Saanstermoor

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Saanstermoor
Laag vun Saanstermoor in Düütschland
Basisdaten
Bundsland: Neddersassen
Landkreis: Cuxhoben
Gemeen: Hagen
Inwahners:
Postleettall: 27628
Vörwahl: 04702
Geograafsche Laag:
Koordinaten:53° 22′ N, 8° 34′ O
53° 22′ N, 8° 34′ O

Saanstermoor (hoochdüütsch Sandstedtermoor) is en lütten Oort in de Gemeen Hagen in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Saans.

Geografie[ännern | Bornkood ännern]

De Oort liggt in dat Moor von dat Siedland in Oosterstood. Na Oosten slütt sik de Oosterholter Geest an. Dat Water ut dat Rebeed flütt över Gravens na dat Saanster Sielfleet hen af. De Werser löppt veer Kilometer in’n Westen langs. In’n Noordoosten liggt dat Naturschuulrebeed Bargsmoor/Rechtenflethermoor.

De Naveröörd sünd Rechtenflethermoor, Wittenbarg un Driftseth in’n Noordoosten, Grienenbargshusen, Kassbrook un Hagen in’n Oosten, Harmonie in’n Süüdoosten, Offenwardermoor in’n Süden, Offenwarden un Weersbe in’n Süüdwesten, Saans in’n Westen un Rechtenfleth in’n Noordwesten.

Historie[ännern | Bornkood ännern]

Saanstermoor is as Moor-Anbo von Saans ut grünnt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Weersbe in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to’n Bezirk Noord-Oosterstood von dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort hett jümmer al to de Gemeen Saans tohöört, de 1968 mit Offenwarden, Rechtenfleth un Weersbe to de Gemeen Saans tohoopgahn is un 1974 noch Wortfleet tokregen hett. An’n 1. Januar 2014 is de Gemeen Saans denn Deel von de ne’e Gemeen Hagen worrn. Sietdem höört Saanstermoor to de Oortschop Saans binnen de Gemeen.

Inwahnertall[ännern | Bornkood ännern]

Johr Inwahners
1791-00-001791[1] 6 Füürsteden
1812-00-001812[2] 44
1824-00-001824[3] 6 Füürsteden
1871-12-011. Dezember 1871[4] 46 Lüüd. 8 Hüüs
1885-12-011. Dezember 1885[5] 41 Lüüd. 7 Hüüs
1905-12-011. Dezember 1905[6] 35 Lüüd. 7 Hüüs

Religion[ännern | Bornkood ännern]

Saanstermoor is evangeelsch-luthersch präägt un höört to dat Kaspel von de Johannes-de-Döper-Kark in Saans.

För de Kathoolschen is de Hillig-Hart-Jesu-Kark in Geestmünn tostännig.

De Doden warrt op’n Karkhoff Saans begraven.

Weertschop un Infrastruktur[ännern | Bornkood ännern]

För Saanstermoor is de freewillige Füürwehr Saans mit tostännig.

Verkehr[ännern | Bornkood ännern]

Dör Saanstermoor löppt de Kreisstraat 51, de in’n Westen na Saans an de K 50 un in’n Oosten na Hagen an de Landsstraat 134 geiht. De K 50 geiht in’n Noorden över Rechtenfleth, Neenlann un Büttel na Deesdorp un in’n Süden na Weersbe un Rechtebe. De L 134 löppt in’n Süden över Uthleer un Meyenborg na Swonewebel un Blomendal un in’n Noordoosten över Hagen un Braamst na Stubben un Beverst.

De nächste Autobahn is de Autobahn 27 (Afsnidd BremenBremerhoben). De Opfohrt 12 Hagen liggt een Kilometer in’n Noordoosten von Saanstermoor an de K 51.

De Bahnhoff Luunst an de Bahnlien Bremen–Bremerhoben is so üm un bi 18 Kilometer wied weg in’n Noordoosten. Op de Nedderwerserbahn hett dat von 1911 bet 1931 Personenverkehr geven. De Bahnhoff Saans leeg so veer Kilometer in’n Westen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 199
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 530
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 52