Dünenfähr

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Dünenfähr
Laag vun Dünenfähr in Düütschland
Basisdaten
Bundsland: Neddersassen
Landkreis: Cuxhoben
Gemeen: Lox
Inwahners:
Postleettall: 27612
Vörwahl: 04703, 04744
Geograafsche Laag:
Koordinaten:53° 29′ N, 8° 40′ O
53° 29′ N, 8° 40′ O

Dünenfähr (hoochdüütsch Dünenfähr) is en Oort in de Gemeen Lox in’n Landkreis Cuxhoben, Neddersassen. De Gebüüd von Dünenfähr hebbt al siet langen deelwies to Nückel un deelwies to Lox höört.

Geografie[ännern | Bornkood ännern]

De Oort liggt op’n Rand von de Geest hen na dat Moor. Dat Water ut dat Rebeed flütt över den Lox-Düringer Moorkanaal na de Luun hen af.

De Naveröörd sünd Nückel in’n Noorden, Bexhöv in’n Noordoosten, Stinst in’n Süüdoosten, Friedrich-Willemsdörp un Düring in’n Süden, Lox in’n Süüdwesten un Hogeworth in’n Noordwesten.

Historie[ännern | Bornkood ännern]

To de öllsten Funnen ut Dünenfähr höört en poor Hünengräver un en Urnenfeld.

Dünenfähr bestünn fröher ut twee Hüüs, von dat een to Lox tellt worrn is un een to Nückel. In dat 20. Johrhunnert sünd an de Straat twüschen Lox un Bexhöv en Reeg ne’e Hüüs boot worrn, dör de de Inwahnertall stark wussen is.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Bexhöv in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to’n Bezirk von dat Borggericht Oolluunbarg in de Huusvaagdie Oolluunbarg von dat Gericht Beverst tohöört, von 1851 bet 1859 to dat Amt Beverst un von 1859 bet 1885 to dat Amt Leh. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

Nückel is 1929 an de Gemeen Bexhöv kamen. De Gemenen Bexhöv un Lox weren von 1971 bet 1974 Maat von de Samtgemeen Lox un sünd an’n 1. März 1974 mit de Gemeenreform in Neddersassen Deel von de ne’e un gröttere Gemeen Lox worrn. Vondaag is de Oort Dünenfähr dormit opdeelt twüschen de polietschen Oortschoppen Lox un Bexhöv.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 8
1824-00-001824[3] 2 Füürsteden
1848-00-001848[4] 7 Lüüd. 2 Hüüs
1885-12-011. Dezember 1885[5] 8 Lüüd. 1 Huus*
* blots de Deel, de to Nückel höört

Religion[ännern | Bornkood ännern]

Dünenfähr is evangeelsch-luthersch präägt un höört to dat Kaspel von de Johannes-de-Döper-Kark in Bexhöv.

För de Kathoolschen is de Hillig-Hart-Jesu-Kark in Geestmünn tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Dünenfähr löppt de Landsstraat 143, de in’n Noordoosten över Bexhöv un Donnern na Sellst un Wehdel geiht un in’n Süüdwesten na Lox, Ness un Stotel un dor in de Bundsstraat 437 övergeiht. In Bexhöv warrt de L 143 von de B 71 krüüzt, de in’n Noordwesten na Wulsdörp un Bremerhoben geiht un in’n Süüdoosten över Stinst un Heerst na Beverst.

De nächste Autobahn is de Autobahn 27 (Afsnidd BremenBremerhoben). De Opfohrt 9 Wulsdörp liggt so fiev Kilometer in’n Noordwesten von Dünenfähr an de B 71.

De nächste Bahnhoff is so bi een Kilometer wied weg in’n Süüdwesten de Bahnhoff Lox an de Bahnlien Bremen–Bremerhoben.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 61
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 15
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164