Afströömrebeed

Vun Wikipedia
De groten Afströömrebeden op de Welt
Afströömrebeden in Europa

Dat Afströömrebeed von en Stroom is dat Rebeed von de Eerdböverflach, ut dat Water na düssen Stroom hen afflütt. De Grenz, an de dat Afströömrebeed von een Stroom op dat von en annern Stroom stött, warrt Waterscheed nöömt.

Dorbi mutt en Ünnerscheed maakt warrn twüschen Böverflachenwater un ünnereerdsche Waterströöm. Dat Afströömrebeed an de Böverflach is dör den Verloop von Högenlienen (Kammlienen) un Beken licht fasttostellen. Ünnereerdsch kann dat Rebeed aver afwieken un de Stroom kann Grundwater ut Rebeden opnehmen, de an de Böverflach nich to sien Afströömrebeed höört.

För Strööm oder Beken, de in annere Strööm münnt, un sogor för Afsneed von Strööm un Beken laat sik ok Afströömrebeden bestimmen. Düsse Afströömrebeden tellt denn aver jümmer ok mit to dat Afströömrebeed von’n Stroom, in den de Waterloop rinmünnt.

Dör den Minsch sünd Afströömrebeden in vele Fäll verännert worrn, dör Kanaals, Gravens, Staudämm un so wieder.

De gröttste Deel von dat Water flütt in de Ozeans, aver dat gifft ok Rebeden, in de Strööm nich de See reckt, sik in siede Steden in dat Gelänn sammelt un verdunsten doot. Dat warrt denn endorheisch Becken nöömt.

Weblenken[ännern | Bornkood ännern]

Afströömrebeed. Mehr Biller, Videos oder Audiodateien to’t Thema gifft dat bi Wikimedia Commons.