Lanhusen
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 3,81 km² | |
| Inwahners: | 244 (31. August 2010) | |
| Inwahnerdicht: | 64 Inwahners pro km² | |
| Hööchd: | 2 m över NN | |
| Postleettall: | 27612 | |
| Vörwahl: | 04744 | |
| Geograafsche Laag: | Koordinaten:53° 29′ N, 8° 36′ O53° 29′ N, 8° 36′ O | |
 | ||
|
| ||
Lanhusen (hoochdüütsch Lanhausen) is en Dörp un Oortschop in de Gemeen Lox in’n Landkreis Cuxhoben, Neddersassen. Bi de Oortschop Lanhusen höört ok de Oort Well mit bi.
Geografie
[ännern | Bornkood ännern]Lanhusen liggt in de Masch dicht bi de Münn op dat linke Över von de Ole Luun in de Ole Werser. De Ole Werser weer en Siedenarm von de Werser, de dör de Luunplaat von’n Hauptstroom aftrennt weer. Op dat rechte Över münnt de Rohr in de Luun.
De Naveröörd sünd de Bremerhobener Stadtdeel Wulsdörp in’n Noorden, Hogeworth un Siedeworth in’n Noordoosten, Well, Lox un Ness in’n Süüdoosten, Stotel in’n Süden un Fleest, Üterlann un Jührde in’n Süüdwesten.
Historie
[ännern | Bornkood ännern]Lanhusen keem 1110 as Lunenti toeerst in de Oorkunnen vör. De öllste Deel von’n Oort sünd de Hüüs an de Luun. Op’n Kiel, op den vondaag de gröttste Deel von de Hüüs steiht, sünd de eersten Hüüs eerst in de Tied üm 1900 boot worrn.
In’n Tweten Weltkrieg sünd 21 Soldaten ut Lanhusen fullen oder vermisst.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Stotel in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett bet 1779 to dat Amt Stotel tohöört un denn bet 1831 to dat Amt Stotel-Vieland. Von 1831 bet 1885 hett dat in de Amtsvaagdie Stotel von dat Amt Leh legen. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
1929 is Well Deel von de Gemeen Lanhusen worrn. De Gemeen Lanhusen weer von 1971 bet 1974 Liddmaat von de Samtgemeen Lox un is an’n 1. März 1974 mit de Gemeenreform in Neddersassen denn Deel von de Gemeen Lox worrn. Dat billt nu en Oortschop mi egen Oortsvörsteiher.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 13 Füürsteden |
| 1812[3] | 50 |
| 1824[4] | 13 Füürsteden |
| 1848[5] | 60 Lüüd, 8 Hüüs |
| 1. Dezember 1871[6] | 70 Lüüd, 10 Hüüs |
| 1. Dezember 1910[7] | 98 |
| 1925[8] | 119 |
| 1933[8] | 143 |
| 1939[8] | 186 |
Religion
[ännern | Bornkood ännern]Lanhusen is evangeelsch-luthersch präägt un höört to dat Kaspel von de Margarethen-Kark in Stotel.
Wapen
[ännern | Bornkood ännern]Dat Wapen von Lanhusen wiest op grönen Grund övern en sülvern Wellen-Schildfoot en sülvern Peerd. Vörn ünner dat Peerd is en gollen Kleverbladd to sehn.
Oortsvörsteihers
[ännern | Bornkood ännern]- –2011: Inge Ankermann
- 2011–: Peter Booken
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Lanhusen an de Hauptstraat.
Weertschop un Infrastruktur
[ännern | Bornkood ännern]Lanhusen harr fröher en egene freewillige Füürwehr, de aver oplööst worrn is.
Verkehr
[ännern | Bornkood ännern]Dör Lanhusen löppt de Landsstraat 121, de in’n Süüdwesten na Deesdörp geiht un in’n Noordoosten an de Bundsstraat 6, de na Bremerhoben föhrt.
De nächste Autobahn is de Autobahn 27 (Afsnidd Bremen–Bremerhoben). De Opfohrt 10 Bremerhoben-Süüd liggt so dree Kilometer in’n Süden von Lanhusen un de Opfohrt 9 Wulsdörp dree Kilometer in’n Noordoosten.
De nächste Bahnhoff is so bi veer Kilometer wied weg in’n Noordoosten de Bahnhoff Wulsdörp an de Bahnlien Bremen–Bremerhoben.
Von August 1911 bet 1931 harr de Oort en Bahnhoff an de Nedderwerserbahn.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/loxstedt-lanhausen_wk2_ns.htm
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 137: https://books.google.de/books?id=jN5QAAAAcAAJ&pg=RA1-PA137
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 102: http://books.google.de/books?id=Q 5OAAAAcAAJ&pg=PA102
- ↑ C. H. Jansen: Statistisches Handbuch des Königreichs Hannover. 1824, Sied 35: http://books.google.de/books?id=tG0AAAAAcAAJ&pg=PA35
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 152: https://books.google.de/books?id=qTZDAQAAMAAJ&pg=RA2-PA152
- ↑ http://www.gemeindeverzeichnis.de/gem1900/gem1900.htm?hannover/geestemuende.htm
- ↑ a b c http://www.verwaltungsgeschichte.de/wesermuende.html
