Braamstermoor

Vun Wikipedia
Wapen/Flagg Koort
hett keen Wapen
Braamstermoor
Laag vun Braamstermoor in Düütschland
Basisdaten
Bundsland: Neddersassen
Landkreis: Cuxhoben
Gemeen: Hagen
Inwahners:
Postleettall: 27628
Vörwahl: 04746
Geograafsche Laag:
Koordinaten:53° 24′ N, 8° 38′ O
53° 24′ N, 8° 38′ O

Karte

Braamstermoor (hoochdüütsch Bramstedtermoor) is en lütten Oort in de Gemeen Hagen in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Braamst.

Geografie[ännern | Bornkood ännern]

De Oort liggt in dat Moor langs de Drept.

De Naveröörd sünd Hahnenknoop in’n Noorden, Drostendamm un Wittst in’n Noordoosten, Braamst in’n Süüdoosten, Driftseth mit Dannendörp in’n Süden un Neenlannermoor, Langendammsmoor un Krehlen in’n Noordwesten.

Historie[ännern | Bornkood ännern]

Braamstermoor is in dat 19. Johrhunnert as lüttje Moorkolonie grünnt worrn.

Verwaltungsgeschicht[ännern | Bornkood ännern]

De Oort hett vör 1885 to de Böörd Braamst in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort höört von Anfang an bi de Gemeen Braamst mit bi. De Gemeen Braamst is an’n 1. März 1974 mit de Gemeenreform in Neddersassen oplööst un Deel von de ne’e un gröttere Gemeen Hagen worrn. To’n 1. Januar 2014 is ok disse Gemeen oplööst worrn un in de nu noch wedder gröttere Gemeen Hagen opgahn. De Oort Braamstermoor höört binnen de Gemeen nu to de Oortschop Braamst.

Religion[ännern | Bornkood ännern]

Braamstermoor is evangeelsch-luthersch präägt un höört to dat Kaspel von de Marien-Kark in Büttel. Dor höört de Oort siet 1931 to. Vörher hett he to dat Kaspel von de Jacobi-Kark in Braamst tohöört.

För de Kathoolschen is de Hillig-Hart-Jesu-Kark in Geestmünn tostännig.

Weertschop un Infrastruktur[ännern | Bornkood ännern]

För Braamstermoor is de freewillige Füürwehr Braamst mit tostännig.

Verkehr[ännern | Bornkood ännern]

De Straat dör Braamstermoor löppt in’n Noordwesten na Langendammsmoor an de Kreisstraat 54 un in’n Süüdoosten an de Landsstraat 135. De L 135 föhrt in’n Noordwesten an Stotel langs na Bremerhoben-Wulsdörp un in’n Süüdoosten twüschen Hagen un Braamst dör na Bremen-Noord to. De K 54 geiht von Langendammsmoor in’n Noordwesten över Neenlannermoor un Swegen na Büttel.

De nächste Autobahn is de Autobahn 27 (Afsnidd BremenBremerhoben). De Opfohrt 12 Hagen liggt so söss Kilometer in’n Süüdwesten von Braamstermoor an de K 51.

De nächsten Bahnhööv sünd so bi twölv Kilometer wied weg in’n Noordoosten de Bahnhoff Lox un de Bahnhoff Luunst an de Bahnlien Bremen–Bremerhoben. Op de Nedderwerserbahn hett dat von 1911 bet 1964 Personenverkehr geven. De Bahnhoff Büttel leeg söven Kilometer in’n Noordwesten.

Literatur[ännern | Bornkood ännern]

  • Elke Hamann: Kennt ji dat Dörp Schwegen? Chronik aus fünf ehemaligen Moorkolonien: Schwegen, Reepen, Neuenlandermoor, Langendammsmoor und Bramstedtermoor. Dörpgemeenschop Swegen, 2004