Seehusen (Hadeln)

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Cuxhoben
Inwahners:
Postleettall:	27478
Vörwahl:	04724
Geograafsche Laag:	53° 46′ N, 8° 45′ O

Seehusen (hoochdüütsch Seehausen) is en Oort in de Gemeen Cuxhoben in’n Landkreis Cuxhoben, Neddersassen. Binnen de Gemeen höört Seehusen to de polietsche Oortschop Worth.

Geografie

De Oort liggt in dat Siedland von Hadeln. Dat Water ut dat Rebeed warrt över’n Olenbroker Kanaal afföhrt.

De Naveröörd sünd de Worth in’n Noorden, dat Westerenn von de Lee in’n Noordoosten, Heernskoop in’n Oosten, Oosterwannen un Westerwannen in’n Süüdoosten, Füürsteed in’n Süüdwesten un Köstersweg in’n Noordwesten.

Historie

Verwaltungsgeschicht

De Oort hett vör 1852 to dat Kaspelsgericht Worth in dat Land Hadeln tohöört un denn von 1852 bet 1886 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

De Oort höört al von öllers bi de Gemeen Worth mit bi, de an’n 1. Juli 1972 mit de Gemeenreform in Neddersassen Deel von de Gemeen Cuxhoben worrn is. Sietdem höört Seehusen binnen de Gemeen to de Oortschop Worth.

Inwahnertall

Johr	Inwahners
1871-12-011. Dezember 1871	83 Lüüd, 12 Hüüs
1885-12-011. Dezember 1885	79 Lüüd, 13 Hüüs
1905-12-011. Dezember 1905	50 Lüüd, 11 Hüüs

Religion

Seehusen is evangeelsch-luthersch präägt un höört to dat Kaspel von de Jacobi-Kark op de Worth.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Weertschop un Infrastruktur

För Seehusen is de freewillige Füürwehr Worth mit tostännig.

Verkehr

Seehusen liggt an en Siedenstraat von de Kreisstraat 5, de in’n Noorden na de Worth un na Olenbrook an de Bundsstraat 73 ran geiht un in’n Süüdoosten över Füürsteed na Westerwannen an de Landsstraat 118.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 3 Noordholt liggt so teihn Kilometer in’n Süüdwesten von Seehusen an de K 14.

De nächsten Bahnhööv sünd so bi 14 Kilometer wied weg in’n Westen de Bahnhoff Noordholt an de Bahnlien Bremerhoben–Cuxhoben un in’n Noordwesten de Bahnhoff Cuxhoben an de Bahnlien Bremerhoben–Cuxhoben un de Nedderelvbahn von Cuxhoben na Hamborg.

Scholen

De Kinner ut Seehusen gaht na de Grundschool Worth, de en Butensteed von de Grundschool Olenbrook is. De fröhere lüttje Volksschool in Seehusen is 1921/1922 boot worrn. Se is an’n 9. April 1959 oplööst worrn.