Holt (Gemeen Lox)
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 2,052 km² | |
| Inwahners: | 72 (30. November 2011) | |
| Inwahnerdicht: | 35,1 Inwahners pro km² | |
| Hööchd: | 6 m över NN | |
| Postleettall: | 27612 | |
| Vörwahl: | 04744 | |
| Geograafsche Laag: | Koordinaten:53° 26′ N, 8° 34′ O53° 26′ N, 8° 34′ O | |
 | ||
|
| ||
Holt (hoochdüütsch Holte) is en Dörp un Oortschop in de Gemeen Lox in’n Landkreis Cuxhoben, Neddersassen. Bi de Oortschop Holt höört ok de Oort Speckje mit bi.
Geografie
[ännern | Bornkood ännern]Holt liggt op en Geestsporn, de von Stotel her in de Masch rinreckt. In’n Oosten von dat Dörp liggt Moor. De Oort liggt so bi 500 Meter von’n ne’en Loop von de Luun af. Düsse Loop is eerst in de Johren 1980 so kamen.
De Naveröörd sünd Fleest un Speckje in’n Noorden, Stotel in’n Noordoosten, Stotelermoor un Hahnenknoop in’n Süüdoosten, Swegen un Neenlannermoor in’n Süden, Büttel un Neenlann in’n Süüdwesten un Maihusen, Wiemsdörp un Overwarf in’n Noordwesten.
Historie
[ännern | Bornkood ännern]De hüdige Oort geiht trügg op dat Good Holt. Dat hett von 1371 bet 1470 de Familie Nagel tohöört.
In’n Eersten Weltkrieg sünd dree Soldaten ut Holt fullen oder vermisst un in’n Tweten Weltkrieg söven.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Stotel in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1779 to dat Amt Stotel tohöört, dat denn in dat Amt Stotel-Vieland opgahn is. As dat Amt Stotel-Vieland to’n 1. Juli 1831 oplööst worrn is, weer Holt de eenzige Oort, de nich an dat Amt Leh kamen is, man an dat Amt Hagen. Dör en Verordnung von’n 1. November 1838 is de Oort denn aver to’n 1. Januar 1839 doch in dat Amt Leh wesselt.[2] Von 1839 bet 1885 hett de Oort to de Amtsvaagdie Stotel von dat Amt Leh höört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
De Oort weer von 1971 bet 1974 Liddmaat von de Samtgemeen Lox un is an’n 1. März 1974 mit de Gemeenreform in Neddersassen Deel von de Gemeen Lox worrn.
1991 hett Holt noch en poor Hüüs tokregen, de vörher to Stotel un to Landwöörden höört hebbt.
Inwahnertall
[ännern | Bornkood ännern]| Johr | Inwahners |
|---|---|
| 1793[3] | 12 Füürsteden |
| 1812[4] | 69 |
| 1824[5] | 12 Füürsteden |
| 1848[6] | 76 Lüüd, 14 Hüüs |
| 1. Dezember 1871[7] | 89 Lüüd, 18 Hüüs |
| 1. Dezember 1910[8] | 71 |
| 1925[9] | 86 |
| 1933[9] | 71 |
| 1939[9] | 66 |
Religion
[ännern | Bornkood ännern]Holt is evangeelsch-luthersch präägt un höört to dat Kaspel von de Margarethen-Kark in Stotel.
För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.
De Doden ut Holt warrt ok op’n Karkhoff in Stotel begraven.
Oortsvörstehers
[ännern | Bornkood ännern]- Rudolf von Lien
- opstunns: Annegrete Onken
Wapen
[ännern | Bornkood ännern]Dat Wapen von Holt wiest op sülvern Grund en rood Hoffdoor mit en swarten Nagel dor in.
Dat Hoffdoor steiht för dat Good Holt un de Nagel kummt ut dat Wapen von de Familie Nagel, de dat Good fröher tohöört hett.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Stotel op’n Karkhoff.
Verenen
[ännern | Bornkood ännern]Holt hett en egene freewillige Füürwehr.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Holt löppt de Kreisstraat 55, de in’n Süüdwesten an de K 54 ran geiht un in’n Noordoosten an de Bundsstraat 437.
De nächste Autobahn is de Autobahn 27. De Opfohrt 11 Stotel liggt so een Kilometer in’n Noordoosten von Holt.
De nächste Bahnhoff is so bi acht Kilometer wied weg in’n Noordoosten de Bahnhoff Lox an de Bahnlien Bremen–Bremerhoben. Von 1911 bet 1964 harr de Oort ok en lüttjen Bahnhoff an de Nedderwerserbahn.
Scholen
[ännern | Bornkood ännern]Fröher harr de Oort en egen Volksschool. Vondaag gifft dat dor keen School mehr. De Kinner gaht na de Grundschool Stotel.
Footnoten
[ännern | Bornkood ännern]- ↑ http://www.denkmalprojekt.org/2008/loxstedt-stotel_wk1u2_ns.htm
- ↑ Sammlung der Gesetze, Verordnungen und Ausschreiben für das Königreich Hannover, vom Jahre 1838. Carl Friedrich Kius Witwe, Hannover 1838, Sied 223
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 111: https://books.google.de/books?id=jN5QAAAAcAAJ&pg=RA1-PA111
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 102: http://books.google.de/books?id=Q 5OAAAAcAAJ&pg=PA102
- ↑ C. H. Jansen: Statistisches Handbuch des Königreichs Hannover. 1824, Sied 292: http://books.google.de/books?id=tG0AAAAAcAAJ&pg=PA292
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150: https://books.google.de/books?id=qTZDAQAAMAAJ&pg=RA2-PA150
- ↑ http://www.gemeindeverzeichnis.de/gem1900/gem1900.htm?hannover/geestemuende.htm
- ↑ a b c http://www.verwaltungsgeschichte.de/wesermuende.html
