Westerhamm

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Westerhamm
Laag vun Westerhamm in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Wingst
Inwahners:
Postleettall: 21789
Vörwahl: 04777, 04778
Geograafsche Laag:
Koordinaten:53° 44′ N, 9° 5′ O
53° 44′ N, 9° 5′ O

Luftbild von Westerhamm von Süden keken (2013)

Westerhamm is en Oort in de Gemeen Wingst, Samtgemeen Land Hadeln in’n Landkreis Cuxhoben, Neddersassen. De Oort höört polietsch al von öllers bi de Gemeen Wingst mit bi.

Geografie[ännern | Bornkood ännern]

Westerhamm liggt an’n western Rand von de Wingst, de as Geestrügg ut de Ümgegend rutkickt. Na Westen to liggt Moor.

De Naveröörd sünd Ooldkeden un Kumbarg in’n Noorden, Höden un Watermöhl in’n Noordoosten, Dobrook, Wittenmoor un Ellerbrook in’n Süüdoosten, Bargkamp un Süderbusch in’n Süden, Grift un Oppeln in’n Westen un Tollboom in’n Noordwesten.

Historie[ännern | Bornkood ännern]

In Westerhamm hebbt se en oold Grafffeld opgraavt. Dor hebbt se ünner annern ok en Trechternapp funnen. En Hünengraff, dat dat in Westerhamm geven hett, is al in’t fröhe 19. Johrhunnert verswunnen.

Inwahnertall[ännern | Bornkood ännern]

Johr Inwahners
1824-00-001824[1] 13 Füürsteden

Religion[ännern | Bornkood ännern]

Karkhoff un Bugenhagen-Huus in Westerhamm

Westerhamm is evangeelsch-luthersch präägt un höört to dat Kaspel von de Nicolai-Kark in Kumbarg.

An’n Karkhoff Westerhamm liggt dat Bugenhagen-Huus, dat as Kapell bruukt warrt un to de Nicolai-Kark höört. Dat Huus is 1956/1957 boot un an’n 23. Juni 1957 inwieht worrn. Nöömt is dat Huus na de Bugenhagen-Bibel, de August Winter ut Ooldkeden de Kark in Kumbarg schenkt hett. All veer Weken warrt dor Goddsdeenst fiert.

För de Kathoolschen is de Hillig-Krüüz-Kark in Oterndörp tostännig.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Westerhamm is 1774 grünnt worrn un fiert sien Schützenfest jümmer an’t twete Wekenenn in’n Juni.

Infrastruktur[ännern | Bornkood ännern]

Verkehr[ännern | Bornkood ännern]

Westerhamm liggt an de Kreisstraat 21, de in’n Noordwesten na Tollboom un Bülkau an de Landsstraat 144 ran löppt un in’n Süden na Bargkamp, Süderbusch, Ellerbrook un Bröckelbeek.

De nächste Bahnhoff is de Bahnhoff Wingst in Watermöhl an de Nedderelvbahn.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 656: http://books.google.de/books?id=tG0AAAAAcAAJ&pg=PA656

Weblenken[ännern | Bornkood ännern]

Commons-logo.svg Westerhamm. Mehr Biller, Videos oder Audiodateien to’t Thema gifft dat bi Wikimedia Commons.