Swegen

Vun Wikipedia
Wapen/Flagg Koort

Wapen vun Swegen

Swegen
Laag vun Swegen in Düütschland
Basisdaten
Bundsland: Neddersassen
Landkreis: Cuxhoben
Gemeen: Lox
Flach: 1,86 km²
Inwahners: 223 (2010-12-3131. Dezember 2010)
Inwahnerdicht: 119,9 Inwahners pro km²
Postleettall: 27612
Vörwahl: 04744
Geograafsche Laag:
Koordinaten:53° 24′ N, 8° 36′ O
53° 24′ N, 8° 36′ O
WerserWerserWerserDeesdorpEidewardenWiemsdörpMaihusenOverwarfÜterlannDonnernBexhövLoxStinst (Gemeen Lox)Düring (Landkreis Cuxhoben)HetthornNess (Landkreis Cuxhoben)LanhusenFleest (Landkreis Cuxhoben)Holt (Gemeen Lox)HahnenknoopBüttel (Landkreis Cuxhoben)NeenlannSwegenSwegen-LangendammsmoorSwegenStotelNeenlannSwegenLuunplaatLandwördenLandwördenLandwördenLandwördenLuunLuunWulsdörpFischereehaven (Bremerhoben)BremerhobenLandwördenGackauDreptDreptGemeen Hagen (Landkreis Cuxhoben)Gemeen Hagen (Landkreis Cuxhoben)Gemeen Hagen (Landkreis Cuxhoben)Gemeen BeverstGemeen BeverstGemeen SchippdörpNordenhamStadlandGemeen BeverstGemeen BeverstGemeen Schippdörp
Laag von Swegen in de Gemeen Lox (Koort lett sik anklicken)

Karte

Swegen (hoochdüütsch Schwegen) is en Dörp in de Gemeen Lox in’n Landkreis Cuxhoben, Neddersassen.

Geografie[ännern | Bornkood ännern]

Swegen liggt as Stratendörp an’n Rand von Masch un Geest, dicht bi de Luun. In’n Noorden doot de Naturschuulrebeden Stoteler Moor, Plackenmoor un Königsmoor liggen.

De Naveröörd sünd Stotel in’n Noorden, Stotelermoor un Hahnenknoop in’n Noordoosten, Wittst, Neenlannermoor un Langendammsmoor in’n Oosten, Driftseth in’n Süden, Rechtenfleth in’n Süüdwesten un Neenlann, Büttel un Holt in’n Noordwesten.

Historie[ännern | Bornkood ännern]

In Swegen is en Sweert ut de Tied von dat 13. oder 14. Johrhunnert funnen worrn, dat villicht ut de Slacht von’n 26. Juni 1233 twüschen de Lüüd von Oosterstood un den Bremer Arzbischop Gerhard II. stammt. Dat Sweert liggt nu in’t Focke-Museum in Bremen.

Swegen hett vör 1885 to dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn un 1977 von’n Landkreis Cuxhoben worrn.

1968 is de Gemeen Swegen Deel von de Gemeen Stotel worrn. An’n 1. März 1974 is Stotel mit de Gemeenreform in Neddersassen sülvs denn Deel von de Gemeen Lox worrn. Sietdem billt Swegen en Oortschop binnen de Gemeen Lox mit egen Oortsvörsteiher. To disse Oortschop höört blangen Swegen sülvs ok en Deel von de ole Gemeen Stotel un de Oort Langendammsmoor.

In’n Tweten Weltkrieg sünd dree Soldaten ut Swegen fullen oder vermisst[1].

