Neeland (Engelschopp)

Vun Wikipedia
Wapen/Flagg Koort
Wapen unbekannt
Neeland
Laag vun Neeland in Düütschland
Basisdaten
Bundsland: Neddersassen
Landkreis: Stood
Samtgemeen: Olendörp-Himmelpoorten
Gemeen: Engelschopp
Inwahners:
Postleettall: 21710
Vörwahl: 04144
Geograafsche Laag:
Koordinaten:53° 40′ N, 9° 18′ O
53° 40′ N, 9° 18′ O

Karte

Neeland (hoochdüütsch Neuland) is en Dörp in de Gemeen Engelschopp (Samtgemeen Olendörp-Himmelpoorten) in’n Landkreis Stood, Neddersassen.

Geografie[ännern | Bornkood ännern]

Dat Dörp liggt in de Masch von de Oost. Dat Water ut dat Rebeed warrt över Gravens un Fleten na’n Borgbeekkanaal hen afföhrt.

De Naveröörd sünd Hüll in’n Noorden, Theisbrüggermoor un Drochtersermoor in Noordoosten, Engelschopp in Oosten, Waterkroog, Borg un Seemoor in’n Süüdoosten, Bredenwisch un Host in’n Süden, Wisch in’n Süüdwesten, Lüttwöhrn in’n Westen (de letzten beiden op de anner Sied Oost) un Grootweurn in’n Noordwesten.

De Deel von Neeland in’n Noorden warrt ok Hoorn nöömt un de Deel in’n Süden Vörwark.

Historie[ännern | Bornkood ännern]

Neeland is wohrschienlich bi de Hollerkolonisatschoon grünnt worrn. De Oort kummt 1337 tooerst in de Oorkunnen vör, in dat Stoder Stadtbook in en Koopverdrag.

Fröher harr de Oort maal twee Windmöhlen, de vondaag aver nich mehr staht.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Grootweurn in’n Kanton Oosten höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Oosten in’n Kanton Himmelpoorten.

Vör 1852 weer dat Dörp in’n Kloosterbezirk Himmelpoorten von dat Amt Himmelpoorten un is denn na dat Amt Oosten wesselt. 1885 is de Oort denn Deel von’n Kreis Neehuus worrn, 1932 aver na’n Kreis Stood wesselt. An’n 1. Juli 1972 is Neeland mit de Gemeenreform in Neddersassen Deel von de Gemeen Engelschopp worrn.

Inwahnertall[ännern | Bornkood ännern]

Johr Inwahners
1791-00-001791[1] 47 Füürsteden
1824-00-001824[2] 64 Füürsteden
1848-00-001848[3] 383 Lüüd, 60 Hüüs Hüüs
1871-12-011. Dezember 1871[4] 395 Lüüd, 67 Hüüs
1885-12-011. Dezember 1885[5] 422 Lüüd, 83 Hüüs
1905-12-011. Dezember 1905[6] 437 Lüüd, 81 Hüüs
1910-12-011. Dezember 1910[7] 408
1933-00-001933[8] 360
1939-00-001939[8] 395

Religion[ännern | Bornkood ännern]

Neeland is evangeelsch-luthersch präägt un höört to dat Kaspel von de Marienkark in Grootweurn.

För de Kathoolschen is de Hillig-Geist-Kark in Stood tostännig.

Kultur[ännern | Bornkood ännern]

Verenen[ännern | Bornkood ännern]

De Schützenvereen Neeland is 1928 grünnt worrn.

Weertschop un Infrastruktur[ännern | Bornkood ännern]

De Oort hett en egene Freewillige Füürwehr.

Verkehr[ännern | Bornkood ännern]

Neeland liggt an de Landsstraat 113, de in’n Süden över Bredenwisch un in Himmelpoorten an de Bundsstraat 73 ran löppt. In’n Noordwesten geiht de L 113 över Grootweurn un Rönndiek in Olendörp an de B 495 ran. In’n Oosten geiht de Kreisstraat 42 na Engelschopp, Waterkroog un Borg. De direkte Verkehr na Westen to is dör de Oost afsperrt.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 22 Kilometer in’n Süüdoosten von Neeland an de B 73.

De nächste Bahnhoff is de Bahnhoff Himmelpoorten an de Nedderelvbahn von Cuxhoben na Hamborg, wat so bi söss Kilometer weg is.

Literatur[ännern | Bornkood ännern]

  • Heinrich Winter: Engelschoffer Chronik. Leben in einer Holländersiedlung. Kreisspoorkass Stood, Stood 2004
  • Henry Jungclaus: Neuland. Einst Elbestrand jetzt neues Land. Ein Dorf erinnert sich. Neeland 2007

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 164
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 436
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 134
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 148
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 156
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 128
  7. Inwahnertallen op gemeindeverzeichnis.de
  8. a b Inwahnertallen op verwaltungsgeschichte.de