Oosterwannen

Vun Wikipedia
Zur Navigation springen Zur Suche springen
Wapen/Flagg Koort

Wapen vun Oosterwannen

Oosterwannen
Laag vun Oosterwannen in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Wannen
Inwahners:
Hööchd: 5 m över NN
Postleettall: 21776
Vörwahl: 04757
Geograafsche Laag:
Koordinaten:53° 44′ N, 8° 49′ O
53° 44′ N, 8° 49′ O

Oosterwannen (hoochdüütsch Osterwanna) is en Dörp in de Gemeen Wannen (Samtgemeen Land Hadeln) in’n Landkreis Cuxhoben, Neddersassen.

Geografie[ännern | Bornkood ännern]

Oosterwannen liggt an de Süüdwestkant von en Geestinsel in de Masch un dat Moor von Land Hadeln. De höögste Punkt von disse Geestinsel liggt op 10 Meter över NN. En poor hunnert Meter in’n Süden von Oosterwannen flütt de Emmelk langs. Dat Naturschuulrebeed Aßbütteler Moor liggt in’n Noordwesten von’n Oort.

De Naveröörd sünd Heernkoop in’n Noorden, Kampen un de Lee in’n Noordoosten, de Wetternweg un Helmworth in’n Oosten, Westerenn un Middeldeel von Helmworth in’n Süüdoosten, Suurlee un Ahlen-Falkenbarg in’n Süden, Westerwannen in’n Westen un Seehusen un Füürsteed in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall[ännern | Bornkood ännern]

Johr Inwahners
1848-00-001848[1] 595 Lüüd. 116 Hüüs*
1871-12-011. Dezember 1871[2] 572 Lüüd. 121 Hüüs
* tohoop mit Oosterwanner Kampen

Religion[ännern | Bornkood ännern]

Oosterwannen is evangeelsch-luthersch präägt un höört to dat Kaspel von de Georg-Kark, de in Westerwannen steiht.

För de Kathoolschen is de Hillig-Krüüz-Kark in Oterndörp tostännig.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Oosterwannen is 1910 grünnt worrn.

Weertschop un Infrastruktur[ännern | Bornkood ännern]

De Freewillige Füürwehr tohoop mit Westerwannen is 1929 grünnt worrn.

Verkehr[ännern | Bornkood ännern]

Oosterwannen liggt an de Landsstraat 118, de in’n Noordoosten över Kampen un Neenkarken na Oterndörp an de Bundsstraat 73 ran löppt un in’n Süüdwesten över Westerwannen, Krümpel, Niewohl un Debst na Bremerhoben. In’n Oosten löppt de Wetternweg na Helmworth un in’n Süden de Vörderstraat na de Kreisstraat 5 bi Suurlee.

De nächste Bahnhoff is de Bahnhoff Oterndörp an de Nedderelvbahn, de so teihn Kilometer in’n Noordoosten liggt. De nächste Opfohrt op de Autobahn is de Opfohrt 3 Noordholt op de Autobahn 27 (Afsnidd CuxhobenBremerhoben), de so teihn Kilometer in’n Westen liggt.

Footnoten[ännern | Bornkood ännern]

  1. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 157
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150