Wisswohl

Vun Wikipedia
Zur Navigation springen Zur Suche springen
Wapen/Flagg Koort

Wapen vun Wisswohl

Wisswohl
Laag vun Wisswohl in Düütschland
Basisdaten
Bundsland: Neddersassen
Landkreis: Cuxhoben
Gemeen: Geestland
Inwahners:
Postleettall: 27624
Vörwahl: 04708
Geograafsche Laag:
Koordinaten:53° 35′ N, 8° 54′ O
53° 35′ N, 8° 54′ O

Wisswohl (hoochdüütsch Wüstewohlde) is en Oort in de Gemeen Geestland in’n Landkreis Cuxhoben, Neddersassen. Polietsch höört de Oort al siet öllers bi Hainmöhlen bi.

Geografie[ännern | Bornkood ännern]

En poor hunnert Meter in’n Noorden von’n Oort flütt de Wittgeest langs.

De Naveröörd sünd Lintig in’n Noorden, Meckelst in’n Noordoosten, Langenmoor in’n Oosten, Grotenhain un Lüttenhain in’n Süüdoosten, Langel in’n Süden, Köhlen un Ringst in’n Süüdwesten un Hainmöhlen in’n Westen.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Ringst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to dat Amt Beers tohöört un denn von 1859 bet 1885 to dat Amt Leh. Na 1885 weer dat in’n Kreis Leh. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

De Oort hett al siet öllers to Hainmöhlen tohöört. Siet 1. April 1971 weer Hainmöhlen Liddmaat von de eerste Samtgemeen Beers. An’n 1. März 1974 is mit de Gemeenreform in Neddersassen de Gemeen Hainmöhlen Deel von de Gemeen Ringst worrn un hett denn to de ne’e Samtgemeen Beers tohöört. Gemeen Ringst un Samtgemeen Beers sünd to’n 1. Januar 2015 oplööst worrn. Dat ganze Rebeed höört nu to de Gemeen Geestland.

Inwahnertall[ännern | Bornkood ännern]

Johr Inwahners
1791-00-001791[1] 4 Füürsteden
1812-00-001812[2] 26
1824-00-001824[3] 6 Füürsteden
1871-12-011. Dezember 1871[4] 36 Lüüd. 7 Hüüs
1885-12-011. Dezember 1885[5] 28 Lüüd. 6 Hüüs
1905-12-011. Dezember 1905[6] 28 Lüüd. 6 Hüüs

Religion[ännern | Bornkood ännern]

Wisswohl is evangeelsch-luthersch un evangeelsch-reformeert präägt un höört to dat Kaspel von de Simultankark St. Fabian in Ringst.

Weertschop un Infrastruktur[ännern | Bornkood ännern]

In Wisswohl gifft dat en Jugendharbarg von de DJH.

As freewillige Füürwehr is de Füürwehr Ringst för Wisswohl mit tostännig.

Verkehr[ännern | Bornkood ännern]

Wisswohl liggt an en lüttje Blangenstraat to de Landsstraat 128, de in’n Noordwesten na Beers geiht un in’n Süden na Köhlen, Geestenseth un Beverst. Ans gifft dat blots lüttjere Weeg rut ut’n Oort.

De nächste Autobahn is de Autobahn 27 (Afsnidd CuxhobenBremerhoben). De Opfohrt 5 Debst liggt so 21 Kilometer in’n Westen von Wisswohl.

De nächste Bahnhoff is so bi twölv Kilometer wied weg in’n Süüdwesten de Bahnhoff Geestenseth an de Bahnlien Bremerhoben–Buxthu. Von 1896 bet 1968 hett dat ok Personenverkehr op de Bahnlien Bremerhoben–Beers geven. De Bahnhoff Beers leeg negen Kilometer in’n Noordwesten von’n Oort.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 259
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 684
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 160
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 98