Landkreis Wersermünn

Wapen	Koort
Grunddaten
Bestandstietruum:	1932–1977
Regeerensbezirk:	Stood
Kreisstadt:	Wersermünn/Bremerhoben
Flach:	1.169,42 km²
Inwahners:	78.292 (1970)
Inwahnerdicht:	67 (1970)
Updeelen:	79 Gemenen (1970)
Auto-Kennteken:	WEM

De Kreis Wersermünn weer von 1932 bet 1977 en Landkreis in de prüüßsche Provinz Hannover un later in Neddersassen mit Seet in de Stadt Wersermünn/Bremerhoben (de sülvs buten den Landkreis leeg).

Geografie

In’n Noorden dee de Kreis an de Stadt Cuxhoben grenzen un in’n Noordoosten an’n Landkreis Land Hadeln. In’n Oosten weer de Landkreis Bremervöör un in’n Süden de Landkreis Oosterholt. In’n Westen leeg de Kreis an de Werser un op dat annere Över von de Werser weer bet 1933 toeerst noch dat Amt Braak in dat Land Ollnborg. 1933 is dat Amt Braak denn Deel von’n Landkreis Wersermasch worrn, de bet 1977 de Naver in’n Westen bleven is. Mit dat Landwöörden dee de Landkreis Wersermasch ok mit en Stück op dat rechte Över von de Werser recken. In’n Westen von’n Landkreis Wersermünn weer ok noch de Stadt Wersermünn, de kreisfre’e Stadt weer. Wersermünn is 1947 denn mit Bremerhoben tohoopslaten worrn un Deel von dat Land Bremen worrn. Dormit leeg de Verwaltung von’n Landkreis Wersermünn denn in en anner Bundsland as de Kreis sülvs.

Geschicht

De Landkreis Wersermünn is an’n 1. Oktober 1932 ut den Kreis Geestmünn un den Kreis Leh billt worrn.

Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Wersermünn op Landkreis Wersermünn ännert.

1974 hett de Landkreis von’n Landkreis Wersermasch de Gemeen Landwöörden tokregen.

Bi de Kreisreform to’n 1. August 1977 is de Landkreis denn mit den Landkreis Land Hadeln un de Stadt Cuxhoben to’n ne’en Landkreis Cuxhoben tohoopfaat worrn.

Wapen

Dat Wapen wiest op gollen Grund över en Schildfoot, de baven rood un ünnen dör en Wellenlien deelt sülvern is, en grönen Ekenboom mit fiev Eckern.

Landrääd

• 1932–1935: Walter zur Nieden
• 1936–1945: Theodor Mahler
• 1945–1946: Ludwig Arps
• 1946: Rudolf Bohm
• 1946–1952: Theodor Allmers
• 1952–1972: Martin Döscher
• 1972–1977: Hinrich Schniedewind

Böverkreisdirekters

• 1946–1951: Ludwig Arps
• 1951–1969: Ernst Klemeyer
• 1969–1977: Jürgen Prieß

Inwahnertall

Tied	1933	1939	1946	1950	1956	1961	1970
Inwahners	36.364	42.740	67.845	72.174	65.941	72.691	78.292

Gemenen

De Gemenen von’n Landkreis Wersermünn (Stand 1939):

Gemeen	Inwahners	Gemeen	Inwahners	Gemeen	Inwahners	Gemeen	Inwahners
Albst	273	Alfst	300	Ankloh	215	Appeln	367
Ax	398	Beers	1.898	Beverst	1.081	Bexhöv	611
Bokel	1.370	Bramel	443	Braamst	483	Büttel	78
Debst	664	Dieksenn	645	Donnern	463	Dörphagen	165
Dorum	2.307	Drangst	610	Driftseth	506	Düring	471
Elm	391	Fickmöhlen	139	Fleest	122	Flögeln	475
Freeschluunbarg	419	Frellsdorp	590	Frellsdorpermöhlen	*	Geestenseth	508
Grotenhain	261	Hagen	840	Hahnenknoop	268	Hainmöhlen	108
Harndorp	264	Heerst	354	Hein	121	Heis	255
Hetthorn	108	Hollen	512	Holsseln	563	Holt	66
Hoop	120	Hemendörp	299	Imßen	367	Kappel	915
Kappeler Neefeld	220	Kassbrook	291	Köhlen	757	Krümpel	320
Kührst	421	Langen	2.196	Langendammsmoor	115	Lanhusen	186
Laven	70	Lehnst	271	Lintig	515	Loh	155
Lox	1.444	Lübbs	327	Marschkamp	233	Meckelst	320
Millm	1.120	Misselwarden	544	Mulsen	352	Neenlann	242
Ness	607	Niewohl	892	Noordholt	527	Offenwarden	299
Oolluunbarg	271	Oosterndörp	167	Padingbüttel	490	Rechtenfleth	327
Ringst	554	Saans	559	Schippdörp	1.040	Sellst	1.001
Sievern	746	Spaden	1.385	Spiek	851	Spieker Neefeld	277
Stinst	273	Stotel	907	Stubben	648	Swegen	40
Uthleer	698	Wanhöden	197	Weersbe	281	Wehdel	822
Wehden	357	Wehldörp	150	Wellen	314	Westerbeverst	561
Wittst	232	Wolljes	330	Worthfleet	301	Wremen	1.157
Wulsbüttel	116	Wusterheid	1.077

* 1926 Deel von de Gemeen Frellsdorp worrn, harr 1925 50 Inwahners