Bahnhoff Cuxhoben

Vun Wikipedia
Zur Navigation springen Zur Suche springen
Bahnhoff un Vörplatz
EVB-Wagen in’n Bahnhoff Cuxhoben

De Bahnhoff Cuxhoben is en Koppbahnhoff mit de Bahnhoffskategorie 4 un dree Gleise in de Stadt Cuxhoben. In’n Bahnhoff ennt de Nedderelvbahn, de ut Hamborg kummt, un de Bahnlien Bremerhoben–Cuxhoben. Dat gifft ans aver ok noch en dree Kilometer lang Bahnlien na’n Amerika-Haven.[1][2] Jeden Dag kaamt dor so üm un bi 2.800 Lüüd dör.

De Bahnhoff liggt op 1 Meter över NN dicht bi dat Stadtzentrum, direkt an’n Haven un an de Bundsstraat 73. Op’n Vörplatz von’n Bahnhoff is en Busbahnhoff.

Historie[ännern | Bornkood ännern]

1881 hett de Nedderelvbahn apenmaakt, de von Horborg na Cuxhoben geiht. Dor is denn ok de eerste Bahnhoff boot worrn. De Bahnverkehr in Cuxhoben hett an’n 1. November 1881 anfungen. De Bahnlien von Bremerhoben na Cuxhoben is 1896 boot worrn, as de Bahnlien Bremen–Bremerhoben bet Cuxhoben verlängert worrn is. An’n 1. Juni 1896 güng de Verkehr na Bremerhoben loos. Dor müss denn en gröttern Bahnhoff her, de 1898 trech weer.[3] Dat ole Empfangsgebüüd von 1881 is aver bet vondaag as Deenstgebüüd bleven. Parallel to’n Personenbahnhoff liggt na’n Haven to de Göderbahnhoff, toeerst de Laadstraat mit Göderschuppen un noch wieder na’n Haven de Fischversandbahnhoff.

De Bahnhoff harr veer Gleise an twee Bahnsteige, aver Gleis 4 is 1984 slaten un dat Bahnsteigdack afreten worrn.

Von’n 4. März 2013 af an warrt de Bahnhoff kumplett moderniseert. Dor schöölt de Gleise bi ümboot warrn, dat Gleis 1 un Gleis 2 220 m lang warrt un en Dack hebbt un Gleis 3 ahn Dack blifft un 170 m lang is. All dree Gleise warrt 55 cm höger maakt. De Gleise kriegt Wederschuul un Sittbänk, Lüchten, en Leidsystem för Blinne, Infovitrinen, Klocken un Anzeigen neet.

De Afkörten in dat Bahnamtliche Betriebsstellenverzeichnis is ACV[4] un de Internatschonale Bahnhoffsnummer 8001352.

Personenverkehr[ännern | Bornkood ännern]

Bedriever Öörd KBS Takt
ME CuxhobenOterndörpKumbargWingstHemmoorHeckthusenHimmelpoortenHammohStoodHornborgBuxthuHamborg-HorborgHamborg Hauptbahnhoff KBS 121 elk Stünn
EVB CuxhobenNoordholtDorumWremenBremerhoben-LehBremerhoben HbfWulsdörpLoxLuunstStubbenLübbsOlenbüttelOosterholt-ScharmbeekHu’eBorgOslebshusenWalleBremen Hbf KBS 125 elk Stünn

Weblenken[ännern | Bornkood ännern]

Commons-logo.svg Bahnhoff Cuxhoben. Mehr Biller, Videos oder Audiodateien to’t Thema gifft dat bi Wikimedia Commons.

Footnoten[ännern | Bornkood ännern]

  1. Cuxhaven. In: Infrastrukturregister. DB Netz AG. Afropen an’n 10. September 2012.
  2. Eisenbahnatlas Deutschland digital 2008. Verlag Schweers + Wall GmbH, Köln 2008.
  3. Bahnhofsinitiative Cuxhaven (Hrsg.): 111 Jahre Bahnhof Cuxhaven. Afropen an’n 10. September 2012.
  4. Übersicht der Betriebsstellen und deren Abkürzungen aus der Richtlinie 100, dbnetze.com


Koordinaten:53° 52′ N, 8° 42′ O