de Gemeen Langen. De Gemeen Langen is to’n 1. Januar 2015 oplööst worrn. Dat Rebeed höört nu to de Gemeen Geestland.

Inwahnertall[ännern | Bornkood ännern]

Johr Inwahners
1848-00-001848[2] 148 Lüüd, 20 Hüüs
1910-12-011. Dezember 1910[3] 289
1925-00-001925[4] 295
1933-00-001933[4] 313
1939-00-001939[4] 299

Wapen[ännern | Bornkood ännern]

En Wapen hett dat Dörp siet 1963. Utdacht hett sik dat Albert de Badrihaye un an’n 30. Dezember 1963 is dat offiziell genehmigt worrn. Dat wiest in Blau en sülvern Moorspaden in schraaglinke Stellung, rechts baven un links ünnen begliedt vun en gollene Imm. De Escher wiest op de Herkumst as Moordörp hen. De Immen wiest op de hier bedrevene Imkeree hen un sünd Sinnbild för den Naam (Hymen=Immen). Etymoloogsch hett de Naam vun dat Dörp aver nix mit Immen to doon. Dat hett sien Naam na’n Hemensee in’t Hemenmoor. Heem (verwandt mit Hamm) is en annern Utdruck för Wisch.

Börgermeesters[ännern | Bornkood ännern]

  • -1974: Heinrich von Döhlen (CDU)

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Direkt an Hemendörp langs geiht de A 27 (Afsnidd CuxhobenBremerhoben). De nächste Opfohrt is aver eerst de Opfohrt 5 Debst. Lüttjere Straten gaht na Debst, Niewohl, Drangst un Flögeln.

Footnoten[ännern | Bornkood ännern]

  1. http://books.google.de/books?id=BGVTAAAAcAAJ&pg=PA218
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
  3. http://www.gemeindeverzeichnis.de/gem1900/gem1900.htm?hannover/lehe.htm
  4. a b c http://www.verwaltungsgeschichte.de/wesermuende.html

Weblenken[ännern | Bornkood ännern]

Hemendörp. Mehr Biller, Videos oder Audiodateien to’t Thema gifft dat bi Wikimedia Commons.