Oppeln (Wingst)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Oppeln

Oppeln
Laag vun Oppeln in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Wingst
Inwahners: 300
Hööchd: 1 m över NN
Postleettall: 21789
Vörwahl: 04754
Geograafsche Laag:
Koordinaten:53° 44′ N, 8° 60′ O
53° 44′ N, 8° 60′ O

Oppeln is en Dörp mit üm un bi 300 Inwahners in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. Binnen dat Dörp warrt noch en Ünnerscheed maakt twischen dat Noorderenn un dat Süderenn un de Oppler Geest.

Geografie[ännern | Bornkood ännern]

Oppeln liggt as 4,3 km lang Stratendörp in anmoorige, siede Masch. Na Oosten to reckt sik denn aver de Wingst as Geestrügg hoog. In’n Süüdoosten liggt de Balksee. Von’n Balksee her flütt de Au in en Bagen in’n Süden un Westen an Oppeln langs. In’n Noorden is de Grift de Grenz von Oppeln. In’n Oosten von de Gemeen, von’n Balksee na Tollboom, löppt de Oppler Kanaal langs.

De Naveröörd sünd Au in’n Noorden, Tollboom in’n Noordoosten, Grift, Westerhamm, Bargkamp un Süderbusch in’n Oosten, Boomoor in’n Süden, Godshem in’n Süüdwesten un Bülkau in’n Noordwesten.

Historie[ännern | Bornkood ännern]

Dat ole Pastoorhuus

In de Oorkunnen kummt Oppeln toeerst an’n 19. März 1301 vör. Von en Kark in Oppeln warrt toeerst 1384 in dat Stoder Copiar snackt.

In’n Eersten Weltkrieg sünd 28 Soldaten ut Oppeln fullen oder vermisst un in’n Tweten 61[1].

Oppeln is an’n 1. Juli 1972 bi de Gemeenreform in Neddersassen mit de Gemeen Wingst tohoopleggt worrn.

Inwahnertall[ännern | Bornkood ännern]

Johr Inwahners
1753-00-001753[2] 105 Füürsteden
1824-00-001824[3] 105 Füürsteden
1848-00-001848[4] 302 Lüüd. 104 Hüüs
1858-00-001858[5] 511
1910-12-011. Dezember 1910[6] 447
1925-00-001925[7] 435
1933-00-001933[7] 380
1939-00-001939[7] 347

Religion[ännern | Bornkood ännern]

De Nikolaus-Kark

Oppeln is evangeelsch-luthersch präägt un hett mit de Nikolaus-Kark en egen Karkenhuus, höört aver siet 1967 to dat Kaspel Bülkau. De Karkentoorn is 1721 boot worrn un de Kark 1734. 1916 is de Toorn afbrennt, aver denn wedder opboot worrn, wat bet 1926 duurt hett. De Örgel mit en II/P-Manual un teihn Register is 1886 von Johann Hinrich un Carl Johann Heinrich Röver boot worrn.

För de Kathoolschen is de Hillig-Krüüz-Kark in Oterndörp tostännig.

Börgermeesters[ännern | Bornkood ännern]

Gemeenvörstehers:

  • 1852–1858: Claus Jacob Tiedemann
  • 1858–1866: Tönjes Rodenburg
  • 1866–1872: Hinrich Griemsmann
  • 1872–1889: Heinrich Tecklenburg
  • 1889–1891: Heinrich Albers
  • Dezember 1891–28. Februar 1917: Hinrich Küver
  • 1917–1934: Friedrich Henning

Börgermeesters:

  • 1934–1945: Hermann Engelhard (NSDAP)
  • 1. Dezember 1952–30. Juni 1972: Hermann Engelhard

Wapen[ännern | Bornkood ännern]

Wapen von Oppeln

Dat Wapen von Oppeln wiest op blauen Grund twee gollen Haverohren, de sik krüüzt. De Haver kummt dorvon, dat se in Oppeln op de Maschboddens fröher vör allen Haver anboot hebbt.

Kultur[ännern | Bornkood ännern]

Dat Kriegerdenkmaal

En Denkmaal för de Fullenen ut Oppeln ut de twee Weltkrieg’ steiht bi de Kark.

Infrastruktur[ännern | Bornkood ännern]

Verkehr[ännern | Bornkood ännern]

De Dörpstraat von Oppeln löppt in’n Noorden an de Kreisstraat 21 ran, de in’n Westen na Bülkau an de Landsstraat 144 löppt un in’n Oosten över de K 22 bi Kumbarg an de Bundsstraat 73 anbunnen is. In’n Süden löppt de Straat na Boomoor un na Süderbusch. Ans is Oppeln bloot noch in’n Westen över den Westerweg mit Bülkau-Süderenn verbunnen.

Literatur[ännern | Bornkood ännern]

  • Ingelore Borchers: Oppeln. Ein Marsch-, Moor- und Geestdorf im Elbe-Weser-Dreieck. 700 Jahre Oppeln. 1301 - 2001. Kapellengemeen Oppeln, Bülkau 2001, ISBN 3-8311-0842-0

Footnoten[ännern | Bornkood ännern]

  1. http://www.denkmalprojekt.org/dkm_deutschland/oppeln_cux_nsachs.htm
  2. Doris Böker: Landkreis Cuxhaven. Hameln 1997 (Denkmaltopographie Bundesrepublik Deutschland. Baudenkmale in Niedersachsen, Band 19), S. 324, ISBN 3-8271-8259-X
  3. C. H. Jansen: Statistisches Handbuch des Königreichs Hannover. 1824, Sied 468: http://books.google.de/books?id=tG0AAAAAcAAJ&pg=PA468
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 137: http://books.google.de/books?id=eOI-AAAAcAAJ&pg=PA137
  5. Franz Heinrich Ungewitter: Neueste Erdbeschreibung und Staatenkunde. 1858, Sied 420: http://books.google.de/books?id=ZkoNAQAAIAAJ&pg=PA420
  6. http://www.gemeindeverzeichnis.de/gem1900/gem1900.htm?hannover/neuhaus.htm
  7. a b c http://www.verwaltungsgeschichte.de/hadeln.html

Weblenken[ännern | Bornkood ännern]

Commons-logo.svg Oppeln. Mehr Biller, Videos oder Audiodateien to’t Thema gifft dat bi Wikimedia Commons.