Köstersweg

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Köstersweg
Laag vun Köstersweg in Düütschland
Basisdaten
Bundsland: Neddersassen
Landkreis: Cuxhoben
Gemeen: Cuxhoben
Inwahners:
Postleettall: 27478
Vörwahl: 04724
Geograafsche Laag:
Koordinaten:53° 47′ N, 8° 42′ O
53° 47′ N, 8° 42′ O

Köstersweg is en Oort in de Gemeen Cuxhoben in’n Landkreis Cuxhoben, Neddersassen. Bi Köstersweg höört ok de Oort Lüderskoop bi.

Geografie[ännern | Bornkood ännern]

Köstersweg un Lüderskoop liggt all beid in de Masch.

De Naveröörd sünd dat Westerenn von de Worth in’n Noorden, de Worth sülvs in’n Noordoosten, dat Süderenn von de Worth un de Lee in’n Oosten, Füürsteed in’n Süüdoosten, Wanhöden in’n Süden, Wusterheid in’n Süüdwesten un Godendörp un Franzenborg in’n Noordwesten.

Historie[ännern | Bornkood ännern]

De Oort hett fröher Westermoor heten un to dat Wittenbartelsdeel von de Kaspelgemeen Worth höört. Nadem Johann Hinrich Köster den Westermoorweg hett utboon laten, hebbt se, üm Köster to ehren, den Oort 1919 den Naam Köstersweg geven.

Lüderskoop kummt 1307 as Luderscope toeerst in de Oorkunnen vör. Dat is een von de -koop-Öörd un en oold Wortendörp, dat dorüm wohrschienlich al grünnt worrn is, ehrdem de Masch indiekt worrn is.

Lüderskoop harr en egen Kapell Tom Hilligen Geist. Disse Kapell is aver na en Fehde twischen den Arzbischop von Bremen un de Hadlers un na de Reformation verloren gahn. De Lüderskoper Altor steiht vondaag in de St.-Jacobi-Kark in de Worth.

Inwahnertall[ännern | Bornkood ännern]

Johr Inwahners
1848-00-001848[1] 268 Lüüd. 39 Hüüs

Religion[ännern | Bornkood ännern]

Köstersweg is evangeelsch-luthersch präägt un höört to dat Kaspel von de St.-Jacobi-Kark in de Worth.

Kultur[ännern | Bornkood ännern]

Verenen[ännern | Bornkood ännern]

De Schützenvereen is 1950 grünnt worrn.

Infrastruktur[ännern | Bornkood ännern]

Verkehr[ännern | Bornkood ännern]

De Dörpstraat von Köstersweg is in’n Westen mit de Kreisstraat 14 verbunnen, de na Godendörp un Wanhöden löppt. In’n Oosten is de Dörpstraat mit de K 5 verbunnen, de na de Worth un Füürsteed geiht. Merrn dör Köstersweg löppt ok de Autobahn 27 (Afsnidd CuxhobenBremerhoben). De Oort hett aver keen Opfohrt, de nächste Opfohrt is eerst de Opfohrt 3 Noordholt bi Wanhöden an de K 14.

De nächste Bahnhoff is de Bahnhoff Noordholt an de Bahnlien Bremen-Cuxhoben.

Footnoten[ännern | Bornkood ännern]

  1. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 156: http://books.google.de/books?id=eOI-AAAAcAAJ&pg=PA156