Börsten
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 22′ N, 8° 40′ O53° 22′ N, 8° 40′ O | |
|
| ||
Börsten (hoochdüütsch Börsten) is en Dörp in de Gemeen Hagen in’n Landkreis Cuxhoben, Neddersassen. De Oort höört polietsch von öllers bi Hagen mit bi.
Geografie
[ännern | Bornkood ännern]De Oort liggt op de Oosterholter Geest. Dat Water ut dat Rebeed flütt över den Bremerkampgraven na de Drept hen af, de in’n Westen langsflütt. Dat Water wieder in’n Oosten flütt na de Gackau hen af.
De Naveröörd sünd Wittst in’n Noorden, Braamst in’n Noordoosten, Finn mit Finterbarg in’n Süüdoosten, Dorphagen in’n Süden, Hagen in’n Westen un Kassbrook un Driftseth in’n Noordwesten.
Historie
[ännern | Bornkood ännern]De Oort kummt toeerst 1105 as Bursati in en Oorkunn von’n Bremer Arzbischop Friedrich I. vör.
In’n April 1902 hebbt de Boarbeiden to de Meieree Hagen anfungen, de in Börsten stünn. In’n Dezember 1902 weer de Anlaag kumplett trech. 1953 is tosätzlich en Kartuffeldämpanlaag boot worrn. 1966 hett de Meieree ölven Milljonen Liter Melk verarbeidt, de to de Tied tu de Öörd Hahnenknoop, Wittst, Heis, Wittenbarg, Driftseth, Kassbrook, Hagen, Börsten, Braamst, Harndorp, Dorphagen, Albst un Hoop anlevert worrn is. 1971 hett de Meieree aver dichtmaakt un 1972 is dor de Stoteler Broodfabrik intagen, de an ehren olen Standoort afbrennt weer. 1976 güng dat Gebüüd an de Hagener Erfrischungsgetränke Industrie, de dor Selter un Gele un Witte Bruus affüllt hett. Vondaag warrt dat Gebüüd von de Firma Auto Nagel GmbH bruukt.[1]
En Stück achter de Krüzung von de fröhere Rieksstraat 6 (vondaag Landsstraat 135) un de Straat von Braamst na Hagen (vondaag Landsstraat 134) an de Straat na Kassbrook bi’n Kilometersteen 23,9 hett dat in de Johren 1930 üm un bi 50 Unfäll geven. Ünner annern hett hier de Asienforscher Emil Trinkler in’n April 1931 en Autounfall hatt un is an de Folgen doodbleven. De grote Tall an Unfäll hett to veel Spekulatschoon un Berichten in ganz Düütschland föhrt.[2][3]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Dammhagen in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Braamst in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De ole Gemeen Hagen is an’n 1. März 1974 mit de Gemeenreform in Neddersassen oplööst un Deel von de ne’e un gröttere Gemeen Hagen worrn. To’n 1. Januar 2014 is ok disse Gemeen oplööst worrn un in de nu noch wedder gröttere Gemeen Hagen opgahn. De Oort Börsten höört binnen de Gemeen vondaag to de polietsche Oortschop Hagen.
Inwahnertall
[ännern | Bornkood ännern]| Johr | Inwahners |
|---|---|
| 1791[4] | 5 Füürsteden |
| 1812[5] | 28 |
| 1824[6] | 5 Füürsteden |
| 1848[7] | 40 Lüüd, 6 Hüüs |
| 1. Dezember 1871[8] | 31 Lüüd, 7 Hüüs |
Religion
[ännern | Bornkood ännern]Börsten is evangeelsch-luthersch präägt un höört to dat Kaspel von de Martin-Luther-Kark in Hagen. De Kark is 1897 boot worrn. Vörher hett de Oort to dat Kaspel von de Jacobi-Kark in Braamst höört.
För de Kathoolschen is de Hillig-Hart-Jesu-Kark in Geestmünn tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Börsten liggt an de Krüzung von de Landsstraten L 134 un L 135 (fröher Deel von de Bundsstraat 6). De L 135 löppt in’n Noordwesten an Stotel un Ness langs na Bremerhoben un in’n Süüdoosten över Dorphagen un Hoop na Garlst un Bremen-Noord. De L 134 geiht in’n Süüdwesten över Hagen na Uthleer un in’n Noordoosten över Braamst na Bokel, Stubben un Beverst. An’n Süüdrand von’n Oort geiht von de L 135 na Oosten de Kreisstraat 46 af, de na Finn un Ax föhrt.
De nächste Autobahn is de Autobahn 27 (Afsnidd Bremen–Bremerhoben). De Opfohrt 12 Hagen liggt knapp acht Kilometer in’n Noordwesten von Börsten an de K 51.
De nächsten Bahnhööv sünd so bi negen Kilometer wied weg in’n Noordoosten de Bahnhoff Stubben un in’n Süüdoosten de Bahnhoff Lübbs (all beid an de Bahnlien Bremen–Bremerhoben).
Footnoten
[ännern | Bornkood ännern]- ↑ Von der Milch zur Limo, Osterholzer Kreisblatt an’n 15. September 2015
- ↑ Rätsel um Kilometerstein 23,9, Radio Bremen an’n 6. April 2016
- ↑ Jens Gehrke: Mysteriöse Unfälle bei Hagen-Börsten: Sie geben bis heute Rätsel auf, nord24.de an’n 9. Mai 2016
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 29
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 70
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)
