Karkwist

Vun Wikipedia
Zur Navigation springen Zur Suche springen
Wapen/Flagg Koort

Wapen vun Karkwist

Karkwist
Laag vun Karkwist in Düütschland
Basisdaten
Bundsland: Neddersassen
Landkreis: Cuxhoben
Gemeen: Beverst
Flach: 25,07 km²
Inwahners: 468 (2010-12-3131. Dezember 2010)
Inwahnerdicht: 18,7 Inwahners pro km²
Postleettall: 27616
Vörwahl: 04747
Geograafsche Laag:
Koordinaten:53° 25′ N, 8° 54′ O
53° 25′ N, 8° 54′ O
Wellen (Landkreis Cuxhoben)KarkwistBeverst (Oortschop)AppelnFrellsdorpHollen (Gemeen Beverst)Stubben (Landkreis Cuxhoben)HeerstLuunstBokel (Landkreis Cuxhoben)Wolljes
Laag von Karkwist in de Gemeen Beverst (Koort lett sik anklicken)

Karkwist (hoochdüütsch Kirchwistedt) is en Dörp un Oortschop in de Gemeen Beverst in’n Landkreis Cuxhoben, Neddersassen.

Geografie[ännern | Bornkood ännern]

Dicht an Karkwist flütt de Luun langs.

De Naveröörd sünd Appeln in’n Noorden, Horst un Volkmarst in’n Oosten, Ooldwist in’n Süüdoosten, Ah in’n Süden, Wellen in’n Süüdoosten, Stemmermöhlen, Taben un Beverst in’n Westen un Oosterndörp un Wolljes in’n Noordwesten.

Historie[ännern | Bornkood ännern]

Karkwist kummt 1340 as Wicstede toeerst in de Oorkunnen vör. De Naam kummt von Wik- (intüünt Platz) un -stede (Steed). Eerst later hebbt de twee Delen von’n Oort de Tosätz Kark- un Oold- kregen, üm de uteneen to hollen.

In de Franzosentied von 1810 bet 1814 hett de Oort to de Mairie Kuhs in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to dat Gericht Beverst tohöört un denn von 1851 bet 1859 to dat Amt Beverst. 1859 is de Oort un dat ganze Kaspel Karkwist an dat Amt Bremervöör wesselt. Na 1885 weer dat in’n Kreis Bremervöör. 1932 is dat Deel von’n ne’en, grötteren Kreis Bremervöör worrn un to’n 1. März 1974 in’n Landkreis Wersermünn wesselt, de denn 1977 in’n Landkreis Cuxhoben opgahn is.

De Öörd Horst un Stemmermöhlen sünd 1929 Deel von de Gemeen Karkwist worrn. 1939 sünd dor ok noch Ooldwist un Ah mit tokamen. Dat is aver to’n 1. Oktober 1949 wedder trüggännert worrn un Ooldwist un Ah sünd wedder egenstännig worrn.[1]

De Öörd Karkwist, Ooldwist un Ah sünd denn an’n 1. März 1974 wedder to een Gemeen Karkwist tohoopgahn. De Gemeen Karkwist weer Maat in de Samtgemeen Beverst. De Gemenen in de Samtgemeen hebbt sik an’n 1. November 2011 to de Eenheitsgemeen Beverst tohoopdaan. Binnen disse Gemeen billt Karkwist vondaag en Oortschop mit egen Oortsvörsteiher.

In’n Eersten Weltkrieg sünd 13 Soldaten ut Karkwist fullen oder vermisst un in’n Tweten Weltkrieg 18.[2]

Inwahnertall[ännern | Bornkood ännern]

Johr Inwahners
1793-00-00 1793[3] 22 Füürsteden
1812-00-00 1812[4] 138
1824-00-00 1824[5] 25 Füürsteden
1848-00-00 1848[6] 144 Lüüd. 24 Hüüs
1871-12-011. Dezember 1871[7] 152 Lüüd. 28 Hüüs
1910-12-011. Dezember 1910[8] 161
1925-00-00 1925[9] 160
1933-00-00 1933[9] 403
1939-00-00 1939[9] 475
1949-10-011. Oktober 1949[1] 514

Religion[ännern | Bornkood ännern]

Karkwist is evangeelsch-luthersch präägt un billt mit de Johannes-de-Döper-Kark en egen Kaspel.

