Weersbermoor

Vun Wikipedia
Wapen/Flagg Koort
hett keen Wapen
Weersbermoor
Laag vun Weersbermoor in Düütschland
Basisdaten
Bundsland: Neddersassen
Landkreis: Cuxhoben
Gemeen: Hagen
Inwahners:
Postleettall: 27628
Vörwahl: 04702
Geograafsche Laag:
Koordinaten:53° 20′ N, 8° 34′ O
53° 20′ N, 8° 34′ O

Karte

Weersbermoor (hoochdüütsch Wersabermoor) is en lütten Oort in de Gemeen Hagen in’n Landkreis Cuxhoben, Neddersassen. De Oort höört polietsch von öllers bi Weersbe mit bi.

Geografie[ännern | Bornkood ännern]

De Oort liggt in dat Moor von dat Siedland in Oosterstood. Na Oosten slütt sik de Oosterholter Geest an. Dat Water ut dat Rebeed flütt över Gravens na de Werser hen af, de veer Kilometer in’n Westen langslöppt.

De Naveröörd sünd Offenwardermoor in’n Noorden, De Hagener Oortsdeel Harmonie in’n Noordoosten, Neenhusen, Born un Leernst in’n Süüdoosten, Uthleer un Rechtebermoor in’n Süden, Rechtebe in’n Süüdwesten, Weersbe un Offenwarden in’n Westen un Saans in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1885 to’n Bezirk Süüd-Oosterstood von dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

1968 is de Gemeen Weersbe Deel von de Gemeen Saans worrn. An’n 1. Januar 2014 is de Gemeen Saans denn Deel von de ne’e Gemeen Hagen worrn. Sietdem höört Weersbermoor to de polietsche Oortschop Weersbe binnen de Gemeen.

Inwahnertall[ännern | Bornkood ännern]

Johr Inwahners
1791-00-001791[1] 4 Füürsteden
1824-00-001824[2] 4 Füürsteden
1848-00-001848[3] 21 Lüüd, 4 Hüüs
1871-12-011. Dezember 1871[4] 17 Lüüd, 4 Hüüs

Religion[ännern | Bornkood ännern]

Weersbermoor is evangeelsch-luthersch präägt un höört to dat Kaspel von de Marien-Kark in Weersbe.

För de Kathoolschen is de Hillig-Hart-Jesu-Kark in Geestmünn tostännig.

Weertschop un Infrastruktur[ännern | Bornkood ännern]

För den Oort is de freewillige Füürwehr Weersbe mit tostännig.

Verkehr[ännern | Bornkood ännern]

Von Weersbermoor föhrt de Straat Weersber Helmer in’n Westen an de Kreisstraat 50 un in’n Oosten an de Landsstraat 134. De L 134 geiht in’n Süden över Uthleer un Meyenborg na Swonewebel un Blomendal un in’n Noordoosten över Hagen un Braamst na Stubben un Beverst. De K 50 löppt in’n Süden na Rechtebe an de K 49 un in’n Noorden na Offenwarden un Saans.

De nächste Autobahn is de Autobahn 27 (Afsnidd BremenBremerhoben). De Opfohrt 12 Hagen liggt so fiev Kilometer in’n Noorden von Weersbermoor an de K 51.

De nächsten Bahnhööv sünd so bi 18 Kilometer wied weg in’n Noordoosten de Bahnhoff Stubben un in’n Oosten de Bahnhoff Lübbs (all beid an de Bahnlien Bremen–Bremerhoben). De Bahnhoff Farge von de Regio-S-Bahn Bremen/Neddersassen (Lien RS 1) liggt 20 Kilometer in’n Süüdwesten. Op de Nedderwerserbahn hett dat von 1911 bet 1931 Personenverkehr geven. De Bahnhoff Weersbe leeg knapp veer Kilometer in’n Westen.

Scholen[ännern | Bornkood ännern]

De Kinner ut Weersbermoor sünd bet 2008 op de Grundschool Weersbe gahn, de denn aver dichtmaakt hett. Nu gaht de Schölers op de Grundschool Uthleer.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 246
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 652
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155