Amt Beverst

Vun Wikipedia

Dat Amt Beverst weer en Verwaltungsrebeed in Bremen-Veern un in dat Königriek Hannover mit Seet in Beverst binnen de Landdrostie Stood.

Dat Leid över dat Amt harr en Amtmann.

Historie[ännern | Bornkood ännern]

Dat Amt Beverst is an’n 28. Februar 1851 ut dat Arvgericht Beverst un dat Borggericht Oolluunbarg nee billt worrn.[1]

Dat Amt Beverst hett bi de Verwaltungs- un Justizreform an’n 1. Oktober 1852 in dat Königriek Hannover dat Patrimonialgericht Öös mit de Öörd Öös (mit Good Öös), Nee-Öös, Kluust un Poggmöhlen an dat Amt Bremervöör afgeven. Mit Verordnung von’n 28. September 1852 hett Beverst Kluust denn aver doch wedderkregen un Beverstermöhlen un Frellsdorpermöhlen noch von dat Amt Bremervöör tokregen. Den Hoff Stubben müss dat Amt aver an dat Amt Hagen afgeven.[2]

As Gericht för dat Amt is to’n 1. Oktober 1852 dat Amtsgericht Beverst inricht worrn.

Dat Amt harr 7368 Inwahners in 1311 Hüüs.[3]

1859 bi de nächste Verwaltungsreform is dat Amt oplööst worrn. De Kaspels Karkwist un Kuhs (utbenahmen de Gemeen Giel mit Gielermöhlen un Gielermoor) sünd an dat Amt Bremervöör gahn, de Gemenen Steern, Paddewisch, Ollendörp, Giel, Gielermöhlen un Gielermoor an dat Amt Oosterholt un de Kaspels Lox, Bexhöv, Oolluunbarg un Beverst un de Gemeen Apeler an dat Amt Leh. Dat Amt Beverst hett also man acht Johr bestahn.

Amtlüüd[ännern | Bornkood ännern]

Footnoten[ännern | Bornkood ännern]

  1. Sammlung der Gesetze, Verordnungen und Ausschreiben für das Königreich Hannover vom Jahre 1851. Kius, Hannover 1851, Sied 29
  2. Hannoversche Gesetzgebung über Staats- und Gemeinde-Verwaltung. Helwing, Hannover 1852, Sied 80a
  3. Hof- und Staats-Handbuch für das Königreich Hannover auf das Jahr 1858. Sied 561