För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.

De Oort hett en egen Karkhoff an de Linnenallee.

Wapen[ännern | Bornkood ännern]

Dat Wapen von Karkwist wiest op grönen Grund över en blauen Wellen-Schildfoot en swart Watermöhlenrad un dor över dree gollen Ohren.

De Schildfoot steiht för de Luun, dat Möhlenrad för Stemmermöhlen un de dree Ohren för de dree Öörd Ah, Ooldwist un Karkwist.

Börgermeesters[ännern | Bornkood ännern]

Börgermeesters:

Tied Börgermeester Partei
–31. Oktober 2011 Wilfried Windhorst CDU

Oortsvörsteihers:

Tied Oortsvörsteiher Partei
1. November 2011– Wilfried Windhorst CDU

Gemeenraad[ännern | Bornkood ännern]

Gemeenraad
Johr \ Partei Tall WG
2001 9 9
2006 9 9

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht an’n Karkhoff.

Verenen[ännern | Bornkood ännern]

Karkwist hett en egene freewillige Füürwehr. In’n Schüttensport doot de Karkwisters bi’n Schüttenvereen Stemmermöhlen un Ümgegend von 1952 mit.

Weertschop un Infrastruktur[ännern | Bornkood ännern]

Karkwist hett Filialen von de Werser-Elv-Spoorkass un de Volksbank Bremerhoben-Cuxland.

Verkehr[ännern | Bornkood ännern]

Dör Karkwist löppt de Bundsstraat 71, de in’n Noordoosten över Volkmarst, Basdaal un Barchel na Bremervöör geiht un in’n Noordwesten över Beverst un Bexhöv na Bremerhoben to. De Landsstraat 122 löppt in’n Süüdoosten över Ooldwist na Kuhs an de Bundsstraat 74 ran. In’n Noorden geiht en Straat na Appeln, in’n Süden na Ah un in’n Süüdwesten na Wellen.

De nächste Autobahn is de Autobahn 27. De Opfohrt 9 Wulsdörp liggt so 20 Kilometer in’n Noordwesten von Karkwist.

De nächste Bahnhoff is so bi teihn Kilometer wied weg in’n Westen in Stubben an de Bahnlien Bremen–Bremerhoben.

Footnoten[ännern | Bornkood ännern]

  1. 1,0 1,1 Neues Archiv für Niedersachsen. Band 3, W. Dorn, 1949, Sied 871
  2. http://www.denkmalprojekt.org/2008/kirchwistedt_wk1u2_ns.htm
  3. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 127: https://books.google.de/books?id=jN5QAAAAcAAJ&pg=RA1-PA127
  4. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 103: http://books.google.de/books?id=Q 5OAAAAcAAJ&pg=PA103
  5. C. H. Jansen: Statistisches Handbuch des Königreichs Hannover. 1824, Sied 332: http://books.google.de/books?id=tG0AAAAAcAAJ&pg=PA332
  6. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 148: http://books.google.de/books?id=eOI-AAAAcAAJ&pg=PA148
  7. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146: https://books.google.de/books?id=qTZDAQAAMAAJ&pg=RA2-PA146
  8. http://www.gemeindeverzeichnis.de/gem1900/gem1900.htm?hannover/bremervoerde.htm
  9. 9,0 9,1 9,2 http://www.verwaltungsgeschichte.de/bremervoerde.html

Weblenken[ännern | Bornkood ännern]

Commons-logo.svg Karkwist. Mehr Biller, Videos oder Audiodateien to’t Thema gifft dat bi Wikimedia Commons.