Kraansmoor

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Kraansmoor
Laag vun Kraansmoor in Düütschland
Basisdaten
Bundsland: Neddersassen
Landkreis: Cuxhoben
Gemeen: Beverst
Inwahners:
Postleettall: 27616
Vörwahl: 04748
Geograafsche Laag:
Koordinaten:53° 23′ N, 8° 43′ O
53° 23′ N, 8° 43′ O

Kraansmoor (hoochdüütsch Kransmoor) is en Dörp in de Gemeen Beverst in’n Landkreis Cuxhoben, Neddersassen. De Oort höört polietsch von öllers bi Bokel mit bi.

Geografie[ännern | Bornkood ännern]

De Oort liggt in dat Moor an de rechte Sied von de Gackau. Dat Water flütt över den Kraansmoorer Schippgraven na de Gackau hen af.

De Naveröörd sünd Oberheis in’n Noorden, Bokel in’n Noordoosten, Langenfeld in’n Oosten, Loh un Ax in’n Süüdoosten, Gackau, Finn un Finterbarg in’n Süden, Braamst in’n Süüdwesten, Driftseth in’n Westen un Wittst un Heis in’n Noordwesten.

Historie[ännern | Bornkood ännern]

Kraansmoor is üm 1830 rüm as „wille“ Moorkolonie grünnt worrn. Dat heet, se weer nich von de Överheit plaant. Dor hebbt sik na un na jümmer mehr enkelte Lüüd ansiedelt. De Hööv weren düüdlich lütter as to’n Bispeel in de plaante Moorkolonie Heis. 1851 hebbt de Inwahners den dree Kilometer langen Kanaal (Kraansmoorer Schippgraven) graavt, de bet an de Gackau un an den Heiser Schippgraven ranreckt.

Verwaltungsgeschicht[ännern | Bornkood ännern]

De Oort hett vör 1885 to de Böörd Braamst in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Gemeen Bokel is an’n 1. April 1971 Deel von de Samtgemeen Beverst worrn. De bestünn bet to’n 1. November 2011. An dissen Dag is de Samtgemeen in en Eenheitsgemeen ümwannelt worrn un Bokel hett sien Status as egenstännige Gemeen verloren. De Oort Kraansmoor höört nu to de polietsche Oortschop Bokel binnen de Gemeen Beverst.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 321 Lüüd. 39 Hüüs

Religion[ännern | Bornkood ännern]

Kraansmoor is evangeelsch-luthersch präägt un höört to dat Kaspel von de Jacobi-Kark in Braamst.

För de Kathoolschen is de Hillig-Hart-Jesu-Kark in Geestmünn tostännig.

De Oort hett en egen Karkhoff.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Kraansmoor-Langenfeld is 1951 grünnt worrn.

Weertschop un Infrastruktur[ännern | Bornkood ännern]

De freewillige Füürwehr Bokel is för Kraansmoor mit tostännig.

Verkehr[ännern | Bornkood ännern]

An’n Süüdrand von Kraansmoor löppt de Landsstraat 134 langs, de in’n Noordoosten över Bokel un Stubben na Beverst an de Bundsstraat 71 geiht un in’n Süüdoosten över Braamst un Hagen na Uthleer. Twüschen Braamst un Hagen bi Börsten krüüzt de L 134 de L 135. Von de L 134 bi Langenfeld geiht na Süüdoosten de K 43 na Loh un Ax af. In’n Noordoosten föhrt de Heiser Weg na Heis un dor an de K 45.

De nächste Autobahn is de Autobahn 27 (Afsnidd BremenBremerhoben). De Opfohrt 12 Hagen liggt so 13 Kilometer in’n Westen von Kraansmoor an de K 51.

De nächste Bahnhoff is so bi söss Kilometer wied weg in’n Noordoosten de Bahnhoff Stubben an de Bahnlien Bremen–Bremerhoben.

Scholen[ännern | Bornkood ännern]

De Volksschool Kraansmoor is 1850 inricht worrn.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154