Dobrook

Vun Wikipedia
Wapen/Flagg Koort
hett keen Wapen
Dobrook
Laag vun Dobrook in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Wingst
Inwahners:
Postleettall: 21789
Vörwahl: 04778
Geograafsche Laag:
Koordinaten:53° 44′ N, 9° 5′ O
53° 44′ N, 9° 5′ O

Karte

Forsthuus in Dobrook

Dobrook (hoochdüütsch Dobrock) is en Oort in de Gemeen Wingst, Samtgemeen Land Hadeln in’n Landkreis Cuxhoben, Neddersassen.

Geografie[ännern | Bornkood ännern]

Dobrook liggt an’n Rand von de Wingst, de as Geestrügg ut de Ümgegend rutkickt. Na Oosten un Süden to liggt Moor, dat denn na de Oost hen in Masch övergeiht.

De Naveröörd sünd Watermöhl in’n Noorden, Oostercaadwisch in’n Noordoosten, Ohrensflucht in’n Oosten, Hemmoor un Westersood in’n Süüdoosten, Wittenmoor in’n Süüdwesten un Bargkamp un Westerhamm in’n Westen.

Historie[ännern | Bornkood ännern]

Dobrook weer toeerst de Naam von’t Holt in’n Westen von dat Dörp. Dorvon hett de Oort jüstso as de hüdige Samtgemeen den Naam kregen.

Inwahnertall[ännern | Bornkood ännern]

Johr Inwahners
1824-00-001824[1] 5 Füürsteden
1848-00-001848[2] 223 Lüüd, 37 Hüüs

Religion[ännern | Bornkood ännern]

Dobrook is evangeelsch-luthersch präägt un höört to dat Kaspel von de Nicolai-Kark in Kumbarg.

In Dobrook liggt dat Michaelis-Huus, dat as Kapell bruukt warrt un to de Nicolai-Kark höört. Dat Huus is 1989/1990 boot un an’n 29. September 1990 inwieht worrn. All twee Weken warrt dor Goddsdeenst fiert.

För de Kathoolschen is de Hillig-Krüüz-Kark in Oterndörp tostännig.

De Oort hett en egen Karkhoff.

Kultur[ännern | Bornkood ännern]

De Naam von’n Oort is vondaag vör allen dör Dobrook-Riederturnier bekannt.

Verenen[ännern | Bornkood ännern]

De Schützenvereen Dobrook is 1877 grünnt worrn.

Infrastruktur[ännern | Bornkood ännern]

Verkehr[ännern | Bornkood ännern]

An Dobrook löppt in’n Oosten de Bundsstraat 73 langs, de in’n Noordwesten na Kumbarg un Oterndörp geiht un in’n Süüdoosten na Hemmoor/Warstood/Basbeek un Heckthusen. Von de B 73 dör dat Dörp dör un denn na Süüdwesten löppt de Kreisstraat 23, de in Wittenmoor an de Kreisstraat 21 ranlöppt. Na Noordwesten löppt de Kreisstraat na Watermöhl.

De nächste Bahnhoff is de Bahnhoff Wingst in Watermöhl an de Nedderelvbahn.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 136: http://books.google.de/books?id=tG0AAAAAcAAJ&pg=PA136
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 136: http://books.google.de/books?id=eOI-AAAAcAAJ&pg=PA136

Weblenken[ännern | Bornkood ännern]

Dobrook. Mehr Biller, Videos oder Audiodateien to’t Thema gifft dat bi Wikimedia Commons.