Sothgrift

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Wingst
Inwahners:
Postleettall:	21789
Vörwahl:	04778
Geograafsche Laag:	53° 44′ N, 9° 2′ O

Sothgrift (hoochdüütsch Sothgrift) is en lütten Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi de Gemeen Wingst mit bi un dor to Westerhamm.

Geografie

Sothgrift liggt an’n Westrand von de Geest von de Wingst hen na dat Moor un de Masch von de Au. En knappen Kilometer in’n Westen löppt de Neehuus-Bülkauer Kanaal langs.

De Naveröörd sünd Kleverbarg un Westerhamm in’n Noorden, Langenfelln in’n Oosten, Bargkamp un Süderbusch in’n Süden, Grift un Westerhammermoor in’n Westen un Krummenbusch in’n Noordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1824-00-001824	2 Füürsteden
1871-12-011. Dezember 1871	9 Lüüd, 2 Hüüs

Religion

Sothgrift is evangeelsch-luthersch präägt un höört to dat Kaspel von de Nicolai-Kark in Kumbarg.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

Dör Sothgrift löppt de Kreisstraat 21, de in’n Noordwesten över Westerhamm un Tollboom na Bülkau an de Landsstraat 144 ran geiht un in’n Süüdoosten över Süderbusch, Ellerbrook un Wittenmoor na Loomst. In Tollboom geiht von de K 21 na Noorden de K 22 af, de na Kumbarg föhrt.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 28 Kilometer in’n Noordwesten von Sothgrift.

De nächste Bahnhoff is so bi fiev Kilometer wied weg in’n Noorden de Bahnhoff Kumbarg an de Nedderelvbahn.