Bahnhoff Lox

Vun Wikipedia
Zur Navigation springen Zur Suche springen
De Bahnhoff 1998

De Bahnhoff Lox is en Bahnhoff mit de Bahnhoffskategorie 6 un twee Gleise an de Bahnlien Bremen–Bremerhoben in Lox.

De Bahnhoff liggt an’n Noordoostrand von Lox an de Bahnhoffstraat (L 143).

Historie[ännern | Bornkood ännern]

De Bahnlien von Bremen na Geestmünn is 1862 boot worrn. An’n 10. März 1862 weer dat Empfangsgebüüd mit Wahnungen för Bahnhoffsvörstand un -wärter, Göderschuppen un en Reeg Nevengebüüd trech.[1]

To Anfang von dat 20. Johrhunnert weer Lox as Feernverkehrshalt in de Rieks-Kursböker utwiest. Dor föhren 1905 jeden Dag een Personentogpoor Berlin–Geestmünn, dat ok in Lox hollen hett, un je dree Personentogpoor Leipzig–Geestmünn un Hannover–Geestmünn, von de je twee in Lox hollen hebbt.[2]

1926 hett dat Plaans geven, den Bahnhoff an de Havengleisanlagen von’n Fischereehaven Wersermünn antosluten.[3] Lox schull dorbi en Rangeerbahnhoff kriegen. De Plaans för en ne’en Havenbahnhoff weren 1933 Thema in’n Schinkelweddstried för Architektur, dor is aver nix von worrn.[4]

1966 is de Bahnlien elektrifizeert worrn. An’t Enn von dat Johr 1975 is de Göderverkehr in Lox instellt worrn[1] un de Bahnhoff is to en Hollpunkt mit Utwiekanslusssteed na de Firma Oscar Neynaber trüggboot worrn. Disse Gleisansluss is 2008 afreten worrn, as de Streck saneert worrn is. Dat Empfangsgebüüd von 1862 un dat Fohrdeenstleiterstellwark 'Lsf' sünd kort vör Wiehnachten 1978 afreten worrn.[1]

1996 hett de Gemeen Lox den Bahnhoff von de Düütsche Bahn AG köfft.

De Bahnhoff hett en P&R-Anlaag mit üm un bi 60 Parkplätz un en Regionalbushollsteed an’n Bahnstieg Fohrtrichtung Bremen. De Hollpunkt is toletzt in de Johren 1990 moderniseert worrn. De Bahnstieg’ sünd siet Anfang Dezember 2014 in’n Rahmen von de Akschoon Niedersachsen ist am Zug (NiaZ) ümboot worrn. De Bahnstieg’ sünd tohoop afreten worrn un hebbt en högere Bahnstiegkant (vörher 38 cm över SO, nu 76 cm över SO) mit en Blinnenleitsystem kregen. Na’n Ümbo kann een an de Töög an beide Bahnstieg’ niveaugliek rankamen.

De Afkörten in dat Bahnamtliche Betriebsstellenverzeichnis is HLOX[5] un de Internatschonale Bahnhoffsnummer 8003760.

De Bahnhoff hett twee Siedenbahnstieg’.

Personenverkehr[ännern | Bornkood ännern]

Bedriever Öörd KBS Takt
EVB CuxhobenNoordholtDorumWremenBremerhoben-LehBremerhoben HbfWulsdörpLoxLuunstStubbenLübbsOlenbüttelOosterholt-ScharmbeekHu’eBorgOslebshusenWalleBremen Hbf KBS 125 elk Stünn

Siet Dezember 2010 föhrt elk Stünn de Lien RS 2 (Bremerhoben-LehTwustern) von de Regio-S-Bahn Bremen/Neddersassen över Lox.

Footnoten[ännern | Bornkood ännern]

  1. a b c Schwarz et al. (Rutgever): Erlebe Loxstedt im Wandel. Geiger-Verlag, 2014, ISBN 9783865955630, Sieden 56-57
  2. Kursbureau des Reichs-Postamtes (Rutgever): Reichs-Kursbuch 1905. Ausgabe Nr. 5, Nachdruck 2005 Ritzau KG - Verlag Zeit und Eisenbahn, Berlin 1. Juli 1905, ISBN 3-935101-08-2
  3. Verlohr: Der weitere Ausbau des Fischereihafens Wesermünde, in: Zentralblatt der Bauverwaltung, 24. Februar 1926
  4. Der Hafenbahnhof Loxstedt im Schinkelwettbewerb 1933
  5. Übersicht der Betriebsstellen und deren Abkürzungen aus der Richtlinie 100, dbnetze.com


Koordinaten:53° 28′ N, 8° 39′ O