Langenfelln

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Wingst
Inwahners:
Postleettall:	21789
Vörwahl:	04777, 04778
Geograafsche Laag:	53° 44′ N, 9° 2′ O

Langenfelln (hoochdüütsch Langenfelde) is en Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi de Gemeen Wingst bi.

Geografie

Langenfelln liggt op de Geest von de Wingst. Na Oosten to liggt de Sülverbarg. Na Westen to doot dat Moor un de Masch von de Au liggen un en knappen Kilometer in’n Westen löppt de Neehuus-Bülkauer Kanaal langs.

De Naveröörd sünd Ellerbrook un Wittenmoor in’n Süüdoosten, Süderbusch in’n Süden, Bargkamp in’n Süüdwesten, Westerhammermoor un Sothgrift in’n Westen un Kleverbarg un Westerhamm mit Süderhörn in’n Noordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1793-00-001793	2 Füürsteden
1824-00-001824	2 Füürsteden
1871-12-011. Dezember 1871	42 Lüüd, 9 Hüüs

Religion

Langenfelln is evangeelsch-luthersch präägt un höört to dat Kaspel von de Nicolai-Kark in Kumbarg.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

De Straat Langenfelln löppt an de Kreisstraat 21 ran, de in’n Noordwesten över Westerhamm un Tollboom na Bülkau an de Landsstraat 144 ran geiht un in’n Süüdoosten över Bargkamp, Süderbusch, Ellerbrook un Wittenmoor na Loomst. In Tollboom geiht von de K 21 na Noorden de K 22 af, de na Kumbarg föhrt.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 28 Kilometer in’n Noordwesten von Langenfelln.

De nächste Bahnhoff is so bi söss Kilometer wied weg in’n Noorden de Bahnhoff Kumbarg an de Nedderelvbahn.