Inwahnertall[ännern | Bornkood ännern]

Johr Inwahners
1824-00-001824[2] 4 Füürsteden
1848-00-001848[3] 59 Lüüd, 7 Hüüs
1910-12-011. Dezember 1910[4] 47
1925-00-001925[5] 42
1933-00-001933[5] 39
1939-00-001939[5] 40
2012-02-2929. Februar 2012[6] 223*
* nu tohoop mit Langendammsmoor un en Deel von de ole Gemeen Stotel

Religion[ännern | Bornkood ännern]

Swegen is evangeelsch-luthersch präägt un höört to dat Kaspel von de Marienkark in Büttel. Ganz fröher hett de Oort to de Jacobi-Kark in Braamst tohöört. In de Tied üm 1500 rüm is denn de Marienkark in Büttel boot worrn, wat aver toeerst blots en Kapell weer. In de eersten 200 Johr sünd de Swegeners in Büttel na Kark gahn, aver in Braamst ünner de Eer kamen. Eerst in de Midd von dat 19. Johrhunnert hett Swegen denn ganz to de Karkengemeen Büttel höört. Siet 1932 is de Karkengemeen Büttel in Personalunion mit de Margarethen-Kark in Stotel verbunnen.

Wapen[ännern | Bornkood ännern]

Dat Wapen von Swegen wiest vörn op roden Grund en gollen Krummstaff un achtern op sülvern Grund en Multbeer mit gröne Bläder un rode Frucht.

De Krummstaff steiht för den Verkoop von Swegen dör Gerbert von Stotel 1248 an den Bremer Arzbischop Gerhard II. De Multbeer, de ans in Düütschland man roor is, kummt in Swegen as Reliktform vör.

Oortsvörsteihers[ännern | Bornkood ännern]

  • 1974-: Ernst-Aubert Danne
  • 2004-: Kuno Kück

Kultur[ännern | Bornkood ännern]

Verenen[ännern | Bornkood ännern]

De Freewillige Füürwehr Swegen is 1933 grünnt worrn. In’n Schützensport maakt de Swegener vör allen bi’n Schützenvereen Neenlannermoor von 1926 mit un as Sportvereen gifft dat den TSV Langendammsmoor von 1925.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Swegen liggt an de Kreisstraat 54, de in’n Oosten över Langendammsmoor na Hahnenknoop un an de Landsstraat 135 ran löppt un in’n Noordwesten na Büttel un dor denn as K 50 wieder na de Bundsstraat 437, de dör den Wersertunnel löppt. Ans gifft dat lüttjere Straten na Neenlann un över Braamstermoor na Braamst.

Dwars dör Swegen löppt de Autobahn 27. De Oort hett aver keen egen Opfohrt, de nächste is de Opfohrt 11 Stotel, de von Swegen so bi dree Kilometer af is.

De nächste Bahnhoff is de Bahnhoff Luunst an de Bahnlien Bremen-Cuxhoben.

Scholen[ännern | Bornkood ännern]

De ole Volksschool von Swegen hett 1967 dichtmaakt. Na Grundschool gaht de Kinner vondaag na Stotel un för de annern Schoolformen na Lox.

De öllste Nawies för Schoolünnerricht in Swegen is von 1839, as de Kinner in Neenlannermoor in dat Huus von Carl Bohle Ünnerricht kregen hebbt. 1849 is en Schoolhuus boot worrn.

Literatur[ännern | Bornkood ännern]

  • Elke Hamann: Kennt ji dat Dörp Schwegen? Chronik aus fünf ehemaligen Moorkolonien: Schwegen, Reepen, Neuenlandermoor, Langendammsmoor und Bramstedtermoor. Dörpgemeenschop Swegen, 2004

Footnoten[ännern | Bornkood ännern]

  1. http://www.denkmalprojekt.org/2011/loxstedt-schwegen_eg_wk2_ns.htm
  2. C. H. Jansen: Statistisches Handbuch des Königreichs Hannover. 1824, Sied 552: http://books.google.de/books?id=tG0AAAAAcAAJ&pg=PA552
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
  4. http://www.gemeindeverzeichnis.de/gem1900/gem1900.htm?hannover/geestemuende.htm
  5. a b c http://www.verwaltungsgeschichte.de/wesermuende.html
  6. http://www.schiffdorf.de/staticsite/staticsite.php?menuid=3&topmenu=90

Weblenken[ännern | Bornkood ännern]

Swegen. Mehr Biller, Videos oder Audiodateien to’t Thema gifft dat bi Wikimedia Commons.