Amtsgericht Beverst
Dat Amtsgericht Beverst weer en Amtsgericht in dat Königriek Hannover. Dat harr sien Seet in Beverst.
Överornt Gerichten[ännern | Bornkood ännern]
Dat Amtsgericht Beverst weer dat Obergericht Leh överornt.
Geschicht[ännern | Bornkood ännern]
Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Beverst is dor denn blangen dat Amt Beverst nee schapen worrn. De Grenzen von Amt un Amtsgerichtsbezirk weren desülven.
Dat Amtsgericht Beverst is 1859 jüstso as dat Amt Beverst oplööst worrn. De Gemenen Steern, Paddewisch, Ollendörp, Giehl, Giehlermöhlen un Giehlermoor sünd Deel von’n Bezirk von dat Amtsgericht Oosterholt worrn, de Kaspels Lox, Bexhöv, Oolluunbarg un Beverst un de Gemeen Apeler Deel von’n Bezirk von dat Amtsgericht Leh un de Kaspels Karkwist un Kuhs (utbenahmen de Gemeen Giehl mit Giehlermöhlen un Giehlermoor) Deel von’n Bezirk von dat Amtsgericht Bremervöör (in’n Bezirk von dat Obergericht Stood).
Amtsrichters[ännern | Bornkood ännern]
- ~1853: Anselm Haber
- ~1856: Amtsgerichtsassesser Ludwig Wilhelm Friedrich Erck
