Bahnhoff Luunst
De Bahnhoff Luunst is en Bahnhoff mit de Bahnhoffskategorie 6 un twee Gleise an de Bahnlien Bremen–Bremerhoben in Luunbarg (Oortschop Luunst).
De Bahnhoff liggt an’n Noordrand von Luunbarg an de Straat Na’n Luunbagen/Wersermünner Straat (K 45). Fröher hett de Straat An’n Luunbagen maal Bahnhoffstraat heten.
Historie[ännern | Bornkood ännern]
De Bahnlien von Bremen na Geestmünn is 1862 boot worrn. En Bahnhoff harr de Oort in de eerste Tied aver nich. De is eerst 1879 anleggt worrn.[1] För dat Bahnhoffsgebüüd müssen de Öörd ümto betahlen. Allens tohoop weren dat 2200 Goldmark: Luunbarg 1700 Goldmark, Hollen 400 Goldmark, Heis 50 Goldmark un Wittst 50 Goldmark.[1] Dat weer toeerst en Bedarfshalt, eerst 1882 hett de Tog denn regulär hollen.[1]
De Göderschuppen is 1965 afreten worrn.[1] 1966 is de Bahnlien elektrifizeert worrn. De Naam Bahnhoff Luunst is 1970 kamen. Vörher hett he Bahnhoff Luunbarg heten.[1] Dat letzte Bahnpersonal hett 1988 den Bahnhoff verlaten. Sietdem warrt Schranken un Signale automaatsch oder von annerwegens bedeent.[1]
De Afkörten in dat Bahnamtliche Betriebsstellenverzeichnis is HLUN[2] un de Internatschonale Bahnhoffsnummer 8003799.
De Bahnhoff hett twee Siedenbahnstieg’.
Personenverkehr[ännern | Bornkood ännern]
| Bedriever | Öörd | KBS | Takt |
|---|---|---|---|
| EVB | Cuxhoben – Noordholt – Dorum – Wremen – Bremerhoben-Leh – Bremerhoben Hbf – Wulsdörp – Lox – Luunst – Stubben – Lübbs – Olenbüttel – Oosterholt-Scharmbeek – Hu’e – Borg – Oslebshusen – Walle – Bremen Hbf | KBS 125 | elk Stünn |
Siet Dezember 2010 föhrt elk Stünn de Lien RS 2 (Bremerhoben-Leh–Twustern) von de Regio-S-Bahn Bremen/Neddersassen över Luunst.
Footnoten[ännern | Bornkood ännern]
- ↑ a b c d e f http://www.chronik.lunestedt.de/bahnhof.html
- ↑ Übersicht der Betriebsstellen und deren Abkürzungen aus der Richtlinie 100, dbnetze.com
Koordinaten:53° 26′ N, 8° 44′ O