Schippdörp

Vun Wikipedia
Zur Navigation springen Zur Suche springen
Wapen/Flagg Koort

Wapen vun Schippdörp

Schippdörp
Laag vun Schippdörp in Düütschland
Basisdaten
Bundsland: Neddersassen
Landkreis: Cuxhoben
Gemeen: Schippdörp
Inwahners:
Postleettall: 27619
Vörwahl: 04706
Geograafsche Laag:
Koordinaten:53° 32′ N, 8° 39′ O
53° 32′ N, 8° 39′ O
SchippdörpSellstWehdelOolluunbargGeestensethBramelLavenWehdenSpadenGemeen LoxGemeen GeestlandGemeen BeverstGemeen GeestlandBremerhobenBremerhoben
Laag von Schippdörp in de Gemeen Schippdörp (Koort lett sik anklicken)
Kark in Schippdörp
Schippdörper Windmöhl
Stauslüüs an de Geest twüschen Schippdörp un Spaden

Schippdörp (hoochdüütsch Schiffdorf) is en Dörp un Oortschop in de Gemeen Schippdörp in’n Landkreis Cuxhoben, Neddersassen.

Geografie[ännern | Bornkood ännern]

De Geest flütt üm un bi twee Kilometer in’n Noorden von Schippdörp langs. Twee Kilometer in’n Süden flütt de Rohr.

De Naveröörd sünd Laven un Bramel in’n Noordoosten, Sellst in’n Süüdoosten, Apeler in’n Süden, Suurheid in’n Süüdwesten, Schippdörperdamm in’n Westen, Leh in’n Noordwesten un Spaden in’n Noorden. Suurheid, Schippdörperdamm un Leh sünd Stadtdelen von Bremerhoben.

Historie[ännern | Bornkood ännern]

Schippdörp kummt 1139 as Schipthorpe toeerst in de Oorkunnen vör.

In’n Eersten Weltkrieg sünd 64 Soldaten ut Schippdörp (tohoop mit Schippdörperdamm) fullen oder vermisst un in’n Tweten Weltkrieg 101 (ahn Schippdörperdamm).[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Wulsdörp in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1779 to dat Amt Vieland tohöört, von 1779 bet 1831 to dat Amt Stotel-Vieland un denn bet 1885 to de Amtsvaagdie Geestendörp von dat Amt Leh. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

1927 hett de Oort den Schippdörperdamm, de vörher to dat Dörp tohöört hett, an de Stadt Wersermünn afgeven un dorbi üm un bi de Hälft von de Inwahners verloren. 1929 is de lütte Oort Apeler Deel von de Gemeen Schippdörp worrn.

An’n 1. Januar 1971 is dat Dörp Deel von de Samtgemeen Geestoort worrn. De Oort is an’n 1. März 1974 bi de Gemeenreform in Neddersassen mit de Öörd Bramel, Laven, Wehden, Sellst, Wehdel, Spaden un Geestenseth tohoopslaten worrn un hett denn de ne’e, gröttere Eenheitsgemeen Schippdörp billt. De Samtgemeen is dorbi oplööst worrn. Vondaag billt de ole Oort de Oortschop Schippdörp mit egen Oortsraad un Oortsbörgermeester binnen de Gemeen.

Inwahnertall[ännern | Bornkood ännern]

Johr Inwahners
1791-00-00 1791[2] 98 Füürsteden
1812-00-00 1812[3] 418
1824-00-00 1824[4] 85 Füürsteden
1848-00-00 1848[5] 579 Lüüd. 105 Hüüs
1871-12-011. Dezember 1871[6] 776 Lüüd. 136 Hüüs
1910-12-011. Dezember 1910[7] 1.636
1925-00-00 1925[8] 1.862
1933-00-00 1933[8] 947
1939-00-00 1939[8] 1.040

Religion[ännern | Bornkood ännern]

Schippdörp is evangeelsch-luthersch präägt un billt mit de Martinskark en egen Kaspel.

Schippdörp hett en egen Karkhoff.

Oortsbörgermeesters[ännern | Bornkood ännern]

  • 1996–2000: Birgit-Regina Ricken (CDU)
  • opstunns: Peter Bässmann

Wapen[ännern | Bornkood ännern]

Wapensteen in Schippdörp

Dat Wapen von Schippdörp wiest op blauen Grund un över en Schildfoot von sülvern Wellenlienen en gollen Schipp mit sülvern Seils. Op de beiden Sieden sünd gollen Ohren mit ölven Köörn to sehn.

Dat Schipp (en Kogg) steiht as Symbool för den Naam von’n Oort.

Kultur[ännern | Bornkood ännern]

Denkmaals för de Fullenen ut de twee Weltkrieg’ staht bi de Kark.

Verenen[ännern | Bornkood ännern]

Schippdörp hett en egene freewillige Füürwehr, de an’n 2. Januar 1897 grünnt worrn is, un en Schüttenvereen.

Weertschop un Infrastruktur[ännern | Bornkood ännern]

Schippdörp gellt na dat Regionale Ruumordnungsprogramm as Grundzentrum för de Öörd in de Ümgegend.

In’n Süden von’n Oort steiht de 163 Meter hoge Funktoorn Schippdörp.

Von 1971 bet 1994 weer Schippdörp Standoort von de Bundswehr. De 4. Batterie von de Floogafwehrraketengrupp 36 leeg in en Kasern in’n Oosten von Schippdörp. In de Gebüüd in de Heinrich-Mahler-Straat is vondaag en privat bedreven Seniorenzentrum ünnerbrocht.

De Werser-Elv-Spoorkass un de Volksbank Bremerhoben-Cuxland hebbt Filialen in Schippdörp.

Verkehr[ännern | Bornkood ännern]

Dör Schippdörp löppt de Kreisstraat 58, de in’n Westen na Bremerhoben geiht un in’n Süüdoosten na Sellst an de Landsstraat 143 ran. In’n Noordoosten geiht de K 60 na Bramel, Elm un Drangst.

De nächste Autobahn is de Autobahn 27. De Opfohrt 8 Geestmünn liggt so dree Kilometer in’n Westen von Schippdörp.

De nächste Bahnhoff is so bi veer Kilometer wied weg in’n Westen de Hauptbahnhoff Bremerhoben (Bahnlienen Bremen–Cuxhoben un Bremerhoben–Buxthu).

Scholen[ännern | Bornkood ännern]

In Schippdörp bestaht de Grundschool an de Möhl un de Oberschool Schippdörp. De Beroopschool in Schippdörp driggt den Naam Max-Eyth-School.

De Kita in Schippdörp warrt von de evangeelsche Gemeen von de Martinskark bedreven. De Regenbagen-Kita mit 115 Plätz an de Brameler Straat 28 is in de Nacht von’n 4. op’n 5. November 2017 afbrennt.

Lüüd[ännern | Bornkood ännern]

De Politiker Karl Curdt is 1885 in Schippdörp boren un de plattdüütsche Schriever Karl Leifermann 1926.

Literatur[ännern | Bornkood ännern]

  • 850 Jahre Schiffdorf - Geschichten und Geschichte eines Dorfes 1139 - 1989. Ditzen, Bremerhoben 1989

Footnoten[ännern | Bornkood ännern]

  1. http://www.denkmalprojekt.org/2009/schiffdorf_wk1u2_ns.htm
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 202
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 538
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 152
  7. Inwahnertallen op gemeindeverzeichnis.de
  8. 8,0 8,1 8,2 Inwahnertallen op verwaltungsgeschichte.de