Süderbusch
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21789 | |
| Vörwahl: | 04778 | |
| Geograafsche Laag: | Koordinaten:53° 43′ N, 9° 2′ O53° 43′ N, 9° 2′ O | |
|
| ||
Süderbusch (hoochdüütsch Süderbusch) is en Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi de Gemeen Wingst bi.
Geografie
[ännern | Bornkood ännern]Süderbusch liggt an’n Süüdwestrand von de Geest von de Wingst hen na dat Moor un de Masch von de Au. En knappen Kilometer in’n Westen löppt de Neehuus-Bülkauer Kanaal langs un in’n Süüdwesten liggt de Balksee.
De Naveröörd sünd Westerhamm un Langenfelln in’n Noorden, Dobrook in’n Oosten, Ellerbrook un Wittenmoor in’n Süüdoosten, vör’t Seemoor in’n Süden, Grift un Oppeln in’n Westen un Bargkamp, Westerhammermoor un Sothgrift in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 5 Füürsteden |
| 1. Dezember 1871[2] | 64 Lüüd, 11 Hüüs* |
- * Süderbusch: 31 Lüüd, 5 Hüüs; bi’n Süderbusch: 33 Lüüd, 6 Hüüs
Religion
[ännern | Bornkood ännern]
Süderbusch is evangeelsch-luthersch präägt un höört to dat Kaspel von de Nicolai-Kark in Kumbarg.
För de Kathoolschen is de Hillig-Krüüz-Kark in Oterndörp tostännig.
De Karkhoff Süderbusch hett en egen Kapell.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Süderbusch löppt de Kreisstraat 21, de in’n Noordwesten över Bargkamp, Westerhamm un Tollboom na Bülkau an de Landsstraat 144 ran geiht un in’n Süüdoosten över Ellerbrook un Wittenmoor na Loomst. In Tollboom geiht von de K 21 na Noorden de K 22 af, de na Kumbarg föhrt.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 29 Kilometer in’n Noordwesten von Süderbusch.
De nächste Bahnhoff is so bi söven Kilometer wied weg in’n Noorden de Bahnhoff Kumbarg an de Nedderelvbahn.
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 588: http://books.google.de/books?id=tG0AAAAAcAAJ&pg=PA588
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 147: https://books.google.de/books?id=qTZDAQAAMAAJ&pg=RA2-PA147
