Kassbrook

Vun Wikipedia
Zur Navigation springen Zur Suche springen
Wapen/Flagg Koort

Wapen vun Kassbrook

Kassbrook
Laag vun Kassbrook in Düütschland
Basisdaten
Bundsland: Neddersassen
Landkreis: Cuxhoben
Gemeen: Hagen
Flach: 8,61 km²
Inwahners: 537 (2017-11-2727. November 2017)
Inwahnerdicht: 62,4 Inwahners pro km²
Hööchd: 12 m över NHN
Postleettall: 27628
Vörwahl: 04746
Geograafsche Laag:
Koordinaten:53° 22′ N, 8° 38′ O
53° 22′ N, 8° 38′ O
RechtenflethSaansOffenwardenWeersbeWortfleetUthleerLeernstHein (Landkreis Cuxhoben)WolsbuddelHoop (Landkreis Cuxhoben)DriftsethKassbrookDörphagenHagen (Landkreis Cuxhoben)AlbstBraamst (Oortschop)
Laag von Kassbrook in de Gemeen Hagen (Koort lett sik anklicken)

Kassbrook (hoochdüütsch Kassebruch) is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen billt de Oort de polietsche Oortschop Kassbrook.

Bi de Oortschop höört ok de lüttjen Öörd Kassbroker Heid un Grienenbargshusen mit bi.

Geografie[ännern | Bornkood ännern]

De Oort liggt op de Oosterholter Geest. Dat Water ut dat Rebeed flütt över de Drept af.

De Naveröörd sünd Dannendörp in’n Noorden, Wittst, Heis, Kraansmoor un Gackau in’n Noordoosten, Braamst in’n Oosten, Börsten in’n Süüdoosten, Hagen in’n Süden, Harmonie, Grienenbargshusen un Kassbroker Heid in’n Süüdwesten un Wittenbarg un Driftseth in’n Noordwesten.

Historie[ännern | Bornkood ännern]

Kassbrook kummt 1105 toeerst in en Oorkunn von’n Bremer Arzbischop Friedrich I. vör.[1] Dat hett fröher in dat dörp dat Good Kassbrook geven, op dat de Familie von Weersbe seten hett.

In’n Eersten Weltkrieg hett dat in Grienenbargshusen bi Kassbrook dat Grienenbarg-Kriegsfungenenlager geven.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Kassbrook in’n Kanton Hagen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Dammhagen in’n Kanton Hagen.

De Oort hett vör 1852 den Hauptoort von dat Gericht Kassbrook billt. Nadem dat Gericht 1852 oplööst worrn is, weer de Oort in dat Amt Hagen, dat 1885 in’n Kreis Geestmünn opgahn is. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

De Oort weer fröher en egenstännige Gemeen, de an’n 1. März 1974 mit de Gemeenreform in Neddersassen Deel von de Gemeen Hagen worrn is. To’n 1. Januar 2014 is ok disse Gemeen oplööst worrn un in de nu noch wedder gröttere Gemeen Hagen opgahn. Dorbi is de ole Gemeen Hagen wedder opdeelt worrn in Oortschoppen, de so tosneden sünd as de olen Gemenen von vör 1974. De Oort billt binnen de Gemeen nu de Oortschop Kassbrook, de en egen Oortsvörsteiher hett.

Inwahnertall[ännern | Bornkood ännern]

Johr Inwahners
1791-00-001791[2] 65 Füürsteden
1812-00-001812[3] 318
1824-00-001824[4] 65 Füürsteden
1848-00-001848[5] 362 Lüüd. 65 Hüüs
1871-12-011. Dezember 1871[6] 323 Lüüd. 61 Hüüs
1885-12-011. Dezember 1885[7] 281 Lüüd. 62 Hüüs
1905-12-011. Dezember 1905[8] 241 Lüüd. 47 Hüüs
1910-12-011. Dezember 1910[9] 296*
1925-00-001925[10] 340*
1933-00-001933[10] 301*
1939-00-001939[10] 291*
* tohoop mit Kassbroker Heid, Kassbrokermoor un Grienenbargshusen

Religion[ännern | Bornkood ännern]

Kassbrook is evangeelsch-luthersch präägt un höört to dat Kaspel von de Martin-Luther-Kark in Hagen. De Kark is 1897 boot worrn. Vörher hett de Oort to dat Kaspel von de Jacobi-Kark in Braamst höört.

För de Kathoolschen is de Hillig-Hart-Jesu-Kark in Geestmünn tostännig.

Oortsvörsteihers[ännern | Bornkood ännern]

  • 1. Januar 2014–31. Oktober 2016: Johann Wohltmann (CDU)
  • 1. November 2016–: Stephan Struß (SPD)

Wapen[ännern | Bornkood ännern]

Dat Wapen von Kassbrook wiest op en Schild, de vörn sülvern un achtern swart is, en Watermöhlenrad un en Wellenbalken in vertuuschte Klören.

De Klören stammt ut dat Wapen von de Familie von Weersbe, de fröher in Kassbrook seten hett. Möhlenrad un Wellenbalken staht för de Watermöhl un de Drept.

Utklamüsert hett dat Wapen de Heraldiker Albert de Badrihaye.

Weertschop un Infrastruktur[ännern | Bornkood ännern]

Kassbrook hett en egene freewillige Füürwehr.

Verkehr[ännern | Bornkood ännern]

Kassbrook is över de Kreisstraat 52 an de K 51 anbunnen, de in’n Westen na Saans an de K 50 ran geiht un in’n Süüdoosten na Hagen an de Landsstraat 134. De L 134 föhrt von dor in’n Noordoosten över Braamst, Bokel un Stubben na Beverst un in’n Süüdwesten na Uthleer un Swonewebel.

De nächste Autobahn is de Autobahn 27 (Afsnidd BremenBremerhoben). De Opfohrt 12 Hagen liggt so veer Kilometer in’n Westen von Kassbrook an de K 51.

De nächsten Bahnhööv sünd so bi 13 Kilometer wied weg in’n Oosten de Bahnhoff Lübbs un de Bahnhoff Stubben, de all beid an de Bahnlien Bremen–Bremerhoben liggen doot. Op de Nedderwerserbahn hett dat von 1911 bet 1964 Personenverkehr geven. De Bahnhoff Saans leeg acht Kilometer in’n Westen.

Scholen[ännern | Bornkood ännern]

De ole Volksschool in Kassbrook hett 1969 dichtmaakt.[11] Vondaag gaht de Kinner op de Grundschool an de Staleke in Hagen. Nadem se mit de Grundschool dör sünd, gaht se in Hagen för Haupt- un Realschool op de Hermann-Allmers-School oder för dat Gymnasium op de Waldschool Hagen/Beverst.

Lüüd[ännern | Bornkood ännern]

De Missionar Johann Hinrich Schmelen is 1777 in Kassbrook boren.

Footnoten[ännern | Bornkood ännern]

  1. Carsten Boos: Kurhannoversche Landesaufnahme des 18. Jahrhunderts: Kassebruch. Erläuterungen zum Blatt 20 Kassebruch. Neddersassisch Landsverwaltungdamt, 1992, Sied 3
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 46
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 111
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 162
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de
  11. Die Geschichte der Hermann-Allmers-Schule

Weblenken[ännern | Bornkood ännern]

Commons-logo.svg Kassbrook. Mehr Biller, Videos oder Audiodateien to’t Thema gifft dat bi Wikimedia Commons.