Volksbank Bremerhoben-Cuxland
De Volksbank Bremerhoben-Cuxland eG is en Volksbank mit Seet in Beverst. De Bank höört to’n Genossenschaftsverband un hett 19 Filialen in Bremerhoben un in en groten Deel von’n Landkreis Cuxhoben (de Samtgemeen Hambargen, Samtgemeen Land Hadeln, Samtgemeen Hemmoor un Stadt Cuxhoben utnahmen). Den Vörstand billt Michael Schoer un Diedrich von Soosten, de Vörsitter von’n Opsichtsraad is Klaus Wirth.
De BLZ is 292 657 47 un de BIC GENO DEF1 BEV. De Bilanzsumm weer an’n 31. Dezember 2012 929 Millionen Euro, de Inlagen weren 651 Millionen Euro un de Kunnenkredite 561 Millionen Euro. De Gewinn 2012 weer 2,2 Millionen Euro. De Bank hett üm un bi 232 Mitarbeiders un 16.844 Maten (Stand 31. Dezember 2012).
Blangen Bremerhoben hett de Volksbank ok noch Filialen in Beers, Beverst, Bexhöv, Dorum, Geestmünn, Hagen, Köhlen, Langen, Leh, Lox, Luunst, Meyenborg, Noordholt, Schippdörp, Speckenbüttel, Stotel, Wehdel, Wremen un Wulsdörp.
De Filialen in Bramel, Grotenhain, Kührst un Lintig hebbt 2013 dichtmaakt un de in Appeln, Geestenseth un Saans 2015.[1] To’n 1. Januar 2016 hebbt ok de Filialen in Elm, Flögeln, Holsseln un Sells dichtmaakt.[2]
De Filialen in Bokel, Braamst, Deesdörp, Drangst, Frellsdorp, Karkwist, Millm, Ringst, Sievern, Steenau un Uthleer sünd to’n 1. Januar 2019 dichtmaakt worrn.[3]
Historie
[ännern | Bornkood ännern]De Volksbank Uthleer is 1991 in de Volksbank Wersermünn-Süüd opgahn.
De Volksbank Schippdörp-Wehdel is 1995 in de Volksbank Beers-Schippdörp opgahn.
2002 hett sik ut de Volksbanken Wersermünn-Süüd un Beers-Schippdörp de Volksbank in’n Landkreis Cuxhoben billt.
De Volksbank Bremerhoben-Wersermünn un de Volksbank in’n Landkreis Cuxhoben hebbt sik 2007 to de Volksbank Bremerhoben-Cuxland tohoopdaan.
Footnoten
[ännern | Bornkood ännern]- ↑ Geschäftsstellen vor dem Aus, Zevener Zeitung an’n 10. Oktober 2014
- ↑ Jens Gehrke: Neues Leben in alten Sparkassen in Sandstedt und Wulsbüttel, nord24.de an’n 4. Februar 2016
- ↑ Volksbank schließt Filiale in Steinau. Elf von 30 Geschäftsstellen werden zum 1. Januar dichtgemacht / Bürgermeister Hans-Jürgen Mangels ist schwer enttäuscht. Niederelbe-Zeitung an’n 19. Oktober 2018, Sied 9
Weblenken
[ännern | Bornkood ännern]- Websteed von de Volksbank (hoochdüütsch)