Dreptersiel

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Dreptersiel
Laag vun Dreptersiel in Düütschland
Basisdaten
Bundsland: Neddersassen
Landkreis: Cuxhoben
Gemeen: Hagen
Inwahners:
Postleettall: 27628
Vörwahl: 04702
Geograafsche Laag:
Koordinaten:53° 24′ N, 8° 30′ O
53° 24′ N, 8° 30′ O

Dreptersiel (hoochdüütsch Dreptersiel) is en lütten Oort in de Gemeen Hagen in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Rechtenfleth.

Geografie[ännern | Bornkood ännern]

De Oort liggt an dat Över von de Ünnerwerser, dor wo de Drept in de Werser münnt. In’n Noordwesten liggt dat Naturschuulrebeed Neenlanner Butendiek.

De Naveröörd sünd Neenlannersiel un Büttelersiel in’n Noorden, Neenlann in’n Noordoosten, Blömkenmoor un Feldhoff in’n Süüdoosten un Rechtenfleth in’n Süden.

Op dat annere Över von de Werser doot in’n Westen Roonkarken un Hartwarden liggen.

Historie[ännern | Bornkood ännern]

In dat 19. Johrhunnert hett ok op de Neenlanner Sied von de Drept en Huus stahn, dat to Dreptersiel tellt worrn is. Düt Huus besteiht vondaag aver nich mehr.

Verwaltungsgeschicht[ännern | Bornkood ännern]

De Oort hett vör 1885 to dat Amt Hagen tohöört un leeg dor in Noord-Oosterstood. Na 1885 weer dat in’n Kreis Geestmünn. 1932 is dat Deel von’n Kreis Wersermünn un 1977 von’n Landkreis Cuxhoben worrn.

De Oort hett von öllers bi de Gemeen Rechtenfleth mit bihöört. 1968 is de Gemeen Rechtenfleth Deel von de Gemeen Saans worrn. To’n 1. Januar 2014 is de Gemeen Saans oplööst worrn un an de Gemeen Hagen kamen. Dorbi is Rechtenfleth en egenstännige Oortschop binnen de Gemeen worrn, to de Dreptersiel nu tohöört.

Inwahnertall[ännern | Bornkood ännern]

Neenlann:

Johr Inwahners
1871-12-011. Dezember 1871[1] 5 Lüüd. 1 Huus

Rechtenfleth:

Johr Inwahners
1871-12-011. Dezember 1871[2] 10 Lüüd. 2 Hüüs
1885-12-011. Dezember 1885[3] 14 Lüüd. 3 Hüüs
1905-12-011. Dezember 1905[4] 7 Lüüd. 2 Hüüs

Religion[ännern | Bornkood ännern]

Dreptersiel is evangeelsch-luthersch präägt un höört to dat Kaspel von de Johannes-de-Döper-Kark in Saans.

För de Kathoolschen is de Hillig-Hart-Jesu-Kark in Geestmünn tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dreptersiel is över lüttjere Straten anbunnen an de Kreisstraat 50, de in’n Noorden na Neenlann un Büttel föhrt un denn in de Landsstraat 121 övergeiht, de na Deesdorp löppt. De K 50 is dor ok an de Bundsstraat 437 anbunnen. In’n Süden löppt de K 50 na Rechtenfleth, Saans, Offenwarden un Weersbe.

De nächste Autobahn is de Autobahn 27 (Afsnidd BremenBremerhoben). De Opfohrt 11 Stotel liggt so negen Kilometer in’n Noordoosten von Dreptersiel an de B 437.

De nächste Bahnhoff is so bi 16 Kilometer wied weg in’n Noordoosten de Bahnhoff Lox an de Bahnlien Bremen–Bremerhoben. Op de Nedderwerserbahn hett dat von 1911 bet 1964 Personenverkehr geven. De Bahnhööv Neenlann un Rechtenfleth legen dree Kilometer in’n Westen/Süüdwesten.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 52