Basbeker Slüsenfleet

Vun Wikipedia
Zur Navigation springen Zur Suche springen
Basbeker Slüsenfleet
Laag Landkreis Cuxhoben
Stroomsystem Elv
Münn bi Basbeek in de Oost (op 0 m över NN)
Afströömrebeed 32 km²
Waterkenntall DE: 59876
linke Blangenströöm Heeßeler Möhlenbeek
Hockmöhlener Beek bi Rahden
Schöppwark von dat Basbeker Slüsenfleet an de Oost Denkmaal mit de Nr. 35.202.200.037 in de Gemeen Hemmoor

Dat Basbeker Slüsenfleet is en Waterloop in’n Noordoosten von’n Landkreis Cuxhoben. Allens tohoop nimmt dat Slüsenfleet mit alle Tobringers dat Water von en Rebeed von 32 km² op, dor fallt 21 km² von op den Hockmöhlener Beek un 11 km² op den Heeßeler Möhlenbeek.[1]

Dat Basbeker Slüsenfleet münnt in’n Noordoosten von Basbeek un güntsied von Oosten in de Oost. An de Münn in de Oost liggt en Schöppwark. De Anfang von’t Slüsenfleet liggt twüschen Ihlbeek un Bornbarg. Dor is dat Slüsenfleet över de Beek mit’n Ihlbeker Kanaal verbunnen. Von dor flütt de Waterloop na Noorden. Von links flütt de Hockmöhlener Beek to, de vörher al den Heeßeler Möhlenbeek opnahmen hett. Düsse egentliche Loop von’t Basbeker Slüsenfleet is 4,3 Kilometer lang.

Dat Schöppwark an de Oost is in’n September 2012 von’n Ünnerhaltungsverband Ünnere Oost so ümboot worrn, dat Fisch dor ahn Problemen dörwannern köönt.

Bevör de Hockmöhlener Beek toflütt, is de Waterloop so dree bet fiev Meter breed, denn bet Slichten so bi teihn Meter. Von Slichten bet na dat Schöppwark sünd dat toletzt 15 Meter.

De Born von’n Hockmöhlener Beek liggt op’n Westerbarg in’n Westen von Rahden in dat Naturschuulrebeed Westerbarg un dat bövere Hockmöhlener Beekdaal. He flütt na Oosten dör Rahden un denn dör Hockmöhlen, böögt na Noordoost af dör dat Wohlenbeker Moor un böögt denn kort vör Basbeek wedder op Oost. De letzten 1,2 Kilometer flütt de Beek dör de Masch un münnt denn in dat Slüsenfleet. Op dat Stück in de Masch is de Beek so dree bet fiev Meter breed. De Stücken ümto warrt as Gröönland bruukt.

De Born von’n Heeßler Möhlenbeek is in’n Noorden von Heeßel bi’n Augustenhoff. He flütt na Süüdoosten an Wedelsforth un an’n Süüdrand von Warstood un Basbeek langs un münnt an’t Noordenn von de Möhlenreeg in’n Hockmöhlener Beek.

Footnoten[ännern | Bornkood ännern]

  1. Michael Bergemann: Gesamtliste der Fließgewässer im Elbeeinzugsgebiet. 2012


Koordinaten:53° 41′ N, 9° 12′ O