Wolsbuddel

Vun Wikipedia
Zur Navigation springen Zur Suche springen
Wapen/Flagg Koort

Wapen vun Wolsbuddel

Wolsbuddel
Laag vun Wolsbuddel in Düütschland
Basisdaten
Bundsland: Neddersassen
Landkreis: Cuxhoben
Gemeen: Hagen
Inwahners:
Postleettall: 27628
Vörwahl: 04746
Geograafsche Laag:
Koordinaten:53° 19′ N, 8° 39′ O
53° 19′ N, 8° 39′ O
RechtenflethSaansOffenwardenWeersbeWortfleetUthleerLeernstHein (Landkreis Cuxhoben)WolsbuddelHoop (Landkreis Cuxhoben)DriftsethKassbrookDörphagenHagen (Landkreis Cuxhoben)AlbstBraamst (Oortschop)
Laag von Wolsbuddel in de Gemeen Hagen (Koort lett sik anklicken)

Wolsbuddel (hoochdüütsch Wulsbüttel) is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen billt dat Dörp en egen polietsche Oortschop.

Bi Wolsbuddel höört de lüttjen Öörd Heesen un Woldar mit bi.

Geografie[ännern | Bornkood ännern]

Dicht bi Wolsbuddel löppt de Drept langs. In’n Noordwesten liggt dat Naturschuulrebeed Süüdlich Hagener Königsmoor.

De Naveröörd sünd Börsten un Dörphagen in’n Noorden, Albst in’n Noordoosten, Büggeln in’n Oosten, Hoop un Woldar in’n Süüdoosten, Hein in’n Süüdwesten, Leernst un Neenhusen in’n Westen un Hagen in’n Noordwesten.

Historie[ännern | Bornkood ännern]

Dat eerste Maal kummt de Oort 1072 in de Oorkunnen vör as een von de Öörd, de to de Kark in Braamst tohöört. In en Oorkunn von’n Bremer Arzbischop Friedrich I. von 1105 kummt de Oort as Woldesbutle vör. Wolsbuddel is een von de -büttel-Öörd.

Dör en Arvschop is dat Dörp in dat 13. Johrhunnert an Gerbert von Stotel kamen, de dat aver 1238 för 80 Goldmark an dat Klooster Lelendaal verköfft hett.

In’n Tweten Weltkrieg sünd ölven Soldaten ut Wolsbuddel fullen oder vermisst[1].

Verwaltungsgeschicht[ännern | Bornkood ännern]

Vör 1885 weer Wolsbuddel in de Böörd Braamst von dat Amt Hagen un na 1885 in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

An’n 1. März 1974 is de ole Gemeen Wolsbuddel mit de Gemenen Leernst, Hoop, Hein un Albst to de ne’e, gröttere Gemeen Wolsbuddel tohoopleggt worrn. An’n 1. Januar 2014 is Wolsbuddel denn Deel von de ne’e Gemeen Hagen worrn. Dorbi is de Gemeen Wolsbuddel wedder opdeelt worrn in fiev Oortschoppen. Dat Dörp Wolsbuddel billt nu binnen de Gemeen Hagen en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1824-00-001824[2] 20 Füürsteden
1848-00-001848[3] 134 Lüüd. 22 Hüüs
1910-12-011. Dezember 1910[4] 138
1925-00-001925[5] 131
1933-00-001933[5] 126
1939-00-001939[5] 116

Religion[ännern | Bornkood ännern]

De Lucia-Kark

Wolsbuddel is evangeelsch-luthersch präägt un billt mit de Lucia-Kark en egen Kaspel.

De eerste Kark in dat Dörp is wohrschienlich üm un bi 1200 boot worrn (vörher hett de Oort to de Kark in Braamst tohöört). Disse eerste Kark is aver al in dat 13. Johrhunnert afbrennt. Na dissen Brand is de hüdige Kark ut Feldsteen boot worrn. 1269 mutt de Kark wedder stahn hebben, denn to de Tied kummt en Gerhardus Geblanus de Woldesbutle, also en Pastoor in Wolsbuddel, in de Oorkunnen vör.

Wapen[ännern | Bornkood ännern]

Dat Wapen von Wolsbuddel wiest op grönen Grund en sülvern Leel un dor ünner en gollen Ekentelg mit twee Bläder un een Ecker.

De Leel steiht för dat Klooster Lelendaal, to dat Wolsbuddel fröher tohöört hett un de Ekentelg för Holt un Busch in de Gemeen.

Utklamüsert hett dat Wapen de Heraldiker Albert de Badrihaye. 1974 hett ok de ne’e Gemeen Wolsbuddel düt Wapen övernahmen.

Börgermeesters/Oortsvörsteihers[ännern | Bornkood ännern]

Börgermeesters:

  • –31. Dezember 2013: Hannes Mahlstedt

Oortsvörsteihers:

  • 1. Januar 2014–: Hannes Mahlstedt (SPD)

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Wolsbuddel bi de Kark.

Verenen[ännern | Bornkood ännern]

De Schützenvereen Wolsbuddel is 1923 grünnt worrn.

Weertschop un Infrastruktur[ännern | Bornkood ännern]

Wolsbuddel hett en egen Freewillige Füürwehr.

De Filiaal von de Werser-Elv-Spoorkass in Wolsbuddel hett to’n 1. Dezember 2015 dichtmaakt.

Verkehr[ännern | Bornkood ännern]

Wolsbuddel liggt an de Kreisstraat 48, de in’n Oosten na de Landsstraat 135 hen löppt un denn wieder över Büggeln un Albst na Wohlthöben. In’n Westen löppt de Straat över Leernst na Uthleer. So bi dree Kilometer in’n Westen von Wolsbuddel liggt an de K 48 de Opfohrt 13 Uthleer op de Autobahn 27.

De nächste Bahnhoff is de Bahnhoff Lübbs in Wohlthöben an de Bahnlien Bremen-Cuxhoben.

Scholen[ännern | Bornkood ännern]

Bet 1969 harr Wolsbuddel en egen Volksschool.[6] Vondaag gaht de Kinner op de Grundschool Uthleer. Nadem se mit de Grundschool dör sünd, gaht se in Hagen för Haupt- un Realschool op de Hermann-Allmers-School oder för dat Gymnasium op de Waldschool Hagen/Beverst.

Literatur[ännern | Bornkood ännern]

  • Dorfchronik Wulsbüttel.

Footnoten[ännern | Bornkood ännern]

  1. http://www.denkmalprojekt.org/2008/wulsbuettel_wk2_ns.htm
  2. C. H. Jansen: Statistisches Handbuch des Königreichs Hannover. 1824, Sied 680: http://books.google.de/books?id=tG0AAAAAcAAJ&pg=PA680
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
  4. http://www.gemeindeverzeichnis.de/gem1900/gem1900.htm?hannover/geestemuende.htm
  5. a b c http://www.verwaltungsgeschichte.de/wesermuende.html
  6. Die Geschichte der Hermann-Allmers-Schule