Köhlen (Landkreis Cuxhoben)

Vun Wikipedia
Wapen/Flagg Koort

Wapen vun Köhlen

Köhlen
Laag vun Köhlen in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Beers
Flach: 26,72 km²
Inwahners: 987 (2010-12-3131. Dezember 2010)
Inwahnerdicht: 36,9 Inwahners pro km²
Hööchd: 8 m över de See
Postleettall: 27624
Vörwahl: 04708
Geograafsche Laag:
Koordinaten:53° 32′ N, 8° 53′ O
53° 32′ N, 8° 53′ O
Gemeenslötel: 03 3 52 027
Öörd in de Gemeen: 1
Websteed: www.bad-bederkesa.de
KrümpelHolsselnNiewohlImßen (Oortschop)Langen (Landkreis Cuxhoben)Sievern (Land Wusten)DebstLintig (Oortschop)Elm (Oortschop)Kührst (Oortschop)Köhlen (Landkreis Cuxhoben)Ringst (Oortschop)HemendörpBeers (Oortschop)DrangstFlögeln
Laag von Köhlen (Landkreis Cuxhoben) in de Gemeen Geestland (Koort lett sik anklicken)

Köhlen is en Dörp un Oortschop in de Gemeen Geestland in’n Landkreis Cuxhoben, Neddersassen mit 987 Inwahners.

Geografie[ännern | Bornkood ännern]

En knappen Kilometer in’n Noorden von’n Oort flütt de Scheebeek langs, de in’n Westen von Köhlen in de Geest münnt.

De Naveröörd sünd Hainmöhlen un Wisswohl in’n Noorden, Lüttenhain un Grotenhain in’n Noordoosten, de Hööv in’n Süüdoosten, Geestenseth in’n Süden, Oolluunbarg in’n Süüdwesten un Ringst in’n Noordwesten.

De Navergemenen weren bet 2014 op en lütt Enn in’n Süden de Gemeen Beverst, Schippdörp in’n Westen, Ringst in’n Noorden un Lintig in’n Noordoosten. In’n Landkreis Rodenborg weer dat de Gemeen Hipst in’n Süüdoosten.

Historie[ännern | Bornkood ännern]

Verwaltungsgeschicht[ännern | Bornkood ännern]

Köhlen hett bet 1859 in dat Amt Beers legen un weer denn in dat Amt Leh. 1885 is dat Deel von’n Kreis Leh worrn un hett na 1932 to’n Landkreis Wersermünn tohöört. 1977 is de Landkreis Wersermünn denn Deel von’n Landkreis Cuxhoben worrn.

An’n 1. März 1974 is Köhlen Liddmaat von de Samtgemeen Beers worrn. Köhlen is to’n 1. Januar 2015 mit de annern Gemenen von de Samtgemeen Beers un de Stadt Langen to de Gemeen Geestland tohoopgahn. Köhlen billt nu en Oortschop mit egen Oortsraad binnen disse Gemeen.

Inwahnertall[ännern | Bornkood ännern]

Johr Inwahners
1824-00-001824[1] 84 Füürsteden
1848-00-001848[2] 491 Lüüd, 100 Hüüs
1910-12-011. Dezember 1910[3] 662
1925-00-001925[4] 750
1933-00-001933[4] 757
1939-00-001939[4] 757
1987-00-001987 850
1992-00-001992 887
1997-00-001997 904
2002-00-002002 958
2007-00-002007 982
2010-12-3131. Dezember 2010 987

Religion[ännern | Bornkood ännern]

Köhlen is evangeelsch-luthersch un evangeelsch-reformeert präägt un höört to dat Kaspel von de Simultankark St. Fabian in Ringst.

Wapen[ännern | Bornkood ännern]

Dat Wapen von Köhlen wiest op gollen Grund en swarten Schildfoot. Op’n Schildfoot en gollen „K“ un dor över twee gröne Ekentelgen mit je een Ecker.

Politik[ännern | Bornkood ännern]

Gemeenraat[ännern | Bornkood ännern]

CDU Fre’e Wählers
2006 8 1
2011 9 -

(Stand: Kommunalwahl vun’n 11. September 2011)

Börgermeesters[ännern | Bornkood ännern]

Zeit Börgermeester Partei
nöömt in en Orkunn von 1811 Henrich Hillebrandt
nöömt in en Orkunn von 1858 Hillebrandt
nöömt in Orkunnen von 1866–1873 Friedrich Döscher
1885–1919 Hinrich Claussen
1919–1924 Martin Döscher
1924–1928 Chr. Hillebrandt
1928–1940 Martin Döscher
1940–1943 Friedrich Cordes
1943–1948 Claus Hencken
1948–1972 Martin Döscher
1972–2011 Martin Döscher CDU
2011–31. Dezember 2014 Rainer Müller CDU

Ehrenbörgers[ännern | Bornkood ännern]

Ehrenbörgers von Köhlen sünd:

Kultur[ännern | Bornkood ännern]

Verenen[ännern | Bornkood ännern]

De Schützenvereen Köhlen is 1877 grünnt worrn. De Oort hett ok en Freewillige Füürwehr.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Köhlen liggt an de Landsstraat 128, de in’n Noorden na Ringst un Hainmöhlen löppt un in’n Süden na Geestenseth un Wolljes. De K 39 löppt in’n Oosten na de Hööv. Ans gifft dat noch en lüttjere Straat na Lüttenhain.

De nächste Bahnhoff is de Bahnhoff Geestenseth an de Bahnlien Bremerhoben-Buxthu.

Lüüd[ännern | Bornkood ännern]

De Entertainerin Ina Müller is 1965 in Köhlen boren un ok de beiden Politikers Martin Döscher sen. (* 1905) un Martin Döscher jun. (* 1935) sünd ut dat Dörp.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 338: http://books.google.de/books?id=tG0AAAAAcAAJ&pg=PA338
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
  3. http://www.gemeindeverzeichnis.de/gem1900/gem1900.htm?hannover/lehe.htm
  4. a b c http://www.verwaltungsgeschichte.de/wesermuende.html

Weblenken[ännern | Bornkood ännern]

Köhlen. Mehr Biller, Videos oder Audiodateien to’t Thema gifft dat bi Wikimedia Commons.