Godendörp

Vun Wikipedia
Zur Navigation springen Zur Suche springen
Wapen/Flagg Koort

Wapen vun Godendörp

Godendörp
Laag vun Godendörp in Düütschland
Basisdaten
Bundsland: Neddersassen
Landkreis: Cuxhoben
Gemeen: Cuxhoben
Inwahners:
Postleettall: 27478
Vörwahl: 04723
Geograafsche Laag:
Koordinaten:53° 48′ N, 8° 40′ O
53° 48′ N, 8° 40′ O
OlenwooldFranzenborgGodendörpOx
Laag von Godendörp in de Oortschop Olenwoold (Koort lett sik anklicken)

Godendörp (hoochdüütsch Gudendorf) is en Oort in de Gemeen Cuxhoben in’n Landkreis Cuxhoben, Neddersassen.

Geografie[ännern | Bornkood ännern]

Luftbild von’n Godendörper See bi dat Dörp (2012)

Godendörp liggt an’n Rand von de Cuxhobener Küstenheid na de Masch hen. Dat Water ut dat Rebeed flütt över’n Landwehrkanaal af.

De Naveröörd sünd Franzenborg un Olenwoold in’n Noorden, dat Westerenn von de Worth in’n Oosten, Köstersweg in’n Süüdoosten un Wusterheid un Ox in’n Süüdwesten.

Historie[ännern | Bornkood ännern]

Godendörp kummt vör de Tied üm 1800 rüm in de Oorkunnen nich vör. Godendörp hett noch bet to’n Groot-Hamborg-Gesett (1. April 1937) to Hamborg tohöört. Denn is dat Deel von dat Amt Ritzbüttel in’n Kreis Land Hadeln worrn.

An’n 1. Juli 1968 is de Gemeen Olenwoold mit Franzenborg, Godendörp un Ox tohoopgahn un an’n 1. Juli 1972 sünd Godendörp un Olenwoold denn mit de Gemeenreform in Neddersassen Deel von de Gemeen Cuxhoben worrn. Godendörp is nu Deel von de Oortschop Olenwoold binnen de Gemeen Cuxhoben.

Inwahnertall[ännern | Bornkood ännern]

Johr Inwahners
1810-00-001810[1] 20 Hüüs. 118 Inwahners
1816-00-001816[1] 19 Hüüs. 103 Inwahners
1831-00-001831[1] 19 Hüüs. 105 Inwahners
1836-00-001836[1] 20 Hüüs. 89 Inwahners
1866-12-033. Dezember 1866[2] 152
1871-12-011. Dezember 1871[3] 133
1910-12-011. Dezember 1910[4] 131
1925-00-001925[5] 159
1933-00-001933[5] 176
1939-00-001939[5] 181

Religion[ännern | Bornkood ännern]

Godendörp is evangeelsch-luthersch präägt un höört to dat Kaspel von de Krüüzkark in Olenwoold.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Wapen[ännern | Bornkood ännern]

Dat Wapen von Godendörp wiest vörn op roden Grund en sülvern Ankerkrüüz mit langen Steel un achtern op sülvern Grund en Heidsees un en Törfescher, de en blau Bladd un en roden Steel hebbt.

Kultur[ännern | Bornkood ännern]

Op’n Karkhoff in Godendörp gifft dat en Denkmaal för de Fullenen ut de twee Weltkrieg’[6].

Weertschop un Infrastruktur[ännern | Bornkood ännern]

För Godendörp is de Freewillige Füürwehr Olenwoold mit tostännig. Fröher harr de Oort en egen Füürwehr, de sik siet 1979 al en Sprüttenhuus mit de Füürwehr Olenwoold deelt hett. An’n 1. Februar 2010 sünd de beiden Füürwehren ok organisatoorsch tohoopleggt worrn un de egenstännige Füürwehr Godendörp hett ophöört, to existeren.

Verkehr[ännern | Bornkood ännern]

Godendörp is över de Kreisstraat 12 mit de Landsstraat 135 verbunnen. De L 135 is in’n Noorden denn mit de Bundsstraat 73 verbunnen, de in’n Noorden na Cuxhoben löppt un in’n Oosten na de Autobahn 27 (Afsnidd CuxhobenBremerhoben) geiht (Opfohrt 2 Olenwoold). De K 14 löppt in’n Süüdoosten na Köstersweg un Wanhöden.

De nächste Bahnhoff is de Bahnhoff Noordholt an de Bahnlien Bremerhoben–Cuxhoben.

Scholen[ännern | Bornkood ännern]

De Kinner ut Godendörp güngen toeerst in Franzenborg un Köstersweg na School. 1904 hett de Oort denn sien egen Volksschool kregen. De School is 1968 oplööst worrn un de Schölers güngen na Franzenborg na Grundschool.

Footnoten[ännern | Bornkood ännern]

  1. a b c d Franz Heinrich Neddermeyer: Zur Statistik und Topographie der Freien und Hansestadt Hamburg und deren Gebietes. 1847, Sied 176: http://books.google.de/books?id=sHoAAAAAcAAJ&pg=PA176
  2. Statistik des Hamburgisches Staats. Ergebnisse der Volkszählung vom 3ten December 1866. S. 44, http://books.google.de/books?id=C6Q5AQAAIAAJ
  3. Statistik des Hamburgisches Staats. Ergebnisse der Volkszählung vom 1. Dezember 1871. S. 78, http://books.google.de/books?id=C6Q5AQAAIAAJ
  4. Inwahnertallen op gemeindeverzeichnis.de
  5. a b c Inwahnertallen op verwaltungsgeschichte.de
  6. Onlineprojekt Gefallenendenkmäler