Driftseth
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 15,37 km² | |
| Inwahners: | 701 (27. November 2017) | |
| Inwahnerdicht: | 45,6 Inwahners pro km² | |
| Hööchd: | 5 m över NHN | |
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 23′ N, 8° 37′ O53° 23′ N, 8° 37′ O | |
 | ||
|
| ||
Driftseth (hoochdüütsch Driftsethe) is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen billt de Oort en egen polietsche Oortschop.
Bi Driftseth höört von öllers ok de Oort Wittenbarg mit bi. De Oort Dannendörp is eerst in dat 20. Johrhunnert grünnt worrn. Vondaag höört ok de Hüüs von Rechtenflethermoor mit to Driftseth.
Geografie
[ännern | Bornkood ännern]De Oort liggt an’n Rand von de Oosterholter Geest hen na de Maschen von de Werser un de Drept. Dat Water ut dat Rebeed flütt över de Drept af. In’n Süüdwesten liggt dat Naturschuulrebeed Bargsmoor.
De Naveröörd sünd Langendammsmoor, Krehlen, Braamstermoor un Hahnenknopermoor in’n Noorden, Drostendamm un Wittst in’n Noordoosten, Dannendörp, Kraansmoor un Gackau in’n Oosten, Braamst, Börsten, Hagen un Kassbrook in’n Süüdoosten, Kassbroker Heid in’n Süden, Grienenbargshusen un Wittenbarg in’n Süüdwesten un Swegen un Neenlannermoor in’n Noordwesten.
Historie
[ännern | Bornkood ännern]
Driftseth kummt 1105 as dreptisati toeerst in en Oorkunn von’n Bremer Arzbischop Friedrich I. vör.[1] De Naam von’n Oort bedüüdt denn soveel as de an de Drept sitt.
In’n Eersten Weltkrieg sünd 35 Soldaten ut Driftseth fullen oder vermisst un in’n Tweten Weltkrieg 53.[2]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Driftseth in’n Kanton Hagen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Dammhagen in’n Kanton Hagen.
De Oort hett vör 1885 to de Böörd Braamst von dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort weer en egenstännige Gemeen, de an’n 1. Januar 2014 oplööst un in de Gemeen Hagen opgahn is. Von 1970 bet 2014 weer de Gemeen Driftseth Maat von de Samtgemeen Hagen. De Oort billt binnen de Gemeen nu de Oortschop Driftseth, de en egen Oortsraad un Oortsbörgermeester hett.
Inwahnertall
[ännern | Bornkood ännern]| Johr | Inwahners |
|---|---|
| 1791[3] | 64 Füürsteden |
| 1812[4] | 343 |
| 1824[5] | 64 Füürsteden |
| 1848[6] | 431 Lüüd, 75 Hüüs |
| 1. Dezember 1871[7] | 398 Lüüd, 77 Hüüs |
| 1. Dezember 1885[8] | 393 Lüüd, 76 Hüüs |
| 1. Dezember 1905[9] | 391 Lüüd, 80 Hüüs |
| 1. Dezember 1910[10] | 445* |
| 1925[11] | 502* |
| 1933[11] | 517* |
| 1939[11] | 506* |
- * tohoop mit Wittenbarg
Religion
[ännern | Bornkood ännern]
Driftseth is evangeelsch-luthersch präägt un höört to dat Kaspel von de Martin-Luther-Kark in Hagen. De Kark is 1897 boot worrn. Vörher hett de Oort to dat Kaspel von de Jacobi-Kark in Braamst höört.
För de Kathoolschen is de Hillig-Hart-Jesu-Kark in Geestmünn tostännig.
De Karkhoff Driftseth liggt an de Straat Hoog Wehr.
Wapen
[ännern | Bornkood ännern]Dat Wapen von Driftseth wiest op blauen Grund dree sülvern Buurnkaten mit gollen Däcker över en sülvern Wellenbalken.
De Wellenbalken steiht för de Drept. De Katen un de Wellenbalken tohoop sünd Sinnbild för’n Naam von’n Oort.
Utklamüsert hett dat Wapen de Heraldiker Albert de Badrihaye.
