Rahden
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 5,64 km² | |
| Inwahners: | 114 (31. Dezember 2009) | |
| Inwahnerdicht: | 20,2 Inwahners pro km² | |
| Postleettall: | 21769 | |
| Vörwahl: | 04773 | |
| Geograafsche Laag: | Koordinaten:53° 39′ N, 9° 6′ O53° 39′ N, 9° 6′ O | |
|
| ||
Rahden is en Dörp in de Gemeen Loomst in’n Landkreis Cuxhoben, Neddersassen.
Geografie
[ännern | Bornkood ännern]Rahden liggt dicht bi’n Westerbarg mit dat Naturschuulrebeed Westerbarg un dat bövere Hockmöhlener Beekdaal. Dör den Oort flütt de Hockmöhlener Beek.
De Naveröörd sünd Heeßel un Wohlenbeek in’n Noordoosten, Hockmöhlen in’n Süüdoosten, Iserbrook un Loomst in’n Süden, Mittelsnohn un Nordahn in’n Westen un Varrel un Brökelbeek in’n Noordwesten.
Historie
[ännern | Bornkood ännern]Bi Rahden liggt de Steenaben, wat en oold Steengraff von de Noordsche Megalitharchitektur is.
Rahden harr fröher en Klooster von Zisterzienser-Nunnen up den Westerbarg, dat denn 1255 na Himmelpoorten ümtrocken is. In dat 15./16. Johrhunnert harr de Oort aver noch en Kapell, de St. Andreas todacht weer.
In de Franzosentied von 1810 bet 1813 weer dat Deel von de Mairie Loomst in’n Kanton Bremervöör. Na de Franzosentied hett dat denn bet 1852 jüst as vörher to de Böörd Loomst binnen dat Amt Bremervöör tohöört. Bi de Verwaltungsreform 1852 is de Oort in dat Amt Bremervöör bleven, 1859 denn aver Deel von dat Amt Oosten worrn. 1885 keem dat an’n Kreis Neehuus. Von 1932 bet 1972 leeg dat denn in’n Landkreis Land Hadeln un keem 1972 to’n Landkreis Cuxhoben.
Rahden is 1929 mit de Gemeen Hockmöhlen tohoopleggt worrn un 1972 denn tohoop mit Hockmöhlen Deel von de Gemeen Loomst worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 9 Füürsteden |
| 1848[2] | 81 Lüüd, 13 Hüüs |
| 1. Dezember 1910[3] | 82 |
| 31. Dezember 2009[4] | 114 |
Religion
[ännern | Bornkood ännern]Rahden is evangeelsch-luthersch präägt un höört to dat Kaspel von de Bartelmees-Kark in Loomst.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
Infrastruktur
[ännern | Bornkood ännern]Verkehr
[ännern | Bornkood ännern]Rahden is över lüttjere Straten mit Loomst, Hockmöhlen un Wohlenbeek verbunnen. Disse Straten gaht all ok an de Bundsstraat 495 ran, de in’n Noorden na de Gemeen Hemmoor (Basbeek/Warstood) löppt un in’n Süden na Loomst un wieder na Bremervöör.
De nächste Bahnhoff is de Bahnhoff Hemmoor an de Nedderelvbahn.
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 496: http://books.google.de/books?id=tG0AAAAAcAAJ&pg=PA496
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ http://www.gemeindeverzeichnis.de/gem1900/gem1900.htm?hannover/hadeln.htm
- ↑ http://boerde-lamstedt.der-norden.de/rathaus/zahlen.html
