Braamst
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Hööchd: | 10 m över NHN | |
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 22′ N, 8° 41′ O53° 22′ N, 8° 41′ O | |
|
| ||
Braamst (hoochdüütsch Bramstedt) is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Braamst.
Geografie
[ännern | Bornkood ännern]De Oort liggt op de Oosterholter Geest. Dat Water ut dat Rebeed flütt över de Gackau af.
De Naveröörd sünd Wittst un Heis in’n Noorden, Kraansmoor un Langenfeld in’n Noordoosten, Loh in’n Oosten, Ax, Harndorp, Finterbarg un Finn in’n Süüdoosten, Dorphagen in’n Süden, Börsten, Hagen un Kassbrook in’n Westen un Driftseth, Dannendörp un Braamstermoor in’n Noordwesten.
Historie
[ännern | Bornkood ännern]In’n Eersten Weltkrieg sünd 14 Soldaten ut Braamst fullen oder vermisst un in’n Tweten Weltkrieg 43.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Braamst in’n Kanton Hagen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Dammhagen in’n Kanton Hagen.
De Oort hett vör 1885 to de Böörd Braamst in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
De Oort is an’n 1. März 1974 mit de Gemeenreform in Neddersassen mit Harndorp, Loh un Wittst to de Gemeen Braamst tohoopleggt worrn, de Maat von de Samtgemeen Hagen weer. Gemeen un Samtgemeen sünd an’n 1. Januar 2014 oplööst worrn un höört nu to de Eenheitsgemeen Hagen. Sietdem is dat Dörp Braamst Deel von de Oortschop Braamst, de en egen Oortsbörgermeester un Oortsvörsteiher hett.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 50 Füürsteden |
| 1812[3] | 310 |
| 1824[4] | 61 Füürsteden |
| 1848[5] | 391 Lüüd, 69 Hüüs |
| 1. Dezember 1871[6] | 363 Lüüd, 66 Hüüs |
| 1. Dezember 1885[7] | 361 Lüüd, 65 Hüüs |
| 1. Dezember 1905[8] | 341 Lüüd, 63 Hüüs |
| 1. Dezember 1910[9] | 423 |
| 1925[10] | 506 |
| 1933[10] | 494 |
| 1939[10] | 483 |
Religion
[ännern | Bornkood ännern].jpg)
Braamst is evangeelsch-luthersch präägt un billt mit de Jacobi-Kark en egen Kaspel.
För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.
Wapen
[ännern | Bornkood ännern]Dat Wapen von Braamst wiest baven op blauen Grund dree sülvern Hunnenköpp mit gollen Tungen un gollen Halsbänner un ünnen op gollen Grund en blaue Jakobsmuschel.
Utklamüsert hett dat Wapen de Heraldiker Gustav Völker. De Hunnen stammt ut dat Wapen von de utstorvene Familie von Braamst un de Muschel is dat Symbool för’n Hilligen Jakob, de Naampatroon von de Braamster Kark is.
Kultur
[ännern | Bornkood ännern]
En Denkmaal för de Fullenen ut de twee Weltkrieg’ steiht in Braamst op’n Karkhoff.
Verenen
[ännern | Bornkood ännern]De Schüttenvereen Braamst is 1900 grünnt worrn.
Weertschop un Infrastruktur
[ännern | Bornkood ännern]Braamst hett en egene freewillige Füürwehr.
Verkehr
[ännern | Bornkood ännern]Dör Braamst löppt de Landsstraat 134, de in’n in’n Süüdwesten över Börsten un Hagen na Uthleer un in’n Noordoosten na Bokel, Stubben un Beverst geiht. In Börsten krüüzt sik de L 134 mit de L 135, de in’n Noordwesten an Stotel un Ness langs na Bremerhoben löppt un in’n Süüdoosten över Dorphagen un Hoop na Garlst un Bremen-Noord.
De nächste Autobahn is de Autobahn 27 (Afsnidd Bremen–Bremerhoben). De Opfohrt 12 Hagen liggt knapp negen Kilometer in’n Noordwesten von Braamst an de K 51.
De nächste Bahnhoff is so bi acht Kilometer wied weg in’n Noordoosten de Bahnhoff Stubben an de Bahnlien Bremen–Bremerhoben.
Scholen
[ännern | Bornkood ännern]De Oort hett mit de Grundschool Braamst en egen School. Nadem se mit de Grundschool dör sünd, gaht de Kinner in Hagen för Haupt- un Realschool op de Hermann-Allmers-School oder för dat Gymnasium op de Waldschool Hagen/Beverst.
Lüüd
[ännern | Bornkood ännern]De Örgelboer Johann Hinrich Röver is 1812 in Braamst boren.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 34
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 82
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 163
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
[ännern | Bornkood ännern]
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)
