Werser-Elv-Spoorkass

Vun Wikipedia
Zur Navigation springen Zur Suche springen
Hauptsitt in Bremerhoben
De Filiaal in Warstood (Hemmoor) 2014
De Filiaal in Neenkarken (2009)
De Filiaal in Loomst (2011)

De Werser-Elv-Spoorkass is en Spoorkass mit Seet in Bremerhoben. De Bank höört to de Spoorkassen-Finanzgrupp un hett 53 Filialen in’n Landkreis Cuxhoben un in de Stadt Bremerhoben. De Vörsitter von’n Vörstand is Götz Pätzold, de Vörsitter von’n Verwaltungssraad is Melf Grantz. Dreger von de Anstalt des öffentlichen Rechts sünd de Landkreis Cuxhoben un de Spoorkassenstiftung Bremerhoben. Rechtsgrundlaag sünd dat Neddersassische Spoorkassengesett un dat Breemsche Spoorkassengesett.

De BLZ is 292 500 00 un de BIC BRLA DE21 BRS. De Bilanzsumm schall so bi veer Milliarden Euro liggen. De Bank hett üm un bi 1000 Mitarbeiders un 500.000 Konten.

Blangen 15 Filialen in Bremerhoben hett de Spoorkass ok noch Filialen in Beers, Beverst, Bexhöv, Bokel, Bülkau, Debst, Dobrook, Dorum, Geestenseth, Hagen, Heckthusen, Helmworth, Hemmoor (2), Karkwist, Kumbarg, Loomst, Lox, Luunst, Millm, Neehuus, Neenkarken, Niewohl, Noordholt, Öberndörp, Oosten, Oosterwannen, Oterndörp (2), Sandst, Schippdörp, Sellst, Spiek, Stotel, Wremen un Wulsbüttel.

Historie[ännern | Bornkood ännern]

De Spoorkass Bremerhoben un de Kreisspoorkass Wersermünn-Hadeln hebbt sik in’n Oktober 2014 mit Wirkung trügg to’n 1. Januar 2014 dör Fusion tohoopslaten. Dorto hebbt de Länner Bremen un Neddersassen en Staatsverdrag slaten, üm de Fusion to regeln.

Kreisspoorkass Wersermünn-Hadeln[ännern | Bornkood ännern]

De Kreisspoorkass Wersermünn-Hadeln is 1979 grünnt worrn, as de Kreisspoorkass Land Hadeln un de Kreisspoorkass Wersermünn tohoopgahn sünd. Dat weer twee Johr nadem sik mit de Kommunalreform in Neddersassen de Landkreis Cuxhoben billt hett. De Seet weer in Bremerhoben. Se hett bet 2014 bestahn.

Kreisspoorkass Land Hadeln[ännern | Bornkood ännern]

De Kreisspoorkass Land Hadeln is an’n 1. April 1934 grünnt worrn, twee Johr nadem sik de Kreis Land Hadeln billt hett.[1] Alltohoop 17 lüttjere Spoorkassen (ünner annern de Spoorkass Loomst) sünd dor in tohoopfaat worrn.[1] Bestahn hett se bet 1979 as se dör Fusion mit de Kreisspoorkass Wersermünn to de Kreisspoorkass Wersermünn-Hadeln tohoopgahn is.[1]

Spoorkass Loomst[ännern | Bornkood ännern]

De eerste Versöök in Loomst en Spoorkass to grünnen, weer 1872.[1] Dat hett denn aver nich klappt.[1] 1877 hett de Gemeenvörsteiher Kemna en ne’en Andrag stellt, dor en Spoorkass to grünnen, wat de Ämter nich ünnerstütt hebbt.[1] 1887 is denn aver würklich en Spoorkass grünnt worrn.[1] Von 1887 bet 1927 weer se in dat Huus von’n Gastweert Jordan ünnerbrocht.[1] Na disse Tied weer de Spoorkass in dat Gebüüd an de Krüzung von Bundsstraat 495 un Landsstraat 116.[1]

1934 is de Bank in de Spoorkass von’n Kreis Land Hadeln opgahn.[1]

Vörstandsvörsitters[ännern | Bornkood ännern]

  • 2014-: Götz Pätzold

Footnoten[ännern | Bornkood ännern]

  1. 1,0 1,1 1,2 1,3 1,4 1,5 1,6 1,7 1,8 1,9 Drei-Säulen-Struktur. Mit gleich drei Geldinstituten ist die Börde Lamstedt bestens aufgestellt, Niederelbe-Zeitung: 50 Jahre Samtgemeinde Lamstedt an’n 23. Februar 2013

Weblenken[ännern | Bornkood ännern]

Commons-logo.svg Werser-Elv-Spoorkass. Mehr Biller, Videos oder Audiodateien to’t Thema gifft dat bi Wikimedia Commons.