Hain

Vun Wikipedia
(wiederwiest vun Grotenhain)
Zur Navigation springen Zur Suche springen
Wapen/Flagg Koort

Wapen vun Hain

Hain
Laag vun Hain in Düütschland
Basisdaten
Bundsland: Neddersassen
Landkreis: Cuxhoben
Gemeen: Geestland
Inwahners:
Postleettall: 27624
Vörwahl: 04765
Geograafsche Laag:
Koordinaten:53° 34′ N, 8° 58′ O
53° 34′ N, 8° 58′ O
LintigMeckelstGrotenhain
Laag von Hain in de Oortschop Lintig (Koort lett sik anklicken)

Hünengraff in Hain von wieden
Hünengraff in Hain

Hain (hoochdüütsch Großenhain) is en Dörp in de Gemeen Geestland in’n Landkreis Cuxhoben, Neddersassen. Hain is deelt in Grotenhain un Lüttenhain un de lüttjeren Oortsdelen Olenkamp un Olenstöhlen.

Geografie[ännern | Bornkood ännern]

In’n Süüdoosten von Hain flütt de Meh langs un in’n Süüdwesten liggt de Naturschuulrebeden Mietenmoor un Windbrackenholt. In’n Noordoosten is dat Naturschuulrebeed Lang Moor. In dat Mietenmoor hett de Scheebeek sien Born.

De Naveröörd sünd Wisswohl un Meckelst in’n Noordwesten, Langenmoor in’n Noordoosten, Doornsood in’n Oosten, Alfs, Eversdörp un Nee Eversdörp in’n Süüdoosten, op de Hööv in’n Süden, Köhlen mit Stühbusch un Desebreck in’n Süüdwesten un Ringst in’n Westen.

Historie[ännern | Bornkood ännern]

In’n Eersten Weltkrieg sünd teihn Soldaten ut Hain fullen oder vermisst un in’n Tweten Weltkrieg 25[1]. An’t Enn von’n Tweten Weltkrieg an’n 3. Mai 1945 is Hain von brietsche Truppen von dat 7. Battaljon Black Watch innahmen worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Ringst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to dat Amt Beers tohöört un denn to dat Amt Leh. Na 1885 weer dat in’n Kreis Leh. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

De Oort is an’n 1. März 1974 Deel von de Gemeen Lintig worrn un hett denn to de ne’e Samtgemeen Beers tohöört. De Gemeen Lintig un de Samtgemeen Beers sünd to’n 1. Januar 2015 oplööst worrn. Dat ganze Rebeed höört nu to de Gemeen Geestland. Binnen Geestland höört Hain to de polietsche Oortschop Lintig.

Inwahnertall[ännern | Bornkood ännern]

Johr Inwahners
1812-00-001812[2] 57
1848-00-001848[3] 113 Lüüd. 21 Hüüs
1910-12-011. Dezember 1910[4] 166
1925-00-001925[5] 187
1933-00-001933[5] 236
1939-00-001939[5] 261

Religion[ännern | Bornkood ännern]

Hain is evangeelsch-luthersch un evangeelsch-reformeert präägt un höört to dat Kaspel von de Simultankark St. Fabian in Ringst.

Wapen[ännern | Bornkood ännern]

Dat Wapen von Hain wiest vörn baven op grönen Grund en Seßelblatt un achtern ünnen op swarten Grund en Moorescher. De beiden Feller sünd deelt dor en sülvern Wellenbalken.

De Wellenbalken steiht för de Beek. Dat Seßelblatt steiht för de Bueree op de Geest un de Moorescher för den Törfafbo in dat Moor.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Ringst bi de Kark.

Verenen[ännern | Bornkood ännern]

Hain hett en egene freewillige Füürwehr un en Schüttenvereen.

Weertschop un Infrastruktur[ännern | Bornkood ännern]

De Filiaal von de Volksbank Bremerhoben-Cuxland in Hain hett 2013 dichtmaakt.

Verkehr[ännern | Bornkood ännern]

Dör Hain löppt de Landsstraat 119, de in’n Süüdoosten na Eversdörp an de Bundsstraat 495 ran geiht un in’n Noordwesten na Lintig un Beers. Lüttjere Straten gifft dat ans na Doornsood, Langenmoor, Ringst un Köhlen.

De nächste Autobahn is de Autobahn 27 (Afsnidd CuxhobenBremerhoben). De Opfohrt 5 Debst liggt so 25 Kilometer in’n Noordwesten von Hain.

De nächste Bahnhoff is so bi teihn Kilometer wied weg in’n Süden de Bahnhoff op de Hööv an de Bahnlien Bremervöör–Bremerhoben.

Footnoten[ännern | Bornkood ännern]

  1. http://www.denkmalprojekt.org/2009/ringstedt_wk1u2_ns.htm
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 102: http://books.google.de/books?id=Q 5OAAAAcAAJ&pg=PA102
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
  4. http://www.gemeindeverzeichnis.de/gem1900/gem1900.htm?hannover/lehe.htm
  5. a b c http://www.verwaltungsgeschichte.de/wesermuende.html

Weblenken[ännern | Bornkood ännern]

Commons-logo.svg Hain. Mehr Biller, Videos oder Audiodateien to’t Thema gifft dat bi Wikimedia Commons.