Oppler Geest

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Wingst
Inwahners:
Postleettall:	21789
Vörwahl:	04754
Geograafsche Laag:	53° 43′ N, 8° 59′ O

Oppler Geest (hoochdüütsch Oppelner Geest) is en Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen.

Geografie

Oppler Geest liggt op en üm un bi dree Meter hogen Sandbarg, de ut dat Moorrebeed ümto rutkickt. In’n Süden un Westen flütt de Au an’n Oort langs.

De Naveröörd sünd Oppeln in’n Oosten, Boomoor in’n Süden, Goddshem un Lüchtenpils in’n Süüdwesten un dat Süderenn von Bülkau in’n Noordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1848-00-001848	33 Lüüd, 9 Hüüs
1871-12-011. Dezember 1871	55 Lüüd, 12 Hüüs

Religion

Oppler Geest is evangeelsch-luthersch präägt un höört to dat Kaspel von de Nicolai-Kark in Oppeln.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

Von Oppler Geest gifft dat blots een Weg. De löppt na Noorden an’n Swartenweg. De löppt denn wedder in’n Oosten na Oppeln un in’n Westen na Bülkau an de Landsstraat 144. Na Süden un Westen to is de direkte Weg dör de Au versperrt. Dor gifft dat keen Straten.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 3 Noordholt liggt so 28 Kilometer in’n Noordwesten von Oppler Geest.

De nächste Bahnhoff is so bi teihn Kilometer wied weg in’n Noordoosten de Bahnhoff Kumbarg an de Nedderelvbahn.