Lox

Vun Wikipedia
Zur Navigation springen Zur Suche springen
Wapen/Flagg Koort

Wapen vun Lox

Lox
Laag vun Lox in Düütschland
Basisdaten
Bundsland: Neddersassen
Landkreis: Cuxhoben
Gemeen: Lox
Inwahners: 5.465 (2011-11-3030. November 2011)
Postleettall: 27612
Vörwahl: 04744
Geograafsche Laag:
Koordinaten:53° 28′ N, 8° 39′ O
53° 28′ N, 8° 39′ O
WerserWerserWerserDeesdorpEidewardenWiemsdörpMaihusenOverwarfÜterlannDonnernBexhövLoxStinst (Gemeen Loxst)Düring (Landkreis Cuxhoben)HetthornNess (Landkreis Cuxhoben)LanhusenFleest (Landkreis Cuxhoben)Holt (Gemeen Lox)HahnenknoopBüttel (Landkreis Cuxhoben)NeenlannSwegenSwegen-LangendammsmoorSwegenStotelNeenlannSwegenLuunplaatLandwördenLandwördenLandwördenLandwördenLuunLuunWulsdörpFischereehaven (Bremerhoben)BremerhobenLandwördenGackauDreptDreptGemeen Hagen (Landkreis Cuxhoben)Gemeen Hagen (Landkreis Cuxhoben)Gemeen Hagen (Landkreis Cuxhoben)Gemeen BeverstGemeen BeverstGemeen SchippdörpNordenhamStadlandGemeen BeverstGemeen BeverstGemeen Schippdörp
Laag von Lox in de Gemeen Lox (Koort lett sik anklicken)
Luftbild von Lox (2012)

Lox (hoochdüütsch Loxstedt) is en Dörp in de Gemeen Lox in’n Landkreis Cuxhoben, Neddersassen. Binnen de Gemeen billt de Oort en egen polietsche Oortschop.

Geografie[ännern | Bornkood ännern]

De Oort liggt op de Wersermünner Geest. Dat Water flütt över Gravens na de Luun hen af.

De Naveröörd sünd Hogeworth un Nückel in’n Noorden, Dünenfähr un Bexhöv in’n Noordoosten, Stinst in’n Oosten, Düring mit Friedrich-Wilhelmsdörp in’n Süüdoosten, Hetthorn in’n Süden, Ness un Stotel in’n Süüdwesten, Fleest un Well in’n Westen un Siedeworth un Wulsdörp in’n Noordwesten.

Historie[ännern | Bornkood ännern]

Lox kummt 1059 as Lacstidi toeerst in de Oorkunnen vör.

In’n Eersten Weltkrieg sünd 65 Soldaten ut Lox fullen oder vermisst un in’n Tweten Weltkrieg 198.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Bexhöv in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to de Huusvaagdie Bexhöv in dat Gericht Beverst tohöört, von 1851 bet 1859 to dat Amt Beverst un denn von 1859 bet 1885 to dat Amt Leh. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort, de vörher en egenstännig Gemeen un 1971 bet 1974 Maat von de Samtgemeen Lox weer, is an’n 1. März 1974 mit de Gemeenreform in Neddersassen Deel von de ne’e un düüdlich gröttere Gemeen Lox worrn. Binnen disse Gemeen billt de fröhere Gemeen Lox nu en Oortschop mit en egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-00 1791[2] 96 Füürsteden
1812-00-00 1812[3] 459
1824-00-00 1824[4] 93 Füürsteden
1848-00-00 1848[5] 568 Lüüd. 109 Hüüs
1871-12-011. Dezember 1871[6] 625 Lüüd. 119 Hüüs
1885-12-011. Dezember 1885[7] 713 Lüüd. 124 Hüüs
1905-12-011. Dezember 1905[8] 967 Lüüd. 145 Hüüs
1910-12-011. Dezember 1910[9] 1.128
1925-00-00 1925[10] 1.239
1933-00-00 1933[10] 1.308
1939-00-00 1939[10] 1.444

Religion[ännern | Bornkood ännern]

Marienkark in Lox
Johannes-de-Döper-Kark in Lox

Lox is evangeelsch-luthersch präägt un billt mit de Marienkark en egen Kaspel.

För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.

Oortsvörsteihers[ännern | Bornkood ännern]

  • opstunns: Peter Michaelis (SPD)

Wapen[ännern | Bornkood ännern]

Dat Wapen von Lox wiest op sülvern Grund dree rode Rosen (goldbesaamt un mit söss Blödenbläder) un dree swarte Hoovnagels.

Utklamüsert hett dat Wapen de Heraldiker Albert de Badrihaye. De Nagels sünd ut dat Wapen von de Familie Nagel, de 1371 de Kark in Lox mit stift hett. De Rosen staht för de Jumfer Maria, de de Kark wieht is.

Kultur[ännern | Bornkood ännern]

Denkmaals för de Fullenen ut’n Düütsch-Franzööschen Krieg un ut de twee Weltkrieg’ staht an de Kark.

Verenen[ännern | Bornkood ännern]

De Schüttenvereen Lox is 1907 grünnt worrn un de Turnvereen Lox 1863.

Weertschop un Infrastruktur[ännern | Bornkood ännern]

Lox hett en egene freewillige Füürwehr, de 1893 grünnt worrn is.

De Oort gellt as Grundzentrum för de Öörd in de Ümgegend.

Verkehr[ännern | Bornkood ännern]

Dör Lox löppt de Landsstraat 143, de in’n Süüdwesten över Ness an de L 135 un över Stotel na de Bundsstraat 437 geiht un in’n Noordoosten över Bexhöv (dor an de B 71 anbunnen) na Donnern, Sellst, Wehdel un Geestenseth. De L 143 warrt in Lox von de Kreisstraat 56 krüüzt, de in’n Süüdoosten na Düring föhrt un in’n Noordwesten na Hogeworth an de B 71. De B 71 wedder föhrt von Hogeworth in’n Westen na Wulsdörp an de B 6 un von Bexhöv in’n Oosten över Stinst, Heerst un Beverst na Bremervöör.

De nächste Autobahn is de Autobahn 27 (Afsnidd BremenBremerhoben). De Opfohrt 9 Wulsdörp liggt so veer Kilometer in’n Noordwesten von Lox an de B 71 un de Opfohrt 10 Bremerhoben-Süüd veer Kilometer in’n Westen an de L 135.

Mit’n Bahnhoff Lox is de Oort direkt an de Bahnlien Bremen–Bremerhoben anbunnen.

Scholen[ännern | Bornkood ännern]

In Lox liggt de Grundschool Lox, de Haupt- un Realschool Lox un dat Gymnasium Lox.

Lüüd[ännern | Bornkood ännern]

De Historiker Hinrich Luden is 1778 in Lox boren un de Schrieverin Hanne Kulessa 1951. Ok Luneberg Mushard is dor 1672 op de Welt kamen.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 145
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 382
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 152
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 165
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50
  9. Inwahnertallen op gemeindeverzeichnis.de
  10. 10,0 10,1 10,2 Inwahnertallen op verwaltungsgeschichte.de