Mairie Bexhöv

Vun Wikipedia
Zur Navigation springen Zur Suche springen

De Mairie Bexhöv weer in de Franzosentied (1810 bet 1813) een von de fiev Mairien, in de de Kanton Bremerleh indeelt weer. De Seet weer in Bexhöv. Se harr 1355 Inwahners.[1]

Historie[ännern | Bornkood ännern]

De Ümgegend von Bexhöv hett vör de Franzosentied to dat Gericht Beverst in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Bexhöv een von de acht Mairien in’n Kanton Stotel von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Bexhöv weer nu een von de fiev Mairien in’n Kanton Bremerleh, Distrikt Bremerleh, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to veer Mairien höört harrn: de Mairien Bexhöv un Lox ut’n Kanton Stotel, de Mairie Sellst ut’n Kanton Bremerleh un de Mairie Oolluunbarg ut’n Kanton Beverst. Von de Mairie Sellst is blots de Oort Sellst sülvs in de Mairie Bexhöv wesselt. De Oort Apeler is an de Mairie Wulsdörp gahn. De Mairie Oolluunbarg hett den Oort Böcken afgeven, de Rest keem an de Mairie Ringst.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd all Deel von de Gemeen Lox.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 102
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 15