Westersood

Vun Wikipedia
Zur Navigation springen Zur Suche springen
Wapen/Flagg Koort

Wapen vun Westersood

Westersood
Laag vun Westersood in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Hemmoor
Gemeen: Hemmoor
Flach: 10,53 km²
Inwahners:
Postleettall: 21745
Vörwahl: 04771
Geograafsche Laag:
Koordinaten:53° 42′ N, 9° 7′ O
53° 42′ N, 9° 7′ O
Hemm (Hemmoor)HemmoorWestersoodHeeßel (Hemmoor)WarstoodBasbeek
Laag von Westersood in de Gemeen Hemmoor (Koort lett sik anklicken)

Westersood (hoochdüütsch Westersode) is en Oort in de Gemeen Hemmoor in’n Landkreis Cuxhoben, Neddersassen.

Bi Westersood höört ok Bröckelbeek mit bi, dat 1821 grünnt worrn is, un de Oortsdeel Herrlichkeit.

Geografie[ännern | Bornkood ännern]

In’n Süüdoosten von Westersood, bi de Herrlichkeit, hett de Heeßler Möhlenbeek sien Born.

De Naveröörd sünd Dobrook un Ohrensflucht in’n Noorden, Hemmoor in’n Noordoosten, de Herrlichkeit un Warstood in’n Süüdoosten, Heeßel in’n Süden, Bröckelbeek un Varrel in’n Süüdoosten un Ellerbrook un Wittenmoor in’n Noordwesten.

Historie[ännern | Bornkood ännern]

De Graffbargen in Postel sien Busch wiest, dat al in de Bronztied Minschen in de Ümgegend von Westersood leevt hebbt. In’n Süden von Westersood hebbt se 1892/1893 ok en Urnengrafffeld ut de Tied von dat 3. bet 5. Johrhunnert funnen un dor ok en poor Hemmoorer Ammels bi utkuhlt.

In de Oorkunnen kummt dat Dörp as Westerso toeerst 1083 vör, as Otto von Northeim doodbleven is un dat Klooster Harsfeld 13 Hoven in Westersood arvt hett.

In’n Eersten Weltkrieg sünd 71 Soldaten ut Westersood fullen oder vermisst un in’n Tweten Weltkrieg 103[1].

Westersood is an’n 1. Juli 1968 Deel von de nee billt Gemeen Hemmoor worrn.

Inwahnertall[ännern | Bornkood ännern]

Johr Inwahners
1824-00-001824[2] 56 Füürsteden
1848-00-001848[3] 424 Lüüd. 78 Hüüs
1858-00-001858[4] 571
1910-12-011. Dezember 1910[5] 1.545
1925-00-001925[6] 1.191
1933-00-001933[6] 1.195
1939-00-001939[6] 1.063

Religion[ännern | Bornkood ännern]

Westersood is evangeelsch-luthersch präägt un höört to dat Kaspel von de Christus-Kark in Warstood. Bevör de Christus-Kark 1898 boot worrn is, hett de Oort to dat Kaspel von de Bartelmees-Kark in Loomst tohöört.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Wapen[ännern | Bornkood ännern]

Dat Wapen von Westersood wiest op blauen Grund en sülvern Soot.

Börgermeesters[ännern | Bornkood ännern]

Kultur[ännern | Bornkood ännern]

Kriegerdenkmaal in Westersood (1. Weltkrieg) Denkmaal mit de Nr. 35.202.200.004 in de Gemeen Hemmoor
Kriegerdenkmaal in Westersood (2. Weltkrieg) Denkmaal mit de Nr. 35.202.200.004 in de Gemeen Hemmoor

Denkmaals för de Fullenen ut de twee Weltkrieg’ staht op’n olen Karkhoff von Westersood.

Verenen[ännern | Bornkood ännern]

Al 1873 hett sik en Füürsprüttenverband Westersood-Hemmoor billt. De hüdige Freewillige Füürwehr is denn 1896 grünnt worrn un de Schützenvereen 1900.

Weertschop un Infrastruktur[ännern | Bornkood ännern]

Fleten Water hett dat Dörp 1958 kregen.[7]

Verkehr[ännern | Bornkood ännern]

Westersood liggt an de Kreisstraat 28, de in’n Noorden an de Bundsstraat 73 ranlöppt. In’n Süden geiht de Straat na Heeßel un an de Bundsstraat 495 ran. De Kreisstraat 29 geiht von de K 28 na Westen af na Varrel.

De nächste Bahnhoff is in Basbeek an de Nedderelvbahn.

Scholen[ännern | Bornkood ännern]

De fröhere School in Westersood Denkmaal mit de Nr. 35.202.200.032 in de Gemeen Hemmoor

Dat gifft en Grundschool in Westersood. Na Gymnasium gaht de Kinner op dat Gymnasium Warstood.

Ver- un Entsorgung[ännern | Bornkood ännern]

Dat fleten Water för Westersood kummt von’n Waterverband Wingst. Dat Afwater warrt in dat Klärwark Hemmoor klärt.

Lüüd[ännern | Bornkood ännern]

De Politiker Paul Neese is 1939 in Westersood boren un de Politiker un Heimatforscher Herbert Müller 1926.

Literatur[ännern | Bornkood ännern]

Footnoten[ännern | Bornkood ännern]

  1. http://www.denkmalprojekt.org/2009/hemmoor-westersode_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 658: http://books.google.de/books?id=tG0AAAAAcAAJ&pg=PA658
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
  4. Franz Heinrich Ungewitter: Neueste Erdbeschreibung und Staatenkunde. 1858, Sied 420: http://books.google.de/books?id=ZkoNAQAAIAAJ&pg=PA420
  5. http://www.gemeindeverzeichnis.de/gem1900/gem1900.htm?hannover/neuhaus.htm
  6. a b c http://www.verwaltungsgeschichte.de/hadeln.html
  7. http://www.ff-westersode.de/chronik/1951-1980

Weblenken[ännern | Bornkood ännern]

Commons-logo.svg Westersood. Mehr Biller, Videos oder Audiodateien to’t Thema gifft dat bi Wikimedia Commons.