Gemeenraad/Oortsraad
[ännern | Bornkood ännern]| Johr \ Partei | Tall | CDU | Gröne | WG |
|---|---|---|---|---|
| 2011 | 9 | 3 | 1 | 5 |
| Johr \ Partei | Tall | CDU | SPD | WG |
|---|---|---|---|---|
| 2014 | 7 | 2 | 1 | 4 |
| 2016 | 7 | 2 | 1 | 4 |
- Liddmaten
- 2014:
- CDU: Heinz Bühring, Sven Hüttmeyer
- SPD: Günter Knief
- WG: Andreas Grube, Lutz Puckhaber, Heiner Schöne, Hartmut Wendelken
- 2016:
- CDU: Heinz Bühring, Sven Hüttmeyer
- SPD: Tim Färber
- WG: Andreas Grube, Christian Schöne, Heiner Schöne, Hartmut Wendelken
Börgermeesters/Oortsbörgermeesters
[ännern | Bornkood ännern]Börgermeesters:
- 3. Oktober 1946–28. November 1947: Christian Döscher
- 28. November 1947–2. Dezember 1952: Lüder Tienken
- 2. Dezember 1952–April 1954: Friedrich Keithan
- 12. April 1954–14. April 1961: Hinrich Meyer
- 14. April 1961–August 1966: Georg Mehrtens
- 5. September 1966–7. November 1986: Willy Böttjer (CDU)
- 7. November 1986–10. November 2001: Lüder Wittpenn (WG)
- 10. November 2001–31. Dezember 2013: Heiner Schöne (WG)
Oortsbörgermeesters:
- 1. Januar 2014–: Heiner Schöne (WG)
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht güntsied den Karkhoff.
Verenen
[ännern | Bornkood ännern]De Schüttenvereen Driftseth is 1924 grünnt worrn un de Sportvereen Driftsether SV 1982.
Weertschop un Infrastruktur
[ännern | Bornkood ännern]Driftseth hett en egene freewillige Füürwehr, de 1854 grünnt worrn is.
Verkehr
[ännern | Bornkood ännern]Driftseth is över de Kreisstraat 52 in’n Süden anbunnen an de K 51, de in’n Westen na Saans an de K 50 ran geiht un in’n Süüdoosten na Hagen an de Landsstraat 134. De L 134 föhrt von dor in’n Noordoosten över Braamst, Bokel un Stubben na Beverst un in’n Süüdwesten na Uthleer un Swonewebel. In’n Noordoosten löppt en lüttjere Straat na de L 135, de in’n Noordwesten över Hahnenknoop un Stotel na Bremerhoben föhrt.
De nächste Autobahn is de Autobahn 27 (Afsnidd Bremen–Bremerhoben). De Opfohrt 12 Hagen liggt so dree Kilometer in’n Süüdwesten von Driftseth an de K 51.
De nächste Bahnhoff is so bi 13 Kilometer wied weg in’n Noordoosten de Bahnhoff Luunst an de Bahnlien Bremen–Bremerhoben.
Scholen
[ännern | Bornkood ännern]Schoolmeesters in Driftseth sünd siet 1730 nawiest. Dat eerste Schoolhuus is 1732 boot worrn. Na em Brand an’n 1. Januar 1742 is en ne’e School boot worrn, de 1811 ok wedder afbrennt is. 1857 is en neet Gebüüd boot worrn, dat 1896 en Anbo kregen hett. De Volksschool in Driftseth is 1969 en Butensteed von de Middelpunktschool in Hagen worrn[12] un hett 1975 ganz dichtmaakt. Sietdem gaht de Kinner op de Grundschool an de Staleke in Hagen. In de ole School is vondaag en Kita ünnerbrocht.
Nadem se mit de Grundschool dör sünd, gaht de Kinner in Hagen för Haupt- un Realschool op de Hermann-Allmers-School oder för dat Gymnasium op de Waldschool Hagen/Beverst.
Lüüd
[ännern | Bornkood ännern]De Heimaatforscher Diedrich Steilen is 1880 in Driftseth boren.
Footnoten
[ännern | Bornkood ännern]- ↑ Carsten Boos: Kurhannoversche Landesaufnahme des 18. Jahrhunderts: Kassebruch. Erläuterungen zum Blatt 20 Kassebruch. Neddersassisch Landsverwaltungdamt, 1992, Sied 3
- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 59
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 146
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 162
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
- ↑ Die Geschichte der Hermann-Allmers-Schule
Weblenken
[ännern | Bornkood ännern]
- Websteed över dat Dörp (hoochdüütsch)
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)