Landkreis Land Hadeln

Vun Wikipedia
(wiederwiest vun Kreis Land Hadeln)
Zur Navigation springen Zur Suche springen
Wapen Koort
Wapen von’n Landkreis Land Hadeln Laag von’n Landkreis Land Hadeln
Grunddaten
Bestandstietruum: 1932-1977
Bundsland: Neddersassen
Regeerensbezirk: Stood
Kreisstadt: Oterndörp
Flach: 865,84 km²
Inwahners: 61.099 (1961)
Inwahnerdicht: 71 (1961)
Updeelen: 58 Gemenen
Auto-Kennteken: OTT

De Landkreis Land Hadeln weer von 1932 bet 1977 en Landkreis in de prüüßsche Provinz Hannover (von’n 1. November 1946 af an in Neddersassen) mit Seet in Oterndörp in’t Land Hadeln.

Geografie[ännern | Bornkood ännern]

In’n Noorden leeg de Landkreis an de Elv mit’n Kreis Süderdithmarschen in Sleswig-Holsteen op de anner Sied von de Elv. In’n Oosten dee de Kreis an’n Landkreis Stood grenzen un in’n Süden an’n Landkreis Bremervöör. In’n Süüdwesten leeg de Landkreis Wersermünn un in’n Westen de Stadt Cuxhoben.

Geschicht[ännern | Bornkood ännern]

De Landkreis Land Hadeln is an’n 1. Oktober 1932 ut de enkelte Gemeen Olenwoold, de vörher in’n Kreis Leh weer, den Kreis Hadeln un den Kreis Neehuus billt worrn. Von’n Kreis Neehuus sünd de Gemenen Grootweurn, Hüll un Neeland utnahmen, de na’n Landkreis Stood wesselt. An’n 1. April 1937 is mit dat Groot-Hamborg-Gesett denn ok noch en groten Deel von dat Amt Ritzbüttel (utbenahmen de Stadt Cuxhoben) Deel von’n Landkreis worrn.

Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Land Hadeln op Landkreis Land Hadeln ännert.

Bi de Kreisreform to’n 1. August 1977 is de Landkreis denn mit den Landkreis Wersermünn un de Stadt Cuxhoben to’n ne’en Landkreis Cuxhoben tohoopfaat worrn.

Wapen[ännern | Bornkood ännern]

Dat Wapen wiest op grönen Grund un swarten Schildfoot den Hilligen Nikolaus in en sülvern Choorkleed, en gröön Messkleed mit gollen Rannen, gollen Schoh, en gröön Mitra mit gollen Rannen, gollen Hoor, natürlich Huudfarv un en sülvern Krummstaff, den sien Krümm mit en gollen Roos mit fiev Bläder ennt. De rechte Hand hett he to’n Segen hoogböhrt.

Bischop Nikolaus, Patroon von de Schippers un Küstenlüüd, keem al von dat 13. Johrhunnert af an in dat Segel von Hadeln vör.

Landrääd[ännern | Bornkood ännern]

Böverkreisdirekters[ännern | Bornkood ännern]

Kultur[ännern | Bornkood ännern]

1952 hett de Landkreis en Patenschop för den Kreis Labiau in Oostprüßen övernahmen. Dat heet, dat de Landkreis sik insett för dat Wohren von de Kultur un Geschicht von de Lüüd, de na’n Tweten Weltkrieg ut’n Kreis Labiau flücht un verdreven worrn sünd un sik in de Kreisgemeenschop Labiau tohoopslaten hebbt. As de Landkreis Land Hadeln 1977 oplööst worrn is, hett de Landkreis Cuxhoben disse Patenschop övernahmen.

Inwahnertall[ännern | Bornkood ännern]

Tied 1933 1939 1966
Inwahners 42.281 43.827 64.200

Gemenen[ännern | Bornkood ännern]

De Gemenen von’n Landkreis Land Hadeln (Stand 1939):

Gemeen Inwahners Gemeen Inwahners Gemeen Inwahners Gemeen Inwahners
Abbenseet 320 Armsdörp 462 Basbeek 1.787 Belen 565
Berensch-Arensch* 338 Bornbarg 226 Bülkau 1.205 Doornsood 83
Franzenborg 670 Geversdörp 878 Godshem 776 Godendörp* 181
Heckthusen 899 Heeßel 163 Helmworth 1.686 Hemm 169
Hemmoor 449 Hockmöhlen 237 Hollen 370 Holt-Spangen* 169
Ihlbeek 87 Isensee 638 Kedenbrook 333 Kumbarg 1.418
Klint 409 Langenmoor 69 Lee 938 Lohmöhlen 169
Loomst 1.307 Lüttwöhrn 217 Maurismaur 250 Mittelsnohn 314
Neebachenbrook 86 Neehuus 1.486 Neenkarken 1.304 Nindörp 415
Nordahn 217 Öberndörp 1.833 Olenbrook 2.978 Olendörp 999
Olenwoold 1.062 Oosten 974 Oosterbrook 488 Ooster-Helmworth **
Oppeln 347 Oterndörp 4.062 Ox* 345 Sahlenborg* 837
Steenau 1.127 Stinst 585 Varrel 126 Voigtding 265
Wannen 1.871 Warstood 1.582 Wester-Helmworth ** Westersood 1.063
Wingst 2.077 Wisch 96 Wohlenbeek 138 Worth 1.431
* eerst mit dat Groot-Hamborg-Gesett 1937 Deel von’n Landkreis worrn
** an’n 1. Oktober 1937 Deel von Helmworth worrn; Ooster-Helmworth harr 1885 768 Inwahners un Wester-Helmworth 1.276