Swartenhütten
Swartenhütten is en lütten Haven bi Hemmoor an de Oost.
Swartenhütten is as Anlegger von en Tegelee grünnt worrn. Nadem dat Zementwark von de Hemmoor Zement AG 1862 apenmaakt hett, is Swartenhütten ok för den Aftransport von’n Hemmoorer Zement bruukt worrn. 1875 is en Peerbahn von dat Zementwark an’n hüdigen Kriedsee na Swartenhütten boot worrn (mit en Brügg över de Nedderelvbahn von 1884) un von 1895 af an sünd dor ok Damploks bruukt worrn.
De Zement is mit Schuten un Lichters na Hamborg bröcht worrn un dor denn in’n Hannel kamen oder op gröttere Scheep ümlaadt worrn un in’n Export kamen. Op’n Weg trügg hebbt de Scheep Köhlen för dat Zementwark laadt. In de besten Tieden in de Johren 1960 hett de Haven 500.000 Tünnen in’t Johr ümslagen. 1981 hett de Haven noch 73.500 Tünnen ümslagen. Dorvon kemen 41.500 Tünnen von dat Zementwark.
Nadem dat Wark 1983 dichtmaakt hett, is de Haven in Swartenhütten toeerst noch wieder bedreven worrn. Vör allen Dünger un Köhlen sünd dor denn noch ümslagen worrn. An’n 22. Dezember 1997 hett Swartenhütten denn aver ganz dichtmaakt. De Haven weer toletzt för Scheep utleggt, de bet to 85 m lang sünd un 4,5 m Deepgang hebbt.[1] Vondaag warrt de Haven blots noch as Anlegger för Sportbööd bruukt.
Inwahnertall[ännern | Bornkood ännern]
| Johr | Inwahners |
|---|---|
| 1. Dezember 1885[2] | 44 Lüüd, 6 Hüüs |
| 1. Dezember 1905[3] | 40 Lüüd, 5 Hüüs |
Footnoten[ännern | Bornkood ännern]
- ↑ Die Oste - Informationen für Wassersportler
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 157
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 128
Basbeek (mit de Möhlenreeg, Sethlerhemm un den Tegelkamp) | Heeßel (mit Wedelsforth, de Pulvermöhl un dat Schuppenfeld) | Hemm | (Oold-)Hemmoor (mit en Deel von Ohrensfluchtermoor) | Westersood (mit Bröckelbeek) | Warstood (mit Swartenhütten)
Koordinaten:53° 42′ N, 9° 9